Esdras 4:3 - Li Santil hu

³ Queꞌchakꞌoc laj Zorobabel ut laj Jesúa joꞌqueb ajcuiꞌ li nequeꞌjolomin reheb li junju̱nk cabal ut queꞌxye: —Incꞌaꞌ ta̱ru̱k toe̱tenkꞌa chixyi̱banquil lix templo li kaDios. La̱o aj Israel takayi̱b kajunes lix templo li kaDios joꞌ quixye ke laj Ciro, lix reyeb laj Persia, chanqueb.

Q'eqchi Bible

³ Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

Esdras 4:3 ပူးပေါင်းရင်းမြစ်များ

Nehemías 2:20

Ut la̱in quinchakꞌoc ut quinye reheb: —Li Dios li cuan saꞌ choxa, aꞌan ta̱tenkꞌa̱nk ke. Ut la̱o li nococꞌanjelac chiru, takayi̱b cuiꞌchic li tenamit Jerusalén. Ut la̱ex incꞌaꞌ naru te̱chꞌic e̱rib kiqꞌuin xban nak ma̱cuaꞌ la̱ex yal e̱re ut xban nak ma̱cꞌaꞌ cuan e̱re Jerusalén.—

Hechos 8:21

La̱at incꞌaꞌ ta̱ru̱k ta̱cꞌul li ma̱tan aꞌin xban nak moco ti̱c ta la̱ chꞌo̱l chiru li Dios.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Isaías 45:4

Saꞌ xcꞌabaꞌ laj Jacob laj cꞌanjel chicuu, ut saꞌ xcꞌabaꞌeb lin tenamit Israel, xinsicꞌ a̱cuu re ta̱tenkꞌaheb lin tenamit. Xinqꞌue a̱lokꞌal usta la̱at incꞌaꞌ nacanau cuu.

Isaías 44:28

Nak la̱in tinye re laj Ciro nak aꞌan ta̱cꞌanjelak chicuu, laj Ciro tixba̱nu li cꞌaꞌru nacuaj toj retal nak tixye nak li tenamit Jerusalén ta̱yi̱ba̱k cuiꞌchic. Ut tixye ajcuiꞌ nak li templo ta̱yi̱ba̱k cuiꞌchic, chan li Ka̱cuaꞌ.

2 Crónicas 36:22

Saꞌ li xbe̱n chihab roquic chokꞌ rey aran Persia laj Ciro, nak quicꞌulman li cꞌaꞌru quixye li profeta Jeremías, joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixqꞌue saꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla resil riqꞌuin a̱tin ut chi tzꞌi̱banbil.

San Juan 4:9

Quichakꞌoc li ixk ut quixye re: —La̱in aj Samaria ut la̱at, la̱at aj judío. ¿Cꞌaꞌut nak nacapatzꞌ a̱cuucꞌa cue? chan. Quixye re chi joꞌcan xban nak eb laj judío incꞌaꞌ nequeꞌxcꞌam rib saꞌ usilal riqꞌuineb laj Samaria.

Esdras 1:1

Yo̱ xbe̱n chihab roquic chokꞌ rey aran Persia laj Ciro nak quicꞌulman li cꞌaꞌru quixye li profeta Jeremías joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixtochꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla li resil riqꞌuin a̱tin ut chi tzꞌi̱banbil.

Esdras 1:2

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

Esdras 3:8

Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

Esdras 1:3

Joꞌcan nak cui la̱ex xcomonex lix tenamit li Dios, ayukex saꞌ li tenamit Jerusalén xcue̱nt Judá ut aran te̱yi̱b li rochoch li Ka̱cuaꞌ, lix Dioseb laj Israel. Aꞌan li tzꞌakal Dios li nequeꞌxlokꞌoni aran Jerusalén. Ut aꞌ taxak li Ka̱cuaꞌ chicua̱nk e̱riqꞌuin.