Esdras 7:1 - Li Santil hu

¹ Nak quicuan laj Artajerjes chokꞌ xreyeb laj Persia, quicuan jun li cui̱nk aj Esdras xcꞌabaꞌ. Aꞌan ralal laj Seraías. Ut laj Seraías, aꞌan ralal laj Azarías. Ut laj Azarías, aꞌan ralal laj Hilcías.

Q'eqchi Bible

¹ Moqon chik, naq wank laj Artajerjes cho'q awab'ej re Persia, ki'elk Babilonia jun li winq, aj Esdras xk'ab'a', ralal laj Seraías, ralal laj Asarías, ralal laj Jilkías,

Esdras 7:1 ပူးပေါင်းရင်းမြစ်များ

Nehemías 2:1

Aꞌin quicꞌulman saꞌ li po Nisán nak ac yo̱ chic junmay chihab roquic chokꞌ rey laj Artajerjes. La̱in quincꞌam li vino ut quinqꞌue re li rey. Nak quincuulac riqꞌuin li rey quixqꞌue retal nak la̱in ra saꞌ inchꞌo̱l. La̱in ma̱ jun sut quincuulac riqꞌuin chi ra saꞌ inchꞌo̱l.

Esdras 7:21

Anakcuan la̱in, li rey Artajerjes, yo̱quin xqꞌuebal li chakꞌrab reheb chixjunileb laj xocol tumin li cuanqueb jun pacꞌal li nimaꞌ Éufrates nak teꞌxqꞌue chi junpa̱t chixjunil li cꞌaꞌru ta̱patzꞌ la̱at, Esdras. La̱at aj tij ut nacanau chi us li chakꞌrab li qꞌuebil e̱re xban li Dios cuan saꞌ choxa.

Esdras 7:12

—La̱in li rey Artajerjes, li kꞌaxal nim incuanquil chiruheb li jun chꞌol chic rey. Li hu aꞌin re laj Esdras laj tij, laj cꞌutul re li chakꞌrab li quiqꞌueheꞌ xban li Ka̱cuaꞌ Dios li cuan saꞌ choxa. Chicua̱nk taxak li tuktu̱quil usilal a̱cuiqꞌuin.

Esdras 6:14

Ut eb laj cꞌamol be saꞌ xya̱nkeb laj judío yo̱queb chi cablac ut yo̱ chi e̱lc chi us lix cꞌanjeleb joꞌ quiyeheꞌ reheb xbaneb li profeta Hageo ut li profeta Zacarías li ralal laj Iddo. Queꞌcablac ut queꞌxchoy lix cꞌanjeleb joꞌ quixye li Ka̱cuaꞌ lix Dioseb laj Israel ut joꞌ queꞌxye lix reyeb laj Persia, laj Ciro, laj Darío ut laj Artajerjes.

2 Reyes 22:4

—Ayu riqꞌuin laj Hilcías li xbe̱nil aj tij. Ta̱ye re nak tixchꞌutub chixjunil li tumin li nequeꞌxqꞌue li tenamit reheb li nequeꞌcꞌacꞌalen saꞌ li oqueba̱l re li templo.

Nehemías 11:11

Ut laj Seraías li ralal laj Hilcías. Ut laj Hilcías, aꞌan li ralal laj Mesulam. Ut laj Mesulam, aꞌan li ralal laj Sadoc. Ut laj Sadoc, aꞌan li ralal laj Meraiot. Ut laj Meraiot, aꞌan li ralal laj Ahitob, li xbe̱nil aj tij saꞌ lix templo li Dios.

Esdras 7:10

Laj Esdras quixqꞌue xchꞌo̱l chixtzolbal ut chixba̱nunquil li naxye saꞌ li chakꞌrab li qꞌuebil xban li Ka̱cuaꞌ. Ut quixqꞌue ajcuiꞌ xchꞌo̱l chixchꞌolobanquil lix ya̱lal li tzꞌi̱banbil saꞌ li chakꞌrab reheb laj Israel.

2 Crónicas 34:15

Co̱ saꞌ junpa̱t riqꞌuin laj Safán laj tzꞌi̱b ut quixkꞌaxtesi li hu saꞌ rukꞌ ut quixye re: —Xintau saꞌ lix templo li Ka̱cuaꞌ li hu li tzꞌi̱banbil cuiꞌ li chakꞌrab li quixqꞌue li Dios, chan.

2 Crónicas 34:9

Eb aꞌan queꞌco̱eb riqꞌuin laj Hilcías li xbe̱nil aj tij. Queꞌxkꞌaxtesi li tumin re li queꞌxchꞌutub laj levita saꞌ li templo, li quixoqueꞌ saꞌ xya̱nkeb laj Manasés, ut eb laj Efraín ut eb li cuanqueb saꞌ li norte, ut saꞌ xya̱nkeb ajcuiꞌ laj Judá ut laj Benjamín ut eb laj Jerusalén.

1 Crónicas 9:11

ut laj Azarías li ralal laj Hilcías. Laj Hilcías, aꞌan li ralal laj Mesulam. Laj Mesulam, aꞌan li ralal laj Sadoc. Laj Sadoc, aꞌan li ralal laj Meraiot. Laj Meraiot, aꞌan li ralal laj Ahitob, li najolomin re li cꞌanjel saꞌ li templo.

2 Reyes 25:18

Ut laj Seraías li xbe̱nil aj tij quichapeꞌ ut quicꞌameꞌ xbaneb lix soldado laj Nabuzaradán. Ut quicꞌameꞌ ajcuiꞌ laj Sofonías li xcab aj tij. Ut queꞌcꞌameꞌ li oxib chi cui̱nk li queꞌcꞌacꞌalen re li oqueba̱l re li templo.

2 Reyes 22:8

Saꞌ jun li cutan laj Hilcías li xbe̱nil aj tij quixye re laj Safán: —La̱in xintau saꞌ lix templo li Ka̱cuaꞌ li hu li tzꞌi̱banbil cuiꞌ lix chakꞌrab li Dios, chan. Laj Hilcías quixqꞌue li hu re laj Safán ut laj Safán quiril xsaꞌ.

Esdras 7:2

Laj Hilcías, aꞌan ralal laj Salum. Laj Salum, aꞌan ralal laj Sadoc. Ut laj Sadoc, aꞌan ralal laj Ahitob.

Esdras 4:7

Ut nak laj Artajerjes cuan chokꞌ rey aran Persia, laj Bislam, laj Mitrídates, laj Tabeel joꞌqueb ajcuiꞌ li rochben queꞌtzꞌi̱bac riqꞌuin li rey Artajerjes. Queꞌxtzꞌi̱ba li hu saꞌ li ra̱tinoba̱leb laj arameo ut joꞌ nequeꞌtzꞌi̱bac eb aꞌan.

Nehemías 8:1

Saꞌ xcuuk li po eb laj Israel queꞌxchꞌutub ribeb chixjunileb aran Jerusalén saꞌ li neba̱l li cuan chiru li oqueba̱l bar nequeꞌnumeꞌ cuiꞌ li nequeꞌbelan haꞌ. Queꞌxtzꞌa̱ma chiru laj Esdras laj tzꞌi̱b nak tixcꞌam chak li hu li tzꞌi̱banbil cuiꞌ li chakꞌrab li quiqꞌueheꞌ re laj Moisés xban li Dios chokꞌ reheb laj Israel.