Esdras 8:25 - Li Santil hu

²⁵ Ut quinbis chiruheb li plata, li oro ut li secꞌ li queꞌxqꞌue chokꞌ xmayej re li Ka̱cuaꞌ li kaDios li rey, ut eb laj qꞌuehol naꞌleb li rey, ut eb li nequeꞌcꞌanjelac chiru li rey, joꞌqueb ajcuiꞌ laj Israel li cuanqueb aran.

Q'eqchi Bible

²⁵ Kinb'is ut kinq'axtesi reheb' li plaat ut li oor, ut eb' li k'anjelob'aal k'eeb'ileb' cho'q mayej re li rochoch li qaYos xb'aan li awab'ej, xb'aaneb' laj k'ehol xna'leb', eb' laj jolominel ut chixjunileb' laj Israel li wankeb' aran.

Esdras 8:25 ပူးပေါင်းရင်းမြစ်များ

Esdras 8:33

Ut saꞌ xca̱ li cutan kabis li oro, li plata ut li secꞌ li kacꞌam saꞌ rochoch li Dios ut kakꞌaxtesi re laj Meremot laj tij li ralal laj Urías. Rochben aꞌan cuan laj Eleazar ralal laj Finees, ut cuanqueb ajcuiꞌ rochbeneb laj levita, laj Jozabad ralal laj Jesúa ut laj Noadías ralal laj Binúi.

Esdras 1:8

Li rey Ciro quixye re laj Mitrídates laj xocol tumin nak ta̱rajlaheb li secꞌ. Nak ac xrajlaheb, quixkꞌaxtesiheb re laj Sesbasar li gobernador re Judá.

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

Esdras 2:69

Queꞌxqꞌue aꞌ yal joꞌ qꞌuial li queꞌru xqꞌuebal. Queꞌxqꞌue jun mil riqꞌuin laje̱b xcaꞌcꞌa̱l libras (1,030) li oro ut o̱b mil (5,000) libra li plata. Ut jun ciento li rakꞌeb laj tij queꞌxqꞌue.

Números 7:85

Li junju̱nk chi ni̱nki plato yi̱banbil riqꞌuin plata numenak oxib libra ra̱lal li junju̱nk. Ut li junju̱nk chi ni̱nki secꞌ caꞌchꞌin ma̱ cuib libra ra̱lal. Chixjunil li yi̱banbil riqꞌuin plata numenak laje̱b roxcꞌa̱l libra ra̱lal. Lix bisbaleb, aꞌan joꞌ li bisleb cuan saꞌ li tabernáculo.