Esdras 6:11 - Li Santil hu

¹¹ La̱in xinqꞌue li chakꞌrab aꞌin: Li ani ta̱kꞌetok re li chakꞌrab li xinqꞌue, ta̱isi̱k jun li tzꞌamba re li rochoch ut chiru ajcuiꞌ li cheꞌ aꞌan ta̱camsi̱k. Ut li rochoch ta̱cana̱k chi jun tu̱b chi mul.

Q'eqchi Bible

¹¹ “Wi wanq junaq taaq'etoq re li chaq'rab' a'in, chi'isiiq junaq xtz'amb'ahil li rochoch ut chiru ajwi' li che' a'an chikamsiiq li winq. Ut li ochoch taakanaaq chi po'lemil.

Esdras 6:11 ပူးပေါင်းရင်းမြစ်များ

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.

Daniel 2:5

Quichakꞌoc li rey ut quixye reheb laj Caldea: —Xsach saꞌ inchꞌo̱l lin matcꞌ. Cui la̱ex incꞌaꞌ te̱ye cue cꞌaꞌru lin matcꞌ ut cꞌaꞌru naxye, texpedasi̱k ut ta̱jucꞌma̱nk le̱ rochoch.

Esdras 7:26

Ut li ani incꞌaꞌ tixba̱nu chi tzꞌakal li naxye saꞌ lix chakꞌrab li Ka̱cuaꞌ la̱ Dios, ut li chakꞌrab li xinqꞌue la̱in, chirakekꞌ a̱tin saꞌ xbe̱n li jun aꞌan chi junpa̱t. Ut chiqꞌuehekꞌ chixtojbal rix lix ma̱c. Ta̱camsi̱k, malaj ta̱isi̱k saꞌ li naꞌajej cuan cuiꞌ, malaj tixtoj rix lix ma̱c riqꞌuin tumin, malaj ut ta̱qꞌuehekꞌ saꞌ tzꞌalam, chan li rey.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Ester 5:4

Ut lix Ester quichakꞌoc ut quixye re: —Cui tixcꞌul a̱chꞌo̱l, at rey, nintzꞌa̱ma cha̱cuu nak tatxic ho̱n a̱cuochben laj Amán saꞌ li ninkꞌe li xincꞌu̱b chokꞌ a̱cue.—

2 Reyes 10:27

Queꞌxpoꞌ li artal ut queꞌxjucꞌ lix templo laj Baal ut queꞌxqꞌue chokꞌ xnaꞌaj li cumum ut chalen anakcuan, aꞌan chic lix cꞌanjel li naꞌajej aꞌan.

2 Reyes 9:37

Lix tibel, aꞌan chanchanak li cꞌot saꞌ li chꞌochꞌ aran Jezreel re nak ma̱ ani ta̱yehok re, “Cueꞌ lix tibel lix Jezabel”, chan laj Jehú.