Esdras 8:18 - Li Santil hu

¹⁸ Ut xban nak li Dios yo̱ chi tenkꞌa̱nc ke, queꞌxtau chak laj Serebías re ta̱xic chi cꞌanjelac. Aꞌan jun cui̱nk cha̱bil xnaꞌleb xcomoneb li ralal xcꞌajol laj Mahli laj levita. Queꞌchal rochben li ralal ut li ras. Cuakxaklajuheb (18) chixjunileb.

Q'eqchi Bible

¹⁸ B'anyox re li Yos, xb'aan xnimal xrahom li Qaawa' ke'xk'am chaq qe jun li winq chaab'il xna'leb', aj Serebías xk'ab'a', ralal laj Majlí, ralal laj Leví, ralal laj Israel. Ke'chalk rochb'een eb' li ralal ut eb' li ras riitz'in: waqxaqlajuheb' chi winq.

Esdras 8:18 ပူးပေါင်းရင်းမြစ်များ

Jeremías 3:15

La̱in tinxakabeb li ani teꞌilok e̱re. Eb aꞌan cua̱nkeb xnaꞌleb chi cꞌamoc be che̱ru joꞌ li nacuaj la̱in, chan li Dios.

Nehemías 2:8

Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Esdras 7:28

Nimanbil taxak ru li Ka̱cuaꞌ li qui-osobtesin cue chiru li rey, joꞌ ajcuiꞌ chiruheb laj qꞌuehol naꞌleb ut chiruheb ajcuiꞌ chixjunileb li nequeꞌcꞌanjelac chiru li rey. Xban nak li Ka̱cuaꞌ cuan cuiqꞌuin ut quixqꞌue xcacuil inchꞌo̱l, la̱in quinsicꞌ ruheb li teꞌcꞌamok be chiruheb laj Israel re nak teꞌxic Jerusalén cuochben, chan laj Esdras.

Daniel 1:20

Chixjunil li cꞌaꞌru queꞌpatzꞌeꞌ reheb xban li rey, li ca̱hib chi cui̱nk aꞌin kꞌaxal cha̱bil queꞌxsume. Kꞌaxal cuiꞌchic cha̱bil queꞌxsume chiruheb chixjunileb li cuanqueb rubel xcuanquil li rey joꞌ laj kꞌe ut eb li nequeꞌtzoloc chirix li chahim.

Esdras 8:22

Quinxuta̱nac xtzꞌa̱manquil chiru li rey nak tixtaklaheb lix soldado ut lix carruaje chikacolbal chiruheb li xicꞌ nequeꞌiloc ke nak yo̱ko chi xic. Ac xinye re li rey chi joꞌcaꞌin: —Li Ka̱cuaꞌ li kaDios cuan riqꞌuineb li ani nequeꞌqꞌuehoc xlokꞌal ut aꞌan ta̱tenkꞌa̱nk reheb. Abanan najoskꞌoꞌ saꞌ xbe̱neb li ani natzꞌekta̱nan re, chanquin.

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

1 Crónicas 6:19

Eb li ralal laj Merari, aꞌaneb laj Mahli ut laj Musi. Aꞌaneb li ralal xcꞌajol laj Leví, aꞌ yal chanru li ralal xcꞌajoleb.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Proverbios 24:3

Li ani cuan xnaꞌleb naxcꞌoxla chi us chanru nak tixyi̱b li rochoch. Xban nak se̱b xchꞌo̱l naxxakab lix cimiento saꞌ xnaꞌaj.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Nehemías 12:24

Eb li cuanqueb saꞌ xcuanquil saꞌ xya̱nkeb laj levita, aꞌaneb aꞌin: laj Hasabías, laj Serebías, ut laj Jesúa li ralal laj Cadmiel. Eb li rech aj cꞌanjelil cuanqueb chi ubej ut yo̱queb chi lokꞌoni̱nc ut chi bantioxi̱nc. Nequeꞌxsume rib nak nequeꞌbichan laj bichanel joꞌ queꞌchakꞌrabi̱c cuiꞌ junxil xban li rey David laj cꞌanjel chiru li Dios.

Nehemías 10:12

laj Zacur, laj Serebías, laj Sebanías,

Nehemías 8:7

Ut eb laj levita yo̱queb chixchꞌolobanquil xya̱lal li chakꞌrab chiruheb li tenamit. Ut eb li tenamit queꞌxqꞌue xchꞌo̱l chirabinquil. Eb laj levita, aꞌaneb aꞌin: laj Jesúa, laj Bani, laj Serebías, laj Jamín, laj Acub, laj Sabetai, laj Hodías, laj Maasías, laj Kelita, laj Azarías, laj Jozabed, laj Hanán ut laj Pelaía.

Esdras 8:24

Ut quinsicꞌ ruheb cablaju laj tij. Aꞌaneb laj Serebías, ut laj Hasabías rochbeneb laje̱b chic laj tij.

Esdras 8:16

Joꞌcan nak quinbokeb laj Eliezer, laj Ariel, laj Semaías, laj Elnatán, laj Jarib, laj Elnatán jun chic, laj Natán, laj Zacarías ut laj Mesulam. Eb li cui̱nk aꞌin, aꞌaneb laj cꞌamol be. Ut quinbokeb ajcuiꞌ laj Joiarib ut laj Elnatán. Aꞌaneb laj tzolonel.

Números 3:20

Eb li ralal laj Merari, aꞌaneb laj Mahli ut laj Musi. Aꞌaneb li ralal xcꞌajol laj Leví aꞌ yal chanru xqꞌuial lix te̱paleb.

2 Crónicas 30:22

Li rey Ezequías quixqꞌue xcacuilal xchꞌo̱leb laj levita li queꞌxba̱nu chi us lix cꞌanjel chiru li Ka̱cuaꞌ. Cuukub cutan queꞌtzacan saꞌ li ninkꞌe ut queꞌxqꞌue xmayejeb re xcꞌambaleb rib saꞌ usilal chiru li Ka̱cuaꞌ. Ut queꞌxlokꞌoni li Ka̱cuaꞌ lix Dioseb lix xeꞌto̱nil yucuaꞌ.

Esdras 8:19

Ut queꞌchal ajcuiꞌ laj Hasabías rochben laj Jesaías xcomoneb li ralal xcꞌajol laj Merari. Queꞌchal rochben li ralal ut li ras. Junmayeb (20) chixjunileb.

1 Crónicas 6:1

Eb li ralal laj Leví, aꞌaneb aꞌin: laj Gersón, laj Coat ut laj Merari.

1 Crónicas 6:4

Laj Eleazar, aꞌan lix yucuaꞌ laj Finees; laj Finees, aꞌan lix yucuaꞌ laj Abisúa;

Esdras 7:9

Laj Esdras qui-el Babilonia saꞌ li xbe̱n cutan re li xbe̱n po. Ut quicuulac Jerusalén saꞌ li xbe̱n cutan re li roꞌ po. Li Ka̱cuaꞌ cuan riqꞌuin ut aꞌan yo̱ chi tenkꞌa̱nc re.