Esdras 8:21 - Li Santil hu

²¹ Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Q'eqchi Bible

²¹ Aran chire li nima' Ahabá kinxaqab' jun li ayuun re xkub'sinkil qib' chiru li qaYos jo' ajwi' re xpatz'b'al naq maak'a' tqak'ul sa' li qab'eenik laa'o, eb' li qalal qak'ajol ut li k'aru wank qe.

Esdras 8:21 ပူးပေါင်းရင်းမြစ်များ

2 Crónicas 20:3

Cꞌajoꞌ nak qui-oc xxiu laj Josafat. Quixcubsi rib ut quixpatzꞌ xnaꞌleb riqꞌuin li Ka̱cuaꞌ ut quixye nak teꞌxba̱nu lix ayu̱n saꞌ chixjunil li naꞌajej Judá.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.

1 Samuel 7:6

Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.

Jonás 3:5

Ut eb li cuanqueb saꞌ li tenamit Nínive queꞌxpa̱b li ra̱tin li Dios li quixye laj Jonás. Queꞌxye nak teꞌxba̱nu x-ayu̱n chixjunileb, joꞌ ni̱nk joꞌ cocꞌ. Ut queꞌxqꞌue li kꞌes ru tꞌicr chirixeb retalil nak raheb saꞌ xchꞌo̱l.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

Levítico 23:29

Li ani incꞌaꞌ tixba̱nu lix ayu̱n saꞌ li cutan aꞌan, li jun aꞌan ta̱isi̱k saꞌ xya̱nkeb laj Israel.

Hechos 2:39

Yechiꞌinbil e̱re la̱ex li ma̱tan aꞌin, ut yechiꞌinbil ajcuiꞌ reheb le̱ ralal e̱cꞌajol ut reheb ajcuiꞌ li ma̱cuaꞌeb aj judío. Yechiꞌinbil reheb chixjunileb li joꞌ qꞌuialeb teꞌbokekꞌ xban li Ka̱cuaꞌ li kaDios, chan.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Salmos 5:8

China̱tenkꞌa chixtaubal li ti̱quilal re nak incꞌaꞌ ta̱cuiba̱nk inchꞌo̱l xbaneb li xicꞌ nequeꞌiloc cue. China̱beresi re nak tinba̱nu li cꞌaꞌru nacacuaj.

Esdras 8:15

Aran kachꞌutub kib chire li nimaꞌ Ahava. Xocana aran oxib cutan cuochbeneb li xeꞌchal chicuix. Quin-oc xsiqꞌuinquil laj levita saꞌ xya̱nkeb ut ma̱ jun quintau.

Jeremías 10:23

Laj Jeremías quitijoc ut quixye: —At Ka̱cuaꞌ, la̱in ninnau nak li cui̱nk incꞌaꞌ tixtakla rib xjunes. Moco aꞌan ta yal re saꞌ xbe̱n li tixba̱nu.

Isaías 58:5

¿Ma aꞌin ta biꞌ li ayunic li nacuulac chicuu la̱in? ¿Ma jun cutan ajcuiꞌ naru te̱cubsi e̱rib? ¿Ma riqꞌuin xxulubanquil le̱ jolom joꞌ na-ecꞌan li caxlan aj te̱ba̱nu li us? ¿Ma nequecꞌoxla la̱ex nak riqꞌuin xqꞌuebal li kꞌes ru tꞌicr che̱rix ut riqꞌuin xyocobanquil e̱rib saꞌ li cha te̱ba̱nu li us? ¿Ma aꞌan xya̱lal li ayunic che̱ru la̱ex? ¿Ma nacuulac chicuu li ayunic chi joꞌcan nak nequecꞌoxla la̱ex?

Isaías 58:3

Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Jueces 20:26

Ut chixjunileb laj Israel queꞌco̱eb Bet-el. Queꞌxchꞌutub ribeb chiru li Ka̱cuaꞌ. Queꞌtijoc ut queꞌayunic toj qui-ecuu. Queꞌxmayeja li cꞌatbil xul ut queꞌxqꞌue ajcuiꞌ li mayej re xcꞌambaleb rib saꞌ usilal riqꞌuin li Dios.

