Esdras 6:22 - Li Santil hu

²² Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

Q'eqchi Bible

²² Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Esdras 6:22 ပူးပေါင်းရင်းမြစ်များ

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Esdras 1:1

Yo̱ xbe̱n chihab roquic chokꞌ rey aran Persia laj Ciro nak quicꞌulman li cꞌaꞌru quixye li profeta Jeremías joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixtochꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla li resil riqꞌuin a̱tin ut chi tzꞌi̱banbil.

2 Crónicas 30:21

Eb laj Israel li chꞌutchꞌu̱queb aran Jerusalén queꞌninkꞌei̱c ut queꞌxcuaꞌ li caxlan cua ma̱cꞌaꞌ xchꞌamal chiru cuukub cutan chi kꞌaxal sa saꞌ xchꞌo̱leb. Eb laj levita ut eb laj tij yo̱queb chixqꞌuebal xlokꞌal li Ka̱cuaꞌ rajlal cutan. Yo̱queb chi bicha̱nc ut yo̱queb chixchꞌeꞌbal lix cuajbeb re xqꞌuebal xlokꞌal li Dios.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Esdras 7:27

Laj Esdras quitijoc ut quixye chi joꞌcaꞌin: —Lokꞌoninbilak taxak li Ka̱cuaꞌ lix Dioseb li kaxeꞌto̱nil yucuaꞌ, xban nak aꞌan xcꞌutuc chiru li rey nak tixqꞌue xlokꞌal li templo, li cuan Jerusalén, li nakalokꞌoni cuiꞌ li Ka̱cuaꞌ li kaDios.

2 Crónicas 35:17

Eb laj Israel li cuanqueb Jerusalén queꞌxninkꞌei li Pascua saꞌ eb li cutan aꞌan ut queꞌxba̱nu ajcuiꞌ li ninkꞌe nak nequeꞌxcuaꞌ li caxlan cua ma̱cꞌaꞌ xchꞌamal chiru cuukub cutan.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

San Mateo 26:17

Saꞌ li xbe̱n cutan re li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal, queꞌchal lix tzolom riqꞌuin li Jesús ut queꞌxye re: —¿Bar ta̱cuaj takacauresi chak li naꞌajej re ta̱tzaca cuiꞌ li mayejanbil xul? chanqueb.

2 Crónicas 33:11

Joꞌcan nak li Ka̱cuaꞌ quixqꞌueheb li nequeꞌtaklan saꞌ xbe̱neb lix soldados lix reyeb laj Asiria chi numta̱c saꞌ xbe̱neb laj Judá. Queꞌxchap laj Manasés. Queꞌxbacꞌ riqꞌuin chꞌi̱chꞌ li rukꞌ ut li rok ut queꞌxcꞌam aran Babilonia.

2 Reyes 23:29

Nak laj Josías cuan chokꞌ xreyeb laj Judá laj Necao lix reyeb laj Egipto co̱ saꞌ li nimaꞌ Éufrates chi pletic riqꞌuin lix reyeb laj Asiria. Li rey Josías co̱ chi pletic riqꞌuin laj Necao. Nak laj Necao quiril laj Josías, ticto quixcamsi aran Meguido.

Esdras 6:1

Ut li rey Darío quixtakla xsicꞌbal saꞌ li hu li xocbil saꞌ li palacio aran Babilonia.

Nehemías 13:6

Nak quicꞌulman chixjunil aꞌin, ac ma̱ anihin chic Jerusalén xban nak co̱in cuiꞌchic Persia riqꞌuin li rey Artajerjes nak ac yo̱ chic cablaju xcaꞌcꞌa̱l (32) chihab roquic chokꞌ rey. Abanan incꞌaꞌ ajcuiꞌ najt quincuan aran nak quixqꞌue cuiꞌchic inlese̱ns li rey re tinsukꞌi̱k Jerusalén.

Ezequiel 23:23

Tintaklaheb laj Babilonia, eb laj Caldea, eb laj Pecod, ut eb laj Soa ut eb laj Coa. Teꞌcha̱lk ajcuiꞌ rochbeneb chixjunileb laj Asiria. Chixjunileb li teꞌcha̱lk aꞌaneb li cuanqueb xcuanquil ut eb li nequeꞌtaklan. Aꞌaneb li sa̱jeb ut naꞌno̱queb ruheb. Chixjunileb nequeꞌxic chirix cacua̱y.

2 Crónicas 23:18

Ut laj Joiada quixxakabeb laj tij ut eb laj levita chixjolominquil li cꞌanjel saꞌ li templo. Eb aꞌan queꞌxba̱nu li cꞌanjel joꞌ quixye li rey David junxil. Ut queꞌxcꞌat li mayej chiru li Ka̱cuaꞌ joꞌ tzꞌi̱banbil retalil saꞌ lix chakꞌrab laj Moisés. Ut queꞌbichan ajcuiꞌ chi sa saꞌ xchꞌo̱leb joꞌ quiyeheꞌ chak reheb xban laj David.

2 Crónicas 29:30

Ut chirix aꞌan, li rey rochbeneb li cuanqueb xcuanquil queꞌxye reheb laj levita nak teꞌxqꞌue xlokꞌal li Ka̱cuaꞌ riqꞌuin li bich li queꞌxyi̱b li rey David ut li profeta Asaf. Ut eb aꞌan queꞌxbicha xlokꞌal li Ka̱cuaꞌ Dios chi saheb saꞌ xchꞌo̱l. Queꞌxcuikꞌib ribeb ut queꞌxlokꞌoni li Ka̱cuaꞌ.