Esdras 7:27 - Li Santil hu

²⁷ Laj Esdras quitijoc ut quixye chi joꞌcaꞌin: —Lokꞌoninbilak taxak li Ka̱cuaꞌ lix Dioseb li kaxeꞌto̱nil yucuaꞌ, xban nak aꞌan xcꞌutuc chiru li rey nak tixqꞌue xlokꞌal li templo, li cuan Jerusalén, li nakalokꞌoni cuiꞌ li Ka̱cuaꞌ li kaDios.

Q'eqchi Bible

²⁷ Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

Esdras 7:27 ပူးပေါင်းရင်းမြစ်များ

Esdras 6:22

Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

Isaías 60:13

Li ni̱nki cheꞌ li cuanqueb Líbano, li cꞌajoꞌ xchakꞌal ruheb, e̱rehak chic. Li chaj, li ciprés, ut li chacalteꞌ ta̱cꞌanjelak che̱ru re xqꞌuebal xsahob ru lin templo. Ut la̱in tinqꞌue xlokꞌal li templo li nincuan cuiꞌ.

Apocalipsis 17:17

Li Dios quiqꞌuehoc re saꞌ xchꞌo̱leb li rey nak joꞌcan teꞌxba̱nu. Joꞌcan nak junajakeb lix cꞌaꞌux chixqꞌuebal lix cuanquileb re li joskꞌ aj xul re nak ta̱takla̱nk toj ta̱tzꞌaklok ru li quixye li Dios.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Hebreos 10:16

Aꞌin li contrato tinqꞌue reheb, chan li Dios. Ta̱cuulak xkꞌehil nak tinqꞌue lin chakꞌrab saꞌ lix cꞌaꞌuxeb ut tinqꞌue ajcuiꞌ saꞌ li ra̱meb.

Hebreos 8:10

Aꞌin li contrato tinba̱nu riqꞌuineb reheb laj Israel. Ta̱cuulak xkꞌehil nak tinqꞌue lin chakꞌrab saꞌ lix cꞌaꞌuxeb ut tinqꞌue ajcuiꞌ saꞌ li ra̱meb. La̱inak lix Dios ut aꞌanakeb lin tenamit.

2 Corintios 8:16

Ninbantioxi chiru li Dios xban nak laj Tito naxqꞌue xchꞌo̱l che̱tenkꞌanquil joꞌ nak ninqꞌue inchꞌo̱l la̱in.

Nehemías 2:12

quincuacli chi kꞌek cuochbeneb cuib oxib li cui̱nk. Abanan ma̱ ani aj e quinye li cꞌaꞌru quixye cue li Dios tinba̱nu re xtenkꞌanquil li tenamit Jerusalén. Ma̱ ani chic quixcꞌam xcacua̱y. Caꞌaj cuiꞌ la̱in.

Nehemías 2:8

Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Filipenses 4:10

Kꞌaxal nasahoꞌ saꞌ inchꞌo̱l ut ninbantioxi chiru li Ka̱cuaꞌ nak qui-ala chak saꞌ e̱chꞌo̱l intenkꞌanquil. Ninnau nak incꞌaꞌ xecanab incꞌoxlanquil. Junxil incꞌaꞌ quixqꞌue rib che̱ru intenkꞌanquil.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Nehemías 7:5

Li Dios quixcꞌut chicuu nak tento tebinchꞌutub li nequeꞌtaklan saꞌ li tenamit ut eb li nequeꞌcꞌamoc be joꞌqueb ajcuiꞌ chixjunileb li tenamit re nak teꞌajla̱k li junju̱nk cabal. Quintau li hu li tzꞌi̱banbil cuiꞌ lix cꞌabaꞌeb li queꞌsukꞌi chak xbe̱n cua. Tzꞌi̱banbil retalil chi joꞌcaꞌin:

Éxodo 8:9

Laj Moisés quixye re laj faraón: —La̱at yal a̱cue jokꞌe ta̱cuaj tintijok chiru li Dios cha̱cuix la̱at ut chirixeb la̱ mo̱s, joꞌ eb ajcuiꞌ la̱ tenamit. Tintzꞌa̱ma chiru nak ta̱risiheb li amoch e̱riqꞌuin ut saꞌ le̱ rochoch. Caꞌaj chic li joꞌ qꞌuial teꞌcana̱k saꞌ li nimaꞌ, chan laj Moisés.

2 Crónicas 31:8

Nak laj Ezequías ut eb li nequeꞌtenkꞌan re queꞌril chixjunil li mayej tu̱btu aran, queꞌxlokꞌoni li Ka̱cuaꞌ ut queꞌxbantioxi chiruheb laj Israel lix tenamit.

San Lucas 7:5

xban nak aꞌan nocoxra la̱o aj judío ut aꞌan quitaklan re xyi̱banquil li cab nakachꞌutub cuiꞌ kib, chanqueb re li Jesús.