Esdras 4:17 - Li Santil hu

¹⁷ Ut li rey quixsume lix huheb ut quixye reheb: —Yo̱quin chixtzꞌi̱banquil li hu aꞌin re laj Rehum li capitán ut re ajcuiꞌ laj Simsai laj tzꞌi̱b, ut reheb ajcuiꞌ li rochbeneb li cuanqueb Samaria. Reheb ajcuiꞌ chixjunileb li cuanqueb aran jun pacꞌal li nimaꞌ. Nintakla xsahil e̱chꞌo̱l. Chicua̱nk taxak e̱riqꞌuin li tuktu̱quil usilal.

Q'eqchi Bible

¹⁷ Toja' naq li awab'ej Artajerjes kixtz'iib'a reeqaj li xhuheb' ut kixye reheb' chi jo'ka'in: “Nintaqla xsahil xch'ool laj Rejún aj jolominel, laj Sinsay aj tz'iib' ut chixjunileb' li rochb'eeneb' li wankeb' Samaria ut sa' chixjunil li na'ajej sa' xjayal rokeb'l saq'e re li nima' Éwfrates.

Esdras 4:17 ပူးပေါင်းရင်းမြစ်များ

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Hechos 23:26

La̱in laj Claudio Lisias. Nintakla xsahil a̱chꞌo̱l, at acuabej Félix. La̱at li kꞌaxal nim a̱cuanquil.

San Lucas 10:5

Nak texcuulak saꞌ junak cab, te̱qꞌue xsahileb xchꞌo̱l ut te̱ye, “Aꞌ taxak li tuktu̱quil usilal chicua̱nk saꞌ li cab aꞌin,” chaꞌkex.

Esdras 7:12

—La̱in li rey Artajerjes, li kꞌaxal nim incuanquil chiruheb li jun chꞌol chic rey. Li hu aꞌin re laj Esdras laj tij, laj cꞌutul re li chakꞌrab li quiqꞌueheꞌ xban li Ka̱cuaꞌ Dios li cuan saꞌ choxa. Chicua̱nk taxak li tuktu̱quil usilal a̱cuiqꞌuin.

Esdras 5:7

Aꞌan aꞌin li tzꞌi̱banbil saꞌ li hu: —At rey Darío, nakatakla xsahil a̱chꞌo̱l.

Esdras 4:7

Ut nak laj Artajerjes cuan chokꞌ rey aran Persia, laj Bislam, laj Mitrídates, laj Tabeel joꞌqueb ajcuiꞌ li rochben queꞌtzꞌi̱bac riqꞌuin li rey Artajerjes. Queꞌxtzꞌi̱ba li hu saꞌ li ra̱tinoba̱leb laj arameo ut joꞌ nequeꞌtzꞌi̱bac eb aꞌan.

Esdras 4:16

Nakaye a̱cue, at rey, cui li tenamit Jerusalén ta̱yi̱ba̱k cuiꞌchic, ut cui li tzꞌac li sutsu cuiꞌ li tenamit ta̱yi̱ba̱k cuiꞌchic, li tenamit aꞌin li cuanqueb jun pacꞌal li nimaꞌ incꞌaꞌ chic teꞌcana̱k rubel la̱ cuanquil, chanqueb.

Esdras 4:18

Xeꞌril xsaꞌ li hu chi us chicuu li xetakla chak.

Daniel 4:1

Aꞌan aꞌin li esil li quixtakla li rey Nabucodonosor reheb chixjunileb li cuanqueb saꞌ ruchichꞌochꞌ, aꞌ yal bar xtenamiteb ut aꞌ yal chanru li ra̱tinoba̱leb. Quixye chi joꞌcaꞌin: —Chinumta̱k taxak li tuktu̱quil usilal saꞌ e̱ya̱nk che̱junilex.

Daniel 6:25

Tojoꞌnak li rey Darío quitzꞌi̱bac riqꞌuineb chixjunileb li tenamit cuanqueb saꞌ chixjunil li ruchichꞌochꞌ ut riqꞌuineb li jalan jala̱nk ra̱tinoba̱leb ut quixye reheb: —Chinumta̱k taxak li tuktu̱quil usilal e̱riqꞌuin.