Esdras 7:7 - Li Santil hu

⁷ Ut nabaleb laj Israel queꞌco̱eb Jerusalén rochben nak ac yo̱ chic xcuuk chihab roquic chokꞌ rey laj Artajerjes. Saꞌ xya̱nkeb li queꞌsukꞌi cuanqueb laj tij, cuanqueb laj levita, cuanqueb laj bichanel, cuanqueb li nequeꞌcꞌacꞌalen saꞌ li oqueba̱l re li templo, ut cuanqueb ajcuiꞌ li nequeꞌcꞌanjelac saꞌ li templo.

Q'eqchi Bible

⁷ Ut naab'aleb' laj Israel koheb' Jerusalén rochb'een, sa' li xwuq chihab' rokik chi awab'ejil laj Artajerjes. Wankeb' aj tij, aj Leví, aj b'ichanel, aj k'aak'alenel okeb'aal ut aj k'anjel sa' rochoch li Yos.

Esdras 7:7 ပူးပေါင်းရင်းမြစ်များ

Nehemías 10:28

Chikajunilo la̱o aj Israel xkaye nak takaba̱nu joꞌ tzꞌi̱banbil saꞌ li contrato li quikaba̱nu. Eb laj tij, ut eb laj levitas, ut eb li nequeꞌcꞌacꞌalen re li oqueba̱l, ut eb li nequeꞌbichan, ut eb li nequeꞌcꞌanjelac saꞌ li templo, joꞌqueb ajcuiꞌ chixjunileb li queꞌrisi ribeb saꞌ xya̱nkeb li jalaneb xtenamit re teꞌxba̱nu joꞌ naxye saꞌ li chakꞌrab li quiqꞌueheꞌ reheb xban li Dios, rochbeneb li rixakil ut chixjunileb li ralal xcꞌajol li ac nequeꞌxnau cꞌoxlac, queꞌxcꞌul xchꞌo̱l xba̱nunquil li cꞌaꞌru kaye saꞌ li contrato.

Nehemías 2:1

Aꞌin quicꞌulman saꞌ li po Nisán nak ac yo̱ chic junmay chihab roquic chokꞌ rey laj Artajerjes. La̱in quincꞌam li vino ut quinqꞌue re li rey. Nak quincuulac riqꞌuin li rey quixqꞌue retal nak la̱in ra saꞌ inchꞌo̱l. La̱in ma̱ jun sut quincuulac riqꞌuin chi ra saꞌ inchꞌo̱l.

Esdras 7:24

Ut ninye ajcuiꞌ a̱cue nak incꞌaꞌ ta̱patzꞌ xtojeb laj tij chi moco eb laj levita, chi moco eb laj bichanel, chi moco eb li nequeꞌcꞌacꞌalen saꞌ li oqueba̱l re li templo, chi moco riqꞌuineb li nequeꞌcꞌanjelac saꞌ li templo. Incꞌaꞌ ta̱patzꞌ xtojeb.

Esdras 6:14

Ut eb laj cꞌamol be saꞌ xya̱nkeb laj judío yo̱queb chi cablac ut yo̱ chi e̱lc chi us lix cꞌanjeleb joꞌ quiyeheꞌ reheb xbaneb li profeta Hageo ut li profeta Zacarías li ralal laj Iddo. Queꞌcablac ut queꞌxchoy lix cꞌanjeleb joꞌ quixye li Ka̱cuaꞌ lix Dioseb laj Israel ut joꞌ queꞌxye lix reyeb laj Persia, laj Ciro, laj Darío ut laj Artajerjes.

Esdras 7:8

O̱b po xcuuk chihab roquic chokꞌ rey laj Artajerjes nak laj Esdras quicuulac Jerusalén.

Nehemías 12:1

Aꞌaneb aꞌin laj tij ut eb laj levita li queꞌsukꞌi Jerusalén rochben laj Zorobabel li ralal laj Salatiel ut laj Jesúa li xbe̱nil aj tij. Aꞌaneb aꞌin laj tij: laj Seraías, laj Jeremías, laj Esdras,

Nehemías 1:1

Aꞌan aꞌin li a̱tin li quixtzꞌi̱ba li profeta Nehemías, li ralal laj Hacalías. Ac yo̱ chic junmay chihab roquic chokꞌ rey laj Artajerjes saꞌ li po Quisleu nak cuanquin saꞌ li tenamit Susa bar nacuan cuiꞌ chi takla̱nc li rey.