Esdras 4:4 - Li Santil hu

⁴ Joꞌcan nak eb li tenamit li cuanqueb saꞌ li naꞌajej aꞌan queꞌxseꞌbesi laj Israel re nak ta̱oc xxiuheb ut teꞌxcanab xyi̱banquil lix templo li Ka̱cuaꞌ.

Q'eqchi Bible

⁴ Toja' naq li tenamit li wankeb' sa' li na'ajej a'an ke'xyoob' xch'inankil xch'ooleb' laj Judá ut ke'roksi xxiweb' re naq te'xkanab' kab'lak.

Esdras 4:4 ပူးပေါင်းရင်းမြစ်များ

Esdras 3:3

Usta yo̱ xxiuheb xbaneb li jalaneb xtenamit li cuanqueb Jerusalén, queꞌxyi̱b li artal chi cha̱bil saꞌ lix naꞌaj ut queꞌxmayeja li cꞌatbil xul saꞌ xbe̱n li artal rajlal ekꞌela ut rajlal ecuu re xlokꞌoninquil li Ka̱cuaꞌ.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Nehemías 6:9

Chixjunil li cꞌaꞌru xeꞌxba̱nu ke, aꞌan yal re kaseꞌbesinquil. Eb aꞌan xeꞌxcꞌoxla nak ta̱chꞌina̱nk kachꞌo̱l ut takacanab xba̱nunquil li cꞌanjel ut incꞌaꞌ takachoy xyi̱banquil li tzꞌac. Joꞌcan nak quintijoc ut quinye: —At kaDios, chaqꞌue taxak xcacuilal kachꞌo̱l re takachoy li cꞌanjel.—

Nehemías 4:11

Li xicꞌ nequeꞌiloc ke queꞌxcꞌoxla nak la̱o incꞌaꞌ takaqꞌue retal li cꞌaꞌru yo̱queb chixcꞌoxlanquil saꞌ kabe̱n. Saꞌ xchꞌo̱leb aꞌan nak incꞌaꞌ takil nak teꞌoc saꞌ li katenamit chikacamsinquil re nak takacanab xba̱nunquil li cꞌanjel aꞌin.

2 Samuel 4:1

Cꞌajoꞌ nak quixucuac laj Is-boset, li ralal laj Saúl, nak quirabi nak quicamsi̱c laj Abner aran Hebrón. Ut queꞌxucuac ajcuiꞌ chixjunileb li cuanqueb aran Israel.

Esdras 4:5

Eb li xicꞌ nequeꞌiloc reheb queꞌxtacchiꞌi ut queꞌxtumina ruheb li cuanqueb xcuanquil saꞌ li tenamit re nak eb li ralal xcꞌajol laj Judá incꞌaꞌ teꞌqꞌuehekꞌ xlese̱ns chixyi̱banquil lix templo li Ka̱cuaꞌ chalen saꞌ eb li cutan nak laj Ciro cuan chokꞌ xreyeb laj Persia toj saꞌ eb li cutan nak laj Darío qui-oc chokꞌ rey aran Persia.

Nehemías 4:2

Ut quixye reheb li rochben ut reheb li soldado aj Samaria: —¿Cꞌaꞌru yo̱queb chixba̱nunquil eb laj judío? ¿Ma cuan ta biꞌ xmetzꞌe̱u eb aꞌan? ¿Cꞌaꞌru yo̱queb chixcꞌoxlanquil? ¿Ma nequeꞌxcꞌoxla ta biꞌ nak ta̱ru̱k teꞌxqꞌue cuiꞌchic lix mayejeb? ¿Ma teꞌxchoy ta biꞌ xyi̱banquil li tzꞌac chiru jun cutan? ¿Ma ta̱ru̱k ta biꞌ teꞌrisi saꞌ li poks li pec ut teꞌxyi̱b cuiꞌchic li tzꞌac riqꞌuin li pec li ac xcꞌat? chan.

Daniel 10:13

Abanan chiru jun xcaꞌcꞌa̱l cutan li nataklan saꞌ xbe̱neb laj Persia quixyal numta̱c saꞌ inbe̱n. Ut li ángel Miguel, jun saꞌ xya̱nkeb li kꞌaxal ni̱nkeb xcuanquil, quichal chintenkꞌanquil xban nak injunes cuanquin aran riqꞌuineb lix reyeb laj Persia.

Daniel 10:20

Ut aꞌan quixye cue: —¿Ma nacanau cꞌaꞌru aj e nak xinchal a̱cuiqꞌuin? La̱in xinchal chixcꞌutbesinquil cha̱cuu li cꞌaꞌru ta̱cꞌulma̱nk. Anakcuan tento nak tinxic cuiꞌchic aran Persia chi pletic riqꞌuin li jun li nataklan saꞌ xbe̱neb. Nak acak xinrakeꞌ chi pletic riqꞌuin aꞌan, ta̱cha̱lk li jun li nataklan saꞌ xbe̱neb laj Grecia.