Levítico 16:31

Aꞌan jun li hiloba̱l cutan kꞌaxal lokꞌ chokꞌ e̱re re nak texhila̱nk ut te̱ba̱nu le̱ ayu̱n. Aꞌan jun chakꞌrab tenebanbil saꞌ e̱be̱n la̱ex re nak te̱ba̱nu chi junelic.

Isaías 35:8

Ta̱cua̱nk aran jun li cha̱bil be. “Xbehil li Santilal” xcꞌabaꞌ. Eb li incꞌaꞌ useb xnaꞌleb incꞌaꞌ teꞌoc saꞌ li be aꞌan, chi moco teꞌoc aran li ma̱cꞌaꞌeb xnaꞌleb.

Salmos 8:2

Eb li cocꞌal ut eb li cꞌulaꞌal nequeꞌxqꞌue a̱lokꞌal. Nequeꞌxcꞌut la̱ cuanquilal ut xbaneb aꞌan, teꞌcꞌutekꞌ xxuta̱neb li xicꞌ nequeꞌiloc a̱cue ut mem teꞌcana̱k.

Esdras 8:31

Cablaju xbe li xbe̱n po co-el aran cuan cuiꞌ li nimaꞌ Ahava ut co̱o Jerusalén. Li Ka̱cuaꞌ cuan kiqꞌuin ut aꞌan quicoloc ke chiruheb li xicꞌ nequeꞌiloc ke joꞌqueb ajcuiꞌ chiruheb laj e̱lkꞌ li cuanqueb saꞌ li be li co̱o cuiꞌ.

Números 14:31

Abanan le̱ ralal e̱cꞌajol li queye nak teꞌchapekꞌ xbaneb li xicꞌ nequeꞌiloc e̱re, aꞌan eb li tebinqꞌue chi cua̱nc aran saꞌ li naꞌajej li xetzꞌekta̱na.

Números 14:3

¿Cꞌaꞌut nak xoxcꞌam chak li Ka̱cuaꞌ saꞌ li naꞌajej aꞌin yal re nak tocamsi̱k? Ut, ¿cꞌaꞌut nak tixcanabeb chi chapecꞌ li kixakil ut eb li kacocꞌal? ¿Ma incꞌaꞌ raj us nak tosukꞌi̱k cuiꞌchic Egipto? chanqueb.

Jonás 3:7

Chirix aꞌan li rey, rochbeneb li nequeꞌcꞌanjelac chiru, queꞌxqꞌue jun li chakꞌrab. Li chakꞌrab li queꞌxqꞌue, aꞌan nak li cristian incꞌaꞌ teꞌcuaꞌak chi moco teꞌucꞌak. Chi moco li queto̱mk teꞌqꞌuehekꞌ xcua rucꞌa, chi moco li bo̱yx, chi moco li carner.

2 Crónicas 20:4

Ut eb li tenamit queꞌxchꞌutub ribeb ut queꞌxpatzꞌ xtenkꞌanquileb chiru li Dios. Quilajeꞌchal saꞌ chixjunileb li tenamit li cuanqueb Judá chi tijoc chiru li Ka̱cuaꞌ.

Nehemías 9:1

Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

Salmos 5:9

Eb aꞌan moco ya̱l ta nequeꞌa̱tinac. Cꞌajoꞌ xyibal ru lix naꞌlebeb. Ut li cꞌaꞌru nequeꞌxye chanchan xchuhil li camenak. Sa nak nequeꞌkꞌunbesin, aban balakꞌi̱nc nequeꞌxba̱nu.

Salmos 137:1

Nak nakachunub kib chireheb li nimaꞌ li cuanqueb Babilonia, nocoya̱bac nak najulticoꞌ ke li tenamit Sión.

Jeremías 42:3

Chatzꞌa̱ma chiru li Dios nak aꞌan tixcꞌut chiku cꞌaꞌru takaba̱nu ut tixcꞌut ajcuiꞌ chiku bar toxic, chanqueb.

Daniel 9:3

Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.