Esdras 8:23 - Li Santil hu

²³ Joꞌcan nak co-ayunic ut katzꞌa̱ma katenkꞌanquil chiru li Dios. Ut li Dios quirabi li katij.

Q'eqchi Bible

²³ Koo'ayuunik ut kiqatz'aama qatenq'ankil chiru li qaYos, ut A'an koorab'i.

Esdras 8:23 ပူးပေါင်းရင်းမြစ်များ

Esdras 8:31

Cablaju xbe li xbe̱n po co-el aran cuan cuiꞌ li nimaꞌ Ahava ut co̱o Jerusalén. Li Ka̱cuaꞌ cuan kiqꞌuin ut aꞌan quicoloc ke chiruheb li xicꞌ nequeꞌiloc ke joꞌqueb ajcuiꞌ chiruheb laj e̱lkꞌ li cuanqueb saꞌ li be li co̱o cuiꞌ.

Deuteronomio 4:29

Abanan cui te̱sicꞌ li Ka̱cuaꞌ le̱ Dios nak cua̱nkex chak saꞌ jalan tenamit, te̱tau cui te̱sicꞌ chi anchal e̱chꞌo̱l ut chi anchal e̱ra̱m.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

1 Crónicas 5:20

Li Dios quixtenkꞌaheb xban nak queꞌxcꞌojob xchꞌo̱leb riqꞌuin ut queꞌxya̱ba xcꞌabaꞌ nak yo̱queb chi pletic. Eb laj agareno ut eb li yo̱queb chi tenkꞌa̱nc reheb queꞌxkꞌaxtesi ribeb saꞌ rukꞌeb xban nak li Dios quixtenkꞌaheb.

Daniel 9:3

Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.

Isaías 19:22

Li Ka̱cuaꞌ tixqꞌueheb laj Egipto chixtojbal rix lix ma̱queb. Abanan li Ka̱cuaꞌ tixcuyeb xma̱c ut tixtenkꞌaheb cuiꞌchic ut ta̱rosobtesiheb. Eb laj Egipto teꞌxsicꞌ li Ka̱cuaꞌ ut li Ka̱cuaꞌ ta̱ril xtokꞌoba̱leb ru ut ta̱rosobtesiheb.

Hechos 10:30

Quichakꞌoc laj Cornelio ut quixye: —Ca̱hib cutan anakcuan joꞌcaꞌin ajcuiꞌ ho̱nal nak yo̱quin chi ayunic ut chi tijoc saꞌ li cuochoch. Oxib o̱r re ecuu quixcꞌutbesi rib chicuu jun li cui̱nk nalemtzꞌun li rakꞌ.

San Lucas 2:37

Ac cuan chic ca̱hib roꞌcꞌa̱l chihab (84) xcanajic xjunes. Aꞌan cuan junelic saꞌ li templo. Yo̱ chi cꞌanjelac chiru li Ka̱cuaꞌ chi kꞌek chi cutan. Junelic yo̱ chi tijoc ut yo̱ chixba̱nunquil x-ayu̱n.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Nehemías 9:1

Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

Génesis 25:21

Laj Isaac quitijoc chiru li Ka̱cuaꞌ Dios. Quitijoc chirix li rixakil xban nak ma̱ jun lix cocꞌal nequeꞌcuan. Li Ka̱cuaꞌ Dios quirabi xtij laj Isaac. Ut lix Rebeca quicana chi yaj aj ixk.

2 Reyes 13:4

Laj Joacaz quitijoc chiru li Ka̱cuaꞌ ut quixtzꞌa̱ma xtenkꞌanquileb. Ut li Ka̱cuaꞌ quixsume lix tij xban nak quiril nak yo̱queb chi rahobtesi̱c laj Israel xban laj Hazael lix reyeb laj Siria.

Proverbios 3:5

Cauhak e̱chꞌo̱l riqꞌuin li Ka̱cuaꞌ. Me̱cꞌojob e̱chꞌo̱l e̱junes e̱rib yal xban nak cuan e̱naꞌleb.