Esdras 8:22 - Li Santil hu

²² Quinxuta̱nac xtzꞌa̱manquil chiru li rey nak tixtaklaheb lix soldado ut lix carruaje chikacolbal chiruheb li xicꞌ nequeꞌiloc ke nak yo̱ko chi xic. Ac xinye re li rey chi joꞌcaꞌin: —Li Ka̱cuaꞌ li kaDios cuan riqꞌuineb li ani nequeꞌqꞌuehoc xlokꞌal ut aꞌan ta̱tenkꞌa̱nk reheb. Abanan najoskꞌoꞌ saꞌ xbe̱neb li ani natzꞌekta̱nan re, chanquin.

Q'eqchi Bible

²² Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.

Esdras 8:22 ပူးပေါင်းရင်းမြစ်များ

1 Pedro 3:12

Li Ka̱cuaꞌ Dios narileb li ti̱queb xchꞌo̱l. Ut junelic narabiheb nak nequeꞌtijoc. Abanan yo̱ xjoskꞌil li Ka̱cuaꞌ saꞌ xbe̱neb li nequeꞌba̱nun re li ma̱usilal. (Sal. 34:12-16)

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

Lamentaciones 3:25

Li Ka̱cuaꞌ junelic cha̱bil riqꞌuineb li nequeꞌyoꞌonin riqꞌuin. Ut naruxta̱na ruheb li nequeꞌxsicꞌ xtenkꞌanquil riqꞌuin.

2 Crónicas 15:2

Joꞌcan nak laj Azarías qui-el chixcꞌulbal laj Asa ut quixye re: —At rey Asa, chacuabi taxak li cꞌaꞌru tinye a̱cue. Ut cherabihak ajcuiꞌ la̱ex li ralal xcꞌajol laj Judá ut la̱ex li ralal xcꞌajol laj Benjamín. Li Ka̱cuaꞌ ta̱cua̱nk e̱riqꞌuin cui la̱ex cua̱nkex riqꞌuin aꞌan. Cui te̱sicꞌ li Dios, aꞌan tixcꞌutbesi rib che̱ru. Abanan cui te̱tzꞌekta̱na, li Dios textzꞌekta̱na ajcuiꞌ la̱ex.

Salmos 34:22

Li Ka̱cuaꞌ ta̱colok reheb li nequeꞌcꞌanjelac chiru. Ut li cauheb xchꞌo̱l riqꞌuin li Ka̱cuaꞌ incꞌaꞌ teꞌqꞌuehekꞌ chixtojbal rix lix ma̱queb.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Hebreos 10:38

Li ti̱c xchꞌo̱l xban inpa̱banquil cuan xyuꞌam chi junelic. Cui naxcanab inpa̱banquil, incꞌaꞌ ta̱sahokꞌ inchꞌo̱l riqꞌuin, chan li Dios. (Hab. 2:3-4)

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

Esdras 7:28

Nimanbil taxak ru li Ka̱cuaꞌ li qui-osobtesin cue chiru li rey, joꞌ ajcuiꞌ chiruheb laj qꞌuehol naꞌleb ut chiruheb ajcuiꞌ chixjunileb li nequeꞌcꞌanjelac chiru li rey. Xban nak li Ka̱cuaꞌ cuan cuiqꞌuin ut quixqꞌue xcacuil inchꞌo̱l, la̱in quinsicꞌ ruheb li teꞌcꞌamok be chiruheb laj Israel re nak teꞌxic Jerusalén cuochben, chan laj Esdras.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Esdras 7:9

Laj Esdras qui-el Babilonia saꞌ li xbe̱n cutan re li xbe̱n po. Ut quicuulac Jerusalén saꞌ li xbe̱n cutan re li roꞌ po. Li Ka̱cuaꞌ cuan riqꞌuin ut aꞌan yo̱ chi tenkꞌa̱nc re.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

1 Corintios 9:15

Abanan la̱in incꞌaꞌ xintzꞌa̱ma e̱re nak tine̱tenkꞌa, chi moco yo̱quin ta chixyebal aꞌin re nak tine̱tenkꞌa. Incꞌaꞌ nacuaj tintojekꞌ xban nak nasahoꞌ saꞌ inchꞌo̱l nak ninye resil li colba-ib chi ma̱cꞌaꞌ intojbal. Us raj nak tinca̱mk xban tzꞌoca̱c chiru nak tine̱toj ut tinsach li sahil chꞌo̱lejil li nincꞌul xban xyebal resil li colba-ib chi ma̱cꞌaꞌ intojbal.

Salmos 90:11

¿Ani ta cuiꞌ ta̱cuyuk re xcꞌulbal la̱ joskꞌil? Ut, ¿ani ta cuiꞌ nanaꞌoc re chanru nak nacatjoskꞌoꞌ?

Josué 22:16

Ut queꞌxye reheb: —La̱o xochal chi a̱tinac e̱riqꞌuin saꞌ xcꞌabaꞌeb laj Israel, le̱ rech tenamitil. ¿Cꞌaꞌut nak xeba̱nu li ma̱c aꞌin chiru li kaDios? ¿Cꞌaꞌut nak xex-oc chixyi̱banquil li artal aꞌin? ¿Cꞌaꞌut nak yo̱quex chixkꞌetbal lix chakꞌrab li Ka̱cuaꞌ Dios?

Esdras 8:31

Cablaju xbe li xbe̱n po co-el aran cuan cuiꞌ li nimaꞌ Ahava ut co̱o Jerusalén. Li Ka̱cuaꞌ cuan kiqꞌuin ut aꞌan quicoloc ke chiruheb li xicꞌ nequeꞌiloc ke joꞌqueb ajcuiꞌ chiruheb laj e̱lkꞌ li cuanqueb saꞌ li be li co̱o cuiꞌ.

Nehemías 2:9

Nak quincuulac jun pacꞌal li nimaꞌ Éufrates co̱in riqꞌuineb li nequeꞌtaklan aran ut quinkꞌaxtesi li hu reheb li quixtzꞌi̱ba li rey. Cuanqueb li nequeꞌcꞌamoc be saꞌ xya̱nkeb li soldado li queꞌtakla̱c chicuix xban li rey ut cuanqueb ajcuiꞌ li soldado li nequeꞌbe̱c chirix cacua̱y li queꞌco̱eb chicuix.

Salmos 20:8

Eb li cauheb xchꞌo̱l riqꞌuin lix carruajeb ut lix cacua̱y, eb aꞌan teꞌcana̱k chi ma̱cꞌaꞌeb chic xcuanquil ut teꞌosokꞌ. Abanan la̱o junelic cau kachꞌo̱l riqꞌuin li Dios ut incꞌaꞌ ta̱chꞌina̱nk kachꞌo̱l.