Esdras 5:12 - Li Santil hu

¹² Ut queꞌxye ajcuiꞌ, “Eb li kaxeꞌto̱nil yucuaꞌ queꞌxchikꞌ xjoskꞌil li Dios li cuan saꞌ choxa. Joꞌcan nak li Dios quixkꞌaxtesiheb saꞌ rukꞌ laj Nabucodonosor laj Caldea lix reyeb laj Babilonia. Li rey aꞌan quixjucꞌ li templo ut quixchapeb ut quixcꞌameb Babilonia li kaxeꞌto̱nil yucuaꞌ.

Q'eqchi Bible

¹² Ab'anan eb' li qana' qayuwa' ke'xchiq' xjosq'il li xYos li choxa; jo'kan naq ke'q'axtesiik sa' ruq' laj Nabukodonosor aj Kaldeha, awab'ej re Babilonia, li kijuk'uk re li ochoch a'in ut kixk'ameb' li tenamit aran Babilonia.

Esdras 5:12 ပူးပေါင်းရင်းမြစ်များ

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

2 Reyes 24:2

Abanan li Ka̱cuaꞌ quixtaklaheb laj Babilonia, eb laj Siria, eb laj Moab, ut eb laj Amón chi pletic riqꞌuineb laj Judá re teꞌxsach ruheb joꞌ quiyeheꞌ reheb li profeta xban li Ka̱cuaꞌ.

Jeremías 5:29

¿Ma tincanab ta biꞌ ya̱l chi joꞌcan li ma̱usilal nequeꞌxba̱nu? ¿Ma incꞌaꞌ ta biꞌ tinqꞌueheb chixtojbal xma̱queb?

Salmos 106:40

Cꞌajoꞌ nak quijoskꞌoꞌ li Dios saꞌ xbe̱neb lix tenamit. Joꞌcan nak quixtzꞌekta̱naheb.

2 Reyes 25:1

Yo̱ chic bele̱b chihab roquic chokꞌ xreyeb laj Judá laj Sedequías. Saꞌ li laje̱b xbe li xlaje li po re li chihab aꞌan nak co̱ laj Nabucodonosor lix reyeb laj Babilonia rochbeneb chixjunileb lix soldados chi pletic riqꞌuin li tenamit Jerusalén. Queꞌxyi̱b lix muheba̱leb chire li tenamit ut queꞌxyi̱b lix takleba̱l chi xjun sutam.

Jueces 6:1

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb saꞌ rukꞌeb laj Madián chiru cuukub chihab.

Jueces 4:2

Joꞌcan nak li Ka̱cuaꞌ quixkꞌaxtesiheb saꞌ rukꞌ laj Jabín lix reyeb laj Canaán. Aꞌan nataklan saꞌ li tenamit Hazor. Li cui̱nk li nacꞌamoc be saꞌ xya̱nkeb lix soldado li rey Jabín, aꞌan laj Sísara. Aꞌan nacuan saꞌ li naꞌajej Haroset-goim.

Jueces 2:14

Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Jeremías 52:12

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Laje̱b cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

2 Crónicas 36:20

Chixjunileb li incꞌaꞌ queꞌcamsi̱c, queꞌchapeꞌ ut queꞌcꞌameꞌ Babilonia. Ut aran queꞌcana chokꞌ xmo̱seb li rey ut chokꞌ xmo̱seb li ralal xcꞌajol toj quicuulac xkꞌehil nak eb laj Persia queꞌnumta saꞌ xbe̱neb laj Babilonia.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Jeremías 51:59

Saꞌ li xca̱ chihab roquic chokꞌ xreyeb laj Israel laj Sedequías, nak li profeta Jeremías quia̱tinac riqꞌuin laj Seraías, li ralal laj Nerías, ut li ri laj Maasías. Laj Seraías quirochbeni li rey Sedequías nak co̱ Babilonia. Aꞌan li na-iloc re li rey.