Esdras 7:21 - Li Santil hu

²¹ Anakcuan la̱in, li rey Artajerjes, yo̱quin xqꞌuebal li chakꞌrab reheb chixjunileb laj xocol tumin li cuanqueb jun pacꞌal li nimaꞌ Éufrates nak teꞌxqꞌue chi junpa̱t chixjunil li cꞌaꞌru ta̱patzꞌ la̱at, Esdras. La̱at aj tij ut nacanau chi us li chakꞌrab li qꞌuebil e̱re xban li Dios cuan saꞌ choxa.

Q'eqchi Bible

²¹ Laa'in, li awab'ej Artajerjes, nink'e li chaq'rab' a'in reheb' chixjunileb' laj k'uulanel tumin li wankeb' junpak'al li nima' Éwfrates: Jo'ch'inal jo'nimal tixpatz' eere laj Esdras, aj tij ut aj k'utul re li xChaq'rab' li xYos li choxa, teek'e re chi junpaat,

Esdras 7:21 ပူးပေါင်းရင်းမြစ်များ

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

Esdras 4:16

Nakaye a̱cue, at rey, cui li tenamit Jerusalén ta̱yi̱ba̱k cuiꞌchic, ut cui li tzꞌac li sutsu cuiꞌ li tenamit ta̱yi̱ba̱k cuiꞌchic, li tenamit aꞌin li cuanqueb jun pacꞌal li nimaꞌ incꞌaꞌ chic teꞌcana̱k rubel la̱ cuanquil, chanqueb.

Esdras 6:6

Ut anakcuan, at Tatnai, la̱at li nacattaklan saꞌ xbe̱neb li tenamit li cuan jun pacꞌal li nimaꞌ Éufrates, joꞌ ajcuiꞌ laj Setar-boznai ut eb le̱ rochben, la̱in tinye e̱re nak tex-e̱lk aran Jerusalén.

Esdras 4:20

Eb li rey li queꞌcuan aran Jerusalén kꞌaxal ni̱nkeb xcuanquil. Queꞌtaklan saꞌ eb li naꞌajej li cuanqueb jun pacꞌal li nimaꞌ. Ut queꞌxqꞌue xtojeb ut queꞌxtoj rix li cꞌaꞌak re ru tento xtojbal.

Esdras 7:1

Nak quicuan laj Artajerjes chokꞌ xreyeb laj Persia, quicuan jun li cui̱nk aj Esdras xcꞌabaꞌ. Aꞌan ralal laj Seraías. Ut laj Seraías, aꞌan ralal laj Azarías. Ut laj Azarías, aꞌan ralal laj Hilcías.

Esdras 7:22

Naru teꞌxqꞌue oxib mil riqꞌuin oxib ciento (3,300) kilos li plata. Naru teꞌxqꞌue cuib xcaꞌcꞌa̱l mil (22,000) bisoc li trigo, ut cuib mil riqꞌuin cuib ciento (2,200) botella li vino. Naru teꞌxqꞌue cuib mil riqꞌuin cuib ciento (2,200) botella li aceite ut li atzꞌam ta̱qꞌuehekꞌ chi incꞌaꞌ bisbil.

Esdras 8:36

Ut queꞌxkꞌaxtesi li chakꞌrab li quixqꞌue li rey reheb li cuanqueb saꞌ xcuanquil ut reheb ajcuiꞌ li nequeꞌtaklan saꞌ eb li tenamit li cuanqueb jun pacꞌal li nimaꞌ Éufrates. Ut eb aꞌan queꞌxtenkꞌaheb li tenamit ut queꞌoquen ajcuiꞌ chixyi̱banquil lix templo li Dios.

Nehemías 2:7

Ut quintzꞌa̱ma ajcuiꞌ chiru li rey nak cui aꞌan tixcꞌul xchꞌo̱l, tixtzꞌi̱ba li hu reheb li nequeꞌtaklan saꞌ li tenamit li cuanqueb jun pacꞌal li nimaꞌ Éufrates re nak ta̱ru̱k tinnumekꞌ aran toj tincuulak Judá chi ma̱cꞌaꞌ chꞌaꞌajquilal.

Daniel 6:26

La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.

Salmos 119:4

At Ka̱cuaꞌ, la̱at caye nak tento takaba̱nu chi tzꞌakal re ru li cꞌaꞌru naxye saꞌ la̱ chakꞌrab.