Esdras 5:3 - Li Santil hu

³ Saꞌ eb li cutan aꞌan laj Tatnai li nataklan saꞌ li tenamit li cuan jun pacꞌal li nimaꞌ Éufrates quicuulac riqꞌuineb. Queꞌcuulac ajcuiꞌ riqꞌuineb laj Setar-boznai joꞌqueb ajcuiꞌ li rochben. Ut queꞌxye reheb: —¿Ani xqꞌuehoc e̱lese̱ns nak xex-oc cuiꞌchic chixyi̱banquil li cab aꞌin ut li tzꞌac? chanqueb.

Q'eqchi Bible

³ Sa'eb' li kutan a'an laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, laj Setar-Bosnay ut eb' li rochb'een ke'chalk rik'ineb' ut ke'xpatz' reheb': “Ani xyehok eere naq teekab'la li ochoch a'in ut teewaklesi eb' li tz'ak a'in?

Esdras 5:3 ပူးပေါင်းရင်းမြစ်များ

Esdras 6:6

Ut anakcuan, at Tatnai, la̱at li nacattaklan saꞌ xbe̱neb li tenamit li cuan jun pacꞌal li nimaꞌ Éufrates, joꞌ ajcuiꞌ laj Setar-boznai ut eb le̱ rochben, la̱in tinye e̱re nak tex-e̱lk aran Jerusalén.

Esdras 6:13

Joꞌcan nak laj Tatnai li nataklan saꞌ eb li tenamit li cuanqueb jun pacꞌal li nimaꞌ Éufrates, ut laj Setar-boznai joꞌqueb ajcuiꞌ li rochben queꞌxba̱nu chi tzꞌakal joꞌ quixye li rey Darío.

Esdras 5:9

Xkapatzꞌ reheb laj cꞌamol be li yo̱queb chi jolomi̱nc re li cꞌanjel ani xqꞌuehoc xlese̱nseb chixyi̱banquil li cab ut li tzꞌac.

Esdras 1:3

Joꞌcan nak cui la̱ex xcomonex lix tenamit li Dios, ayukex saꞌ li tenamit Jerusalén xcue̱nt Judá ut aran te̱yi̱b li rochoch li Ka̱cuaꞌ, lix Dioseb laj Israel. Aꞌan li tzꞌakal Dios li nequeꞌxlokꞌoni aran Jerusalén. Ut aꞌ taxak li Ka̱cuaꞌ chicua̱nk e̱riqꞌuin.

Hechos 4:7

Queꞌxtakla xcꞌambal laj Pedro ut laj Juan. Queꞌxakaba̱c chiruheb ut queꞌxye reheb: —¿Ani xqꞌuehoc e̱cuanquil? Ut, ¿ani saꞌ aj cꞌabaꞌ yo̱quex chixba̱nunquil li milagro aꞌin? chanqueb.

San Mateo 21:23

Ut qui-oc cuiꞌchic li Jesús saꞌ rochoch li Dios. Ut nak yo̱ chixchꞌolobanquil lix ya̱lal chiruheb li tenamit, queꞌcuulac riqꞌuineb li xbe̱nil aj tij ut queꞌcuulac ajcuiꞌ eb li xakabanbileb chi cꞌanjelac saꞌ li rochoch li Dios. Ut queꞌxye re: —¿Ani xtaklan chak a̱cue chixba̱nunquil li cꞌaꞌru yo̱cat chixba̱nunquil? Ut, ¿ani xqꞌuehoc a̱cuanquil?—

Esdras 7:21

Anakcuan la̱in, li rey Artajerjes, yo̱quin xqꞌuebal li chakꞌrab reheb chixjunileb laj xocol tumin li cuanqueb jun pacꞌal li nimaꞌ Éufrates nak teꞌxqꞌue chi junpa̱t chixjunil li cꞌaꞌru ta̱patzꞌ la̱at, Esdras. La̱at aj tij ut nacanau chi us li chakꞌrab li qꞌuebil e̱re xban li Dios cuan saꞌ choxa.

Esdras 5:6

Joꞌcaꞌin naxye li hu li queꞌxtakla riqꞌuin li rey Darío laj Tatnai ut laj Setar-boznai rochbeneb li nequeꞌtaklan saꞌ li naꞌajej li cuan jun pacꞌal li nimaꞌ Éufrates saꞌ li oeste li na-oc cuiꞌ li sakꞌe.

Esdras 4:12

Chanauhak taxak at rey, nak eb laj judío li queꞌel chak saꞌ li tenamit cuancat cuiꞌ, queꞌcꞌulun arin Jerusalén. Yo̱queb cuiꞌchic chixyi̱banquil li tenamit aꞌin laj kꞌetol a̱tin li incꞌaꞌ useb xnaꞌleb. Yo̱queb chixyi̱banquil li cimiento ut li tzꞌac.

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.

Esdras 4:9

Saꞌ li cutan aꞌan queꞌtzꞌi̱bac laj Rehum ut laj Simsai laj tzꞌi̱b rochbeneb laj rakol a̱tin joꞌqueb ajcuiꞌ li nequeꞌtaklan saꞌ xbe̱neb laj Persia, eb laj Erec, eb laj Babilonia ut eb laj Susa, laj elamita.