Esdras 6:14 - Li Santil hu

¹⁴ Ut eb laj cꞌamol be saꞌ xya̱nkeb laj judío yo̱queb chi cablac ut yo̱ chi e̱lc chi us lix cꞌanjeleb joꞌ quiyeheꞌ reheb xbaneb li profeta Hageo ut li profeta Zacarías li ralal laj Iddo. Queꞌcablac ut queꞌxchoy lix cꞌanjeleb joꞌ quixye li Ka̱cuaꞌ lix Dioseb laj Israel ut joꞌ queꞌxye lix reyeb laj Persia, laj Ciro, laj Darío ut laj Artajerjes.

Q'eqchi Bible

¹⁴ Jo'kan naq eb' laj k'amol xb'eheb' laj Judiiy ke'ok wi' chik chi kab'lak ut us ki'elk li xk'anjeleb', jo' chanru xyehom li propeet Hageo ut laj Sakarías, ralal laj Idó. Ut ke'xchoy li kab'lak jo' chanru kixtaqla li xYos laj Israel jo' ajwi' laj Siro ut laj Darío.

Esdras 6:14 ပူးပေါင်းရင်းမြစ်များ

Esdras 7:1

Nak quicuan laj Artajerjes chokꞌ xreyeb laj Persia, quicuan jun li cui̱nk aj Esdras xcꞌabaꞌ. Aꞌan ralal laj Seraías. Ut laj Seraías, aꞌan ralal laj Azarías. Ut laj Azarías, aꞌan ralal laj Hilcías.

Esdras 5:13

Abanan yo̱ chic xbe̱n chihab roquic chokꞌ rey aran Babilonia laj Ciro nak quixqꞌue cuiꞌchic kalese̱ns chixyi̱banquil lix templo li Dios,” chanqueb.

Esdras 4:24

Joꞌcan nak queꞌxcanab xyi̱banquil lix templo li Dios aran Jerusalén. Quicanaba̱c toj saꞌ li xcab chihab roquic chokꞌ rey laj Darío, lix reyeb laj Persia.

Zacarías 4:9

Laj Zorobabel quitiquiban re xyi̱banquil li templo ut aꞌan ajcuiꞌ ta̱choyok re xyi̱banquil. Ut riqꞌuin aꞌan, la̱at ta̱nau nak li Ka̱cuaꞌ, li nimajcual Dios xtaklan chak cue e̱riqꞌuin.

Hageo 1:8

Joꞌcan nak ayukex saꞌ li qꞌuicheꞌ ut sicꞌomak chak li cheꞌ ut yi̱bomak cuiꞌchic lin santil templo ut la̱in ta̱sahokꞌ saꞌ inchꞌo̱l ut aran tinlokꞌoni̱k, chan li Ka̱cuaꞌ.

Isaías 44:28

Nak la̱in tinye re laj Ciro nak aꞌan ta̱cꞌanjelak chicuu, laj Ciro tixba̱nu li cꞌaꞌru nacuaj toj retal nak tixye nak li tenamit Jerusalén ta̱yi̱ba̱k cuiꞌchic. Ut tixye ajcuiꞌ nak li templo ta̱yi̱ba̱k cuiꞌchic, chan li Ka̱cuaꞌ.

Esdras 4:3

Queꞌchakꞌoc laj Zorobabel ut laj Jesúa joꞌqueb ajcuiꞌ li nequeꞌjolomin reheb li junju̱nk cabal ut queꞌxye: —Incꞌaꞌ ta̱ru̱k toe̱tenkꞌa chixyi̱banquil lix templo li kaDios. La̱o aj Israel takayi̱b kajunes lix templo li kaDios joꞌ quixye ke laj Ciro, lix reyeb laj Persia, chanqueb.

Esdras 3:8

Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

Esdras 5:1

Li profeta Hageo ut li profeta Zacarías li ralal laj Iddo queꞌxye reheb laj judío li cuanqueb Judá joꞌqueb ajcuiꞌ li cuanqueb Jerusalén li cꞌaꞌru quiyeheꞌ reheb xban li Ka̱cuaꞌ, lix Dioseb laj Israel li natenkꞌan reheb.

Esdras 5:2

Ut laj Zorobabel li ralal laj Salatiel rochben laj Jesúa li ralal laj Josadac, queꞌoc cuiꞌchic chixyi̱banquil lix templo li Ka̱cuaꞌ aran Jerusalén. Ut eb lix profeta li Ka̱cuaꞌ Dios cuanqueb rochbeneb ut yo̱queb chixtenkꞌanquileb.

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.

Zacarías 1:1

Li profeta Zacarías, aꞌan ralal laj Berequías. Laj Berequías, aꞌan ralal laj Iddo. Cuakxakib po xcab chihab roquic laj Darío chokꞌ xreyeb laj Persia nak quia̱tinac li Dios riqꞌuin li profeta Zacarías ut quixye re:

Zacarías 1:16

Joꞌcan nak li nimajcual Dios quixye: —Tincuuxta̱na cuiꞌchic ruheb laj Jerusalén. Ta̱yi̱ba̱k cuiꞌchic li templo ut ta̱yi̱ba̱k ajcuiꞌ chixjunil li tenamit Jerusalén, chan li Dios.

Zacarías 8:9

Joꞌcaꞌin xye li Ka̱cuaꞌ, li nimajcual Dios: —Cacuubresihomak le̱ chꞌo̱l chixyi̱banquil lin templo. La̱ex ac querabi li cꞌaꞌru queꞌxye li profeta chalen nak queꞌxtiquib chak xqꞌuebal li cimiento, chan.

Esdras 6:3

—Yo̱ xbe̱n chihab roquic chokꞌ rey laj Ciro nak quixqꞌue li chakꞌrab aꞌin chirix lix templo li Ka̱cuaꞌ Dios li quicuan Jerusalén: Teꞌxqꞌue li cimiento re lix templo li Dios, ut teꞌxyi̱b cuiꞌchic re nak teꞌmayejak aran. Cuukub xcaꞌcꞌa̱l metro xteram li tzꞌac teꞌxqꞌue nak teꞌxyi̱b ut cuukub xcaꞌcꞌa̱l metro li ru. Teꞌxyi̱b li tzꞌac chi cha̱bil re nak cau ta̱cana̱k.

Esdras 6:8

La̱in xinqꞌuehoc re li chakꞌrab aꞌin chanru te̱ba̱nu nak te̱tenkꞌaheb li nequeꞌcꞌamoc be saꞌ xya̱nkeb laj judío re xyi̱banquil lix templo li Dios. Li toj li nequeꞌxqꞌue chak aran jun pacꞌal li nimaꞌ chokꞌ re li rey, aꞌan li ta̱qꞌuema̱nk rajlal reheb li cui̱nk aꞌan re xtenkꞌanquileb re nak incꞌaꞌ ta̱xakli̱k li cꞌanjel.

Esdras 9:9

La̱o cuanco rubel xtakl lix reyeb laj Persia, abanan incꞌaꞌ xoa̱canab kajunes. Chiruheb li rey xacꞌut chiku lix nimal la̱ cuusilal ut xaqꞌue li kayuꞌam re nak ta̱ru̱k takayi̱b cuiꞌchic la̱ templo li quijuqꞌueꞌ. Ut la̱at xat-iloc ke arin Judá ut Jerusalén.

Nehemías 6:15

Kachoy xyi̱banquil li tzꞌac li sutsu cuiꞌ li tenamit saꞌ li o̱b xcaꞌcꞌa̱l xbe li po Elul. Cablaju roxcꞌa̱l cutan quiya̱loꞌ cuiꞌ.