Esdras 6:3 - Li Santil hu

³ —Yo̱ xbe̱n chihab roquic chokꞌ rey laj Ciro nak quixqꞌue li chakꞌrab aꞌin chirix lix templo li Ka̱cuaꞌ Dios li quicuan Jerusalén: Teꞌxqꞌue li cimiento re lix templo li Dios, ut teꞌxyi̱b cuiꞌchic re nak teꞌmayejak aran. Cuukub xcaꞌcꞌa̱l metro xteram li tzꞌac teꞌxqꞌue nak teꞌxyi̱b ut cuukub xcaꞌcꞌa̱l metro li ru. Teꞌxyi̱b li tzꞌac chi cha̱bil re nak cau ta̱cana̱k.

Q'eqchi Bible

³ “Sa' li xb'een chihab' rokik cho'q awab'ej laj Siro kixk'e li chaq'rab' a'in chirix li rochoch li Yos re Jerusalén: «Chikab'lamanq li rochoch li Yos ut chik'eemanq li rub'elankil, re naq twanq mayejak aran. Waqlaju moqoj li xteram te'xk'e ut waqlaju moqoj li ru.

Esdras 6:3 ပူးပေါင်းရင်းမြစ်များ

2 Crónicas 36:22

Saꞌ li xbe̱n chihab roquic chokꞌ rey aran Persia laj Ciro, nak quicꞌulman li cꞌaꞌru quixye li profeta Jeremías, joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixqꞌue saꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla resil riqꞌuin a̱tin ut chi tzꞌi̱banbil.

Apocalipsis 21:16

Ca̱ xucu̱t li tenamit nak quicuil. Lix nimal rok juntakꞌe̱t riqꞌuin xnimal ru. Li ángel quixbis li tenamit riqꞌuin lix bisleb. Cuib mil kilómetro riqꞌuin cuib ciento kilómetro lix bisbal. Juntakꞌe̱t xbisbal li rok, li ru ut lix teram.

Salmos 122:4

Ut aran nequeꞌxic chixjunileb laj Israel chixbantioxinquil chiru li Ka̱cuaꞌ joꞌ quiyeheꞌ reheb xban li Ka̱cuaꞌ junxil.

2 Crónicas 2:6

Abanan, ¿ani ta cuiꞌ kꞌaxal cau rib chixyi̱banquil rochoch li Dios xban nak li Dios incꞌaꞌ nacuan caꞌaj cuiꞌ saꞌ junak ochoch? Cuan ban saꞌ chixjunil li ruchichꞌochꞌ joꞌ ajcuiꞌ saꞌ li choxa. ¿Anihin ta cuiꞌ la̱in nak tinyi̱b li templo usta caꞌaj cuiꞌ re xcꞌatbal li sununquil ban re xlokꞌoninquil li Dios?

Esdras 1:1

Yo̱ xbe̱n chihab roquic chokꞌ rey aran Persia laj Ciro nak quicꞌulman li cꞌaꞌru quixye li profeta Jeremías joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixtochꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla li resil riqꞌuin a̱tin ut chi tzꞌi̱banbil.

Esdras 3:7

Queꞌtojeꞌ laj tzꞌac ut eb laj pechꞌ. Ut queꞌqꞌueheꞌ ajcuiꞌ xcua rucꞌa ut x-aceite eb laj Tiro ut eb laj Sidón re nak teꞌxcꞌam chak li cha̱bil cheꞌ chacalteꞌ li cuan Líbano. Teꞌxcꞌam chak Jope chiru li palau joꞌ quiyeheꞌ reheb xban laj Ciro lix reyeb laj Persia.

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?

Esdras 1:2

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

Esdras 6:14

Ut eb laj cꞌamol be saꞌ xya̱nkeb laj judío yo̱queb chi cablac ut yo̱ chi e̱lc chi us lix cꞌanjeleb joꞌ quiyeheꞌ reheb xbaneb li profeta Hageo ut li profeta Zacarías li ralal laj Iddo. Queꞌcablac ut queꞌxchoy lix cꞌanjeleb joꞌ quixye li Ka̱cuaꞌ lix Dioseb laj Israel ut joꞌ queꞌxye lix reyeb laj Persia, laj Ciro, laj Darío ut laj Artajerjes.