Esdras 6:18 - Li Santil hu

¹⁸ Eb laj tij queꞌqꞌueheꞌ saꞌ xcꞌanjeleb chi xjunju̱nkaleb. Joꞌcan ajcuiꞌ laj levita. Ac xcꞌanjel xcꞌanjel li junju̱nk queꞌqꞌueheꞌ re teꞌcꞌanjelak chiru li Dios joꞌ tzꞌi̱banbil retalil saꞌ li chakꞌrab xban laj Moisés.

Q'eqchi Bible

¹⁸ Chirix chik a'an ke'xxaqab' xkutankil li junjunq chi aj tij, re taa'ok chi k'anjelak. Jo'kan ajwi' eb' laj Leví, ak xk'anjel xk'anjel li junjunq, re te'k'anjelaq sa' rochoch li Yos aran Jerusalén, jo' tz'iib'anb'il sa' xHu laj Moisés.

Esdras 6:18 ပူးပေါင်းရင်းမြစ်များ

Números 3:6

—Cꞌameb chak laj levita ut ta̱xakabeb chixtenkꞌanquil laj Aarón.

1 Crónicas 24:1

Eb li ralal xcꞌajol laj Aarón queꞌjachi̱c ut queꞌqꞌueheꞌ chi chꞌu̱tal. Ca̱hibeb li ralal laj Aarón. Aꞌaneb laj Nadab, laj Abiú, laj Eleazar ut laj Itamar.

Números 3:9

Ta̱kꞌaxtesiheb laj levita chi cꞌanjelac chiruheb laj Aarón ut eb li ralal xban nak aꞌaneb li sicꞌbil ruheb saꞌ xya̱nkeb laj Israel chi cꞌanjelac chiru saꞌ li tabernáculo.

1 Crónicas 24:24

Li ralal laj Uziel, aꞌan laj Micaía; li ralal laj Micaía, aꞌan laj Samir.

1 Crónicas 25:1

Laj David ut eb li nequeꞌcꞌamoc be saꞌ xya̱nkeb laj Israel queꞌxsicꞌ ruheb li ralal xcꞌajol laj Asaf ut laj Hemán joꞌ eb ajcuiꞌ li ralal xcꞌajol laj Jedutún re teꞌxye resil li cꞌaꞌru nacꞌutbesi̱c chiruheb xban li Dios. Nak yo̱queb chixyebal resil, cuanqueb li yo̱queb chixchꞌeꞌbal li arpa, li salterio ut li sursu̱quil chꞌi̱chꞌ. Aꞌaneb aꞌin xcꞌabaꞌeb li queꞌsiqꞌueꞌ ruheb.

2 Crónicas 7:6

Eb laj tij ac saꞌ xnaꞌaj cuanqueb. Joꞌcaneb ajcuiꞌ laj levita riqꞌuin lix cuajb li quixqꞌue laj David, li kꞌaxtesinbil re xlokꞌoninquil li Dios. Yo̱queb chixchꞌeꞌbal lix cuajbeb nak yo̱queb chixbichanquil li bich li naxye: —Kꞌaxal nim li ruxta̱n li Ka̱cuaꞌ saꞌ kabe̱n junelic.— Queꞌxba̱nu joꞌ quicꞌuteꞌ chiruheb xban laj David. Ut eb laj tij yo̱queb chixya̱basinquil li trompeta chi ubej ut xakxo̱queb chixjunileb laj Israel.

2 Crónicas 35:10

Nak ac xeꞌxcꞌu̱b chixjunil li cꞌaꞌak re ru re li ninkꞌe Pascua, eb laj tij ut eb laj levita queꞌxakli saꞌ lix naꞌajeb ut queꞌoc chixba̱nunquil lix cꞌanjeleb li ac yebil xban li rey nak teꞌxba̱nu.