Esdras 8:1 - Li Santil hu

¹ Laj Esdras quixye: —Aꞌan aꞌin lix cꞌabaꞌeb li queꞌjolomin reheb li junju̱nk cabal ut li tzꞌi̱banbileb xcꞌabaꞌ. Aꞌaneb li queꞌel Babilonia cuochben la̱in saꞌ eb li cutan nak laj Artajerjes cuan chokꞌ rey.

Q'eqchi Bible

¹ A'aneb' a'in li xjolomileb' junqkab'al, a' yaal chanru li xyo'lajikeb', li ke'sutq'iik wi' chik Jerusalén wochb'eeneb' naq wank chi awab'ejil laj Artajerjes.

Esdras 8:1 ပူးပေါင်းရင်းမြစ်များ

Esdras 7:7

Ut nabaleb laj Israel queꞌco̱eb Jerusalén rochben nak ac yo̱ chic xcuuk chihab roquic chokꞌ rey laj Artajerjes. Saꞌ xya̱nkeb li queꞌsukꞌi cuanqueb laj tij, cuanqueb laj levita, cuanqueb laj bichanel, cuanqueb li nequeꞌcꞌacꞌalen saꞌ li oqueba̱l re li templo, ut cuanqueb ajcuiꞌ li nequeꞌcꞌanjelac saꞌ li templo.

Esdras 7:13

La̱in xinqꞌue jun li chakꞌrab nak chixjunileb laj Israel li cuanqueb rubel incuanquil, joꞌ eb laj tij ut eb laj levita, cui teꞌraj xic Jerusalén, naru nequeꞌxic cha̱cuix.

Esdras 2:62

Queꞌxsicꞌ xcꞌabaꞌeb lix xeꞌto̱nil yucuaꞌ saꞌ li hu li tzꞌi̱banbil cuiꞌ lix cꞌabaꞌeb laj tij ut incꞌaꞌ queꞌxtau. Joꞌcan nak incꞌaꞌ chic queꞌqꞌueheꞌ chokꞌ aj tij.

Esdras 1:5

Ut li Ka̱cuaꞌ Dios quixtochꞌ lix chꞌo̱leb li nequeꞌcꞌamoc be saꞌ xya̱nkeb li ralal xcꞌajol laj Judá ut laj Benjamín joꞌqueb ajcuiꞌ laj tij ut eb laj levita. Ut queꞌxcauresi ribeb chi xic Jerusalén re xyi̱banquil lix templo li Ka̱cuaꞌ.

2 Crónicas 26:12

Cuib mil riqꞌuin cuakib ciento (2,600) chi cui̱nk li queꞌtaklan saꞌ xbe̱neb li soldados. Aꞌaneb li queꞌjolomin reheb li junju̱nk cabal ut cauheb xchꞌo̱l chi pletic.

1 Crónicas 26:32

Laj David quixsiqꞌueb ru li cuib mil riqꞌuin cuukub ciento (2,700) chi cui̱nk li cauheb rib ut aꞌaneb li nequeꞌjolomin re li junju̱nk cabal. Quixqꞌueheb chi takla̱nc saꞌ xbe̱neb li ralal xcꞌajol laj Rubén, ut saꞌ xbe̱neb li ralal xcꞌajol laj Gad, joꞌ ajcuiꞌ li yi jach li ralal xcꞌajol laj Manasés. Queꞌcꞌanjelac chiru li Dios ut queꞌcꞌanjelac ajcuiꞌ chiru li rey.

1 Crónicas 24:31

Eb aꞌan queꞌbu̱lic ajcuiꞌ chiru li rey David ut chiruheb ajcuiꞌ laj Sadoc, laj Ahimelec ut eb li nequeꞌcꞌamoc be saꞌ xya̱nkeb laj tij ut eb laj levita. Eb li ralal xcꞌajol li asbej, juntakꞌe̱t queꞌxba̱nu riqꞌuin li queꞌxba̱nu li ralal xcꞌajol li i̱tzꞌinbej. Queꞌxba̱nu joꞌ queꞌxba̱nu li ralal xcꞌajol laj Aarón.

1 Crónicas 9:34

Aꞌaneb aꞌin li queꞌtaklan saꞌ xbe̱neb li junju̱nk xte̱paleb li tenamit aj levita, aꞌ yal chanru li ralal xcꞌajoleb. Aꞌaneb aj cꞌamol be li queꞌcuan aran Jerusalén.

1 Crónicas 9:1

Chixjunileb laj Israel tzꞌi̱banbil xcꞌabaꞌeb saꞌ li hu reheb lix reyeb laj Israel. Tzꞌi̱banbil xcꞌabaꞌeb aꞌ yal chanru li ralal xcꞌajoleb. Ut chixjunileb laj Judá queꞌcꞌameꞌ aran Babilonia xban nak queꞌxkꞌetkꞌeti ribeb chiru li Dios.

1 Crónicas 4:33

Queꞌcuan ajcuiꞌ saꞌ eb li cocꞌ cꞌaleba̱l li queꞌcuan chi xjun sutam eb li tenamit aꞌin toj saꞌ li naꞌajej Baal. Aꞌaneb li naꞌajej li queꞌcuan cuiꞌ ut aꞌin li retalil eb li ralal xcꞌajol.

Esdras 7:28

Nimanbil taxak ru li Ka̱cuaꞌ li qui-osobtesin cue chiru li rey, joꞌ ajcuiꞌ chiruheb laj qꞌuehol naꞌleb ut chiruheb ajcuiꞌ chixjunileb li nequeꞌcꞌanjelac chiru li rey. Xban nak li Ka̱cuaꞌ cuan cuiqꞌuin ut quixqꞌue xcacuil inchꞌo̱l, la̱in quinsicꞌ ruheb li teꞌcꞌamok be chiruheb laj Israel re nak teꞌxic Jerusalén cuochben, chan laj Esdras.

Esdras 8:2

Laj Gersón xcomoneb li ralal xcꞌajol laj Finees; laj Daniel, xcomoneb li ralal xcꞌajol laj Itamar; laj Hatús, xcomoneb li ralal xcꞌajol laj David ut li ralal xcꞌajol laj Secanías;

Esdras 2:2

Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

Esdras 2:3

Li ralal xcꞌajol laj Paros, aꞌan cuib mil riqꞌuin jun ciento riqꞌuin cablaju xca̱cꞌa̱leb (2,172).

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.