Esdras 7:16 - Li Santil hu

¹⁶ Ta̱cꞌam ajcuiꞌ chixjunil li plata ut li oro li joꞌ qꞌuial teꞌxchꞌutub li cuanqueb Babilonia. Ut ta̱cꞌam ajcuiꞌ li mayej li x-ala saꞌ xchꞌo̱leb xqꞌuebal eb laj tij ut eb laj Israel li cuanqueb saꞌ li tenamit aꞌan re xyi̱banquil lix templo li Dios aran Jerusalén.

Q'eqchi Bible

¹⁶ Chak'am ajwi' chawix chixjunil li plaat ut oor li xach'utub' sa' xteepal Babilonia, jo'wi' chixjunil li x'alaak sa' xch'ooleb' li tenamit ut eb' laj tij xyeechi'inkil cho'q re li rochoch li Yos aran Jerusalén.

Esdras 7:16 ပူးပေါင်းရင်းမြစ်များ

1 Crónicas 29:6

Ut eb li nequeꞌcꞌamoc be saꞌ xya̱nkeb li junju̱nk xte̱paleb laj Israel, joꞌ eb ajcuiꞌ li nequeꞌtaklan saꞌ xbe̱neb li soldado, ut eb li nequeꞌtaklan saꞌ xbe̱n li cꞌaꞌru re li rey, queꞌxqꞌue xmayejeb joꞌ qui-ala saꞌ xchꞌo̱leb.

Esdras 1:6

Ut chixjunileb li cuanqueb chi nachꞌ riqꞌuineb queꞌxtenkꞌaheb. Queꞌxqꞌue li plata, queꞌxqꞌue li oro ut li cꞌaꞌak re ru li ta̱cꞌanjelak chiruheb. Queꞌxqꞌue li xul li nequeꞌi̱kan ut nabal li cꞌaꞌak re ru terto xtzꞌak. Ut queꞌxqꞌue ajcuiꞌ lix mayej aꞌ yal joꞌ nimal x-ala chak saꞌ xchꞌo̱l li junju̱nk.

Esdras 1:4

Ut li joꞌ qꞌuial chic teꞌcana̱k cheꞌxtenkꞌaheb li xiqueb re chi cablac riqꞌuin xqꞌuebal li plata, li oro, ut li cꞌaꞌak re ru ta̱cꞌanjelak chiruheb. Teꞌxqꞌue li queto̱mk ut teꞌxqꞌue lix mayejeb li joꞌ qꞌuial ta̱ala̱k saꞌ xchꞌo̱leb xqꞌuebal re lix templo li Ka̱cuaꞌ Dios aran Jerusalén.—

1 Crónicas 29:9

Cꞌajoꞌ nak queꞌsahoꞌ xchꞌo̱leb li cristian xban nak chi anchaleb xchꞌo̱l queꞌxqꞌue re li Ka̱cuaꞌ li joꞌ qꞌuial qui-ala saꞌ xchꞌo̱leb.

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

2 Crónicas 6:2

Abanan la̱in xinyi̱b jun li templo re tatcua̱nk cuiꞌ. Aꞌan li naꞌajej li tatcua̱nk cuiꞌ chi junelic, chan.

2 Crónicas 6:5

“Chalen nak queꞌcuisi chak lin tenamit aran Egipto ma̱ jun li tenamit quinsicꞌ ru saꞌ xya̱nk lix te̱paleb laj Israel re ta̱yi̱ba̱k junak li templo bar tineꞌxlokꞌoni cuiꞌ, chi moco quinsicꞌ ru junak cui̱nk ta̱cꞌamok be saꞌ lin tenamit Israel.

2 Crónicas 6:6

Abanan anakcuan xinsicꞌ ru li tenamit Jerusalén re nak aran teꞌxyi̱b jun li templo re tineꞌxlokꞌoni cuiꞌ. Ut xinsicꞌ ru laj David re nak aꞌan ta̱takla̱nk saꞌ xbe̱neb lin tenamit Israel,” chan li Dios re lin yucuaꞌ.

2 Crónicas 31:14

Laj Coré li ralal laj Imna laj levita, aꞌan li nacꞌacꞌalen saꞌ li oqueba̱l li cuan saꞌ li este, ut aꞌan ajcuiꞌ li quixakaba̱c chixcꞌulbal li mayej li qui-ala saꞌ xchꞌo̱leb xqꞌuebal re li Dios. Ut aꞌan ajcuiꞌ li najeqꞌuin re li mayej li kꞌaxtesinbil re li Dios.

Salmos 135:21

Cheqꞌuehak taxak xlokꞌal li Ka̱cuaꞌ aran Sión. Cheqꞌuehak taxak xlokꞌal saꞌ lix tenamit Jerusalén. ¡Lokꞌoninbil taxak li nimajcual Dios!