Esdras 4:15 - Li Santil hu

¹⁵ Naru ta̱sicꞌ saꞌ eb li hu li xocbil a̱ban, li tzꞌi̱banbil cuiꞌ retalil li cꞌaꞌru quicꞌulman chiruheb la̱ xeꞌto̱nil yucuaꞌ. Ta̱cuil saꞌ li hu aꞌan nak li tenamit Jerusalén, aꞌan jun tenamit aj kꞌetol a̱tin ut incꞌaꞌ useb xnaꞌleb. Chꞌaꞌaj chokꞌ a̱cue la̱at ut chokꞌ reheb li tenamit. Xban nak incꞌaꞌ useb xnaꞌleb, joꞌcan nak quisacheꞌ ruheb junxil.

Q'eqchi Bible

¹⁵ re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

Esdras 4:15 ပူးပေါင်းရင်းမြစ်များ

Esdras 4:12

Chanauhak taxak at rey, nak eb laj judío li queꞌel chak saꞌ li tenamit cuancat cuiꞌ, queꞌcꞌulun arin Jerusalén. Yo̱queb cuiꞌchic chixyi̱banquil li tenamit aꞌin laj kꞌetol a̱tin li incꞌaꞌ useb xnaꞌleb. Yo̱queb chixyi̱banquil li cimiento ut li tzꞌac.

Nehemías 6:6

Joꞌcaꞌin naxye saꞌ li hu li quixtakla: —X-el resil saꞌ eb li tenamit nak la̱at ut eb la̱ cuech tenamitil yo̱quex chixcꞌu̱banquil chanru nak te̱risi e̱rib rubel xcuanquil li rey. Xban aꞌan nak yo̱quex chixyi̱banquil li tzꞌac li sutsu cuiꞌ le̱ tenamit. Ut xkabi ajcuiꞌ resil nak la̱at ta̱cuaj oc chokꞌ xreyeb. Ut laj Gesem xye nak ya̱l li cꞌaꞌru yo̱queb xyebal.

Nehemías 2:19

Nak queꞌrabi laj Sanbalat aj Horón ut laj Tobías li nataklan aran Amón, ut laj Gesem aj árabe, queꞌoc chikaseꞌenquil ut coeꞌxhob ut queꞌxye ke: —¿Cꞌaꞌru yo̱quex la̱ex? ¿Ma te̱kꞌet xchakꞌrab li rey saꞌ e̱chꞌo̱l la̱ex? chanqueb.

2 Reyes 25:4

Eb laj Jerusalén queꞌxhop li tzꞌac li sutsu cuiꞌ li tenamit ut queꞌe̱lelic chi kꞌek chixjunileb li cui̱nk li cauheb rib chi pletic rochben li rey. Queꞌel saꞌ li oqueba̱l li cuan saꞌ xyi li cuib chi tzꞌac chixcꞌatk lix naꞌaj li rutzꞌuꞌuj li rey, usta cuanqueb lix soldado laj Babilonia chi xjun sutam li tenamit. Queꞌco̱eb saꞌ li be li naxic Arabá.

2 Reyes 24:20

Ut quichal xjoskꞌil li Ka̱cuaꞌ saꞌ xbe̱neb laj Jerusalén ut saꞌ xbe̱neb laj Judá toj retal nak quixcanabeb chi cꞌamecꞌ saꞌ jalan tenamit. Mokon chic li rey Sedequías quipletic riqꞌuin lix reyeb laj Babilonia.

Esdras 4:14

Xban nak la̱o aj cꞌanjel cha̱cuu ut tojbilo a̱ban, incꞌaꞌ naru nak yal takil nak teꞌxkꞌet li chakꞌrab li qꞌuebil a̱ban. Joꞌcan nak xkatzꞌi̱ba li hu aꞌin re xyebal a̱cue li cꞌaꞌru yo̱ chi cꞌulma̱nc arin.

Esdras 4:16

Nakaye a̱cue, at rey, cui li tenamit Jerusalén ta̱yi̱ba̱k cuiꞌchic, ut cui li tzꞌac li sutsu cuiꞌ li tenamit ta̱yi̱ba̱k cuiꞌchic, li tenamit aꞌin li cuanqueb jun pacꞌal li nimaꞌ incꞌaꞌ chic teꞌcana̱k rubel la̱ cuanquil, chanqueb.

Ester 2:23

Queꞌxtzꞌil a̱tin chirix li cꞌaꞌru quixye laj Mardoqueo. Nak queꞌxqꞌue retal nak ya̱l li quixye, queꞌxtakla xyatzꞌbaleb li cuib chi cui̱nk li queꞌajoc xcamsinquil li rey. Ut chixjunil aꞌin quitzꞌi̱ba̱c retalil saꞌ li hu li tzꞌi̱banbil cuiꞌ retalil chixjunil li nacꞌulman saꞌ li tenamit aꞌan.