Esdras 4:20 - Li Santil hu

²⁰ Eb li rey li queꞌcuan aran Jerusalén kꞌaxal ni̱nkeb xcuanquil. Queꞌtaklan saꞌ eb li naꞌajej li cuanqueb jun pacꞌal li nimaꞌ. Ut queꞌxqꞌue xtojeb ut queꞌxtoj rix li cꞌaꞌak re ru tento xtojbal.

Q'eqchi Bible

²⁰ Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.

Esdras 4:20 ပူးပေါင်းရင်းမြစ်များ

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Salmos 72:8

Chicua̱nk ta xcuanquil saꞌ chixjunil li ruchichꞌochꞌ. Naticla cuan cuiꞌ li Caki Palau toj saꞌ li Mar Mediterráneo ut saꞌ li nimaꞌ Éufrates ut toj saꞌ chixjunil li ruchichꞌochꞌ.

1 Crónicas 18:3

Ut quinumta ajcuiꞌ laj David saꞌ xbe̱neb laj Hadad-ezer, lix reyeb laj Soba aran Hamat nak yo̱ raj chi xic chixxakabanquil lix cuanquil saꞌ li naꞌajej li cuan chire li nimaꞌ Éufrates.

Esdras 7:24

Ut ninye ajcuiꞌ a̱cue nak incꞌaꞌ ta̱patzꞌ xtojeb laj tij chi moco eb laj levita, chi moco eb laj bichanel, chi moco eb li nequeꞌcꞌacꞌalen saꞌ li oqueba̱l re li templo, chi moco riqꞌuineb li nequeꞌcꞌanjelac saꞌ li templo. Incꞌaꞌ ta̱patzꞌ xtojeb.

Esdras 4:16

Nakaye a̱cue, at rey, cui li tenamit Jerusalén ta̱yi̱ba̱k cuiꞌchic, ut cui li tzꞌac li sutsu cuiꞌ li tenamit ta̱yi̱ba̱k cuiꞌchic, li tenamit aꞌin li cuanqueb jun pacꞌal li nimaꞌ incꞌaꞌ chic teꞌcana̱k rubel la̱ cuanquil, chanqueb.

Esdras 4:13

Chanauhak taxak at rey, cui teꞌxyi̱b cuiꞌchic li tenamit aꞌan, ut cui teꞌxyi̱b cuiꞌchic li tzꞌac, incꞌaꞌ chic teꞌxqꞌue lix tojeb chi moco teꞌxtoj a̱cue li cꞌaꞌru tento teꞌxtoj cha̱cuu, at rey, ut nabal li tumin ta̱sachk.

2 Crónicas 17:11

Cuanqueb laj filisteo queꞌxqꞌue xma̱tan laj Josafat ut queꞌxqꞌue ajcuiꞌ li plata chokꞌ xtojeb. Joꞌcaneb ajcuiꞌ laj árabes. Queꞌxsi xqueto̱mk laj Josafat. Queꞌxqꞌue cuukub mil riqꞌuin cuukub ciento li te̱lom carner ut queꞌxqꞌue ajcuiꞌ cuukub mil riqꞌuin cuukub ciento li te̱lom chiba̱t.

2 Crónicas 9:14

Ut ma̱cꞌaꞌ saꞌ ajl li naxcꞌul riqꞌuineb laj yaconel ut eb laj cꞌay. Ut chixjunileb li rey re Arabia joꞌ eb ajcuiꞌ li nequeꞌtaklan saꞌ li junju̱nk chi tenamit queꞌxcꞌam li oro ut li plata riqꞌuin laj Salomón.

1 Crónicas 19:19

Eb li rey li cuanqueb rubel xcuanquil laj Hadad-ezer queꞌril nak eb laj Israel queꞌnumta saꞌ xbe̱neb. Joꞌcan nak queꞌxqꞌue ribeb rubel xcuanquileb laj Israel. Ut queꞌxcꞌam cuiꞌchic ribeb saꞌ usilal riqꞌuin li rey David. Ut eb laj Siria incꞌaꞌ chic queꞌraj xtenkꞌanquileb laj Amón.

1 Crónicas 18:13

Li rey David quixyi̱b lix naꞌajeb lix soldado saꞌ chixjunileb li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb li quicuulac cuiꞌ chi pletic.

1 Crónicas 18:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco li cuan saꞌ xcue̱nt Siria. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

1 Reyes 4:24

Laj Salomón quicuan xcuanquil saꞌ xbe̱n chixjunil li naꞌajej li cuan saꞌ li oeste. Naticla cuan cuiꞌ li nimaꞌ Éufrates. Naticla saꞌ li naꞌajej Tifsa ut nacuulac toj Gaza. Chixjunileb li rey li cuanqueb saꞌ eb li naꞌajej aꞌin cuanqueb rubel xcuanquil laj Salomón. Quicuan saꞌ usilal riqꞌuineb chixjunileb li cuanqueb chi xjun sutam.

San Mateo 9:9

Ut li Jesús qui-el aran Capernaum ut quinumeꞌ saꞌ li naꞌajej bar nequeꞌcꞌuluc cuiꞌ toj. Quiril jun li cui̱nk aj Mateo xcꞌabaꞌ. Cꞌojcꞌo aran xban nak aꞌan aj titzꞌol toj. Ut li Jesús quixye re: —China̱ta̱ke.— Ut laj Mateo quicuacli ut quixta̱ke.

Esdras 4:19

Ut xinqꞌue li chakꞌrab nak teꞌxsicꞌ saꞌ li hu joꞌ xeye. Xkatau nak najter li tenamit aꞌan aj kꞌetoleb a̱tin. Queꞌxkꞌet li ra̱tineb li rey ut queꞌnumta saꞌ xbe̱neb.

Esdras 4:21

Joꞌcan ut anakcuan la̱ex te̱qꞌue jun li chakꞌrab re nak teꞌxcanab cꞌanjelac li cui̱nk aꞌan ut incꞌaꞌ chic teꞌxyi̱b li tenamit toj tinye reheb nak naru teꞌxba̱nu.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

1 Reyes 5:1

Laj Hiram lix reyeb laj Tiro quirabi resil nak laj Salomón quixakaba̱c chokꞌ rey chokꞌ re̱kaj laj David lix yucuaꞌ. Joꞌcan nak quixtakla lix takl riqꞌuin. Laj Hiram junelic naxra laj David.

1 Reyes 5:4

Abanan anakcuan li Ka̱cuaꞌ lin Dios quinixtenkꞌa. Cuanco saꞌ tuktu̱quil usilal chikajunilo joꞌ eb ajcuiꞌ li tenamit li cuanqueb yalak bar. Ma̱ ani xicꞌ nequeꞌiloc ke ut ma̱cꞌaꞌ chꞌaꞌajquilal.

Ezequiel 19:11

Cau li rukꞌ ut us chokꞌ xxukꞌeb li rey. Quiniman chi us li xto̱nal li uvas ut kꞌaxal najt rok quicuulac. Chixjunileb li tenamit queꞌxqꞌue retal lix najtil rok ut lix cha̱bil ukꞌ.