Esdras 4:10 - Li Santil hu

¹⁰ Ut rochbeneb ajcuiꞌ li jalan chic tenamit li queꞌtakla̱c chi cua̱nc saꞌ li tenamit Samaria xban laj Asnapar li nim xcuanquil ut rochbeneb ajcuiꞌ li queꞌtakla̱c saꞌ eb li naꞌajej li cuanqueb jun pacꞌal li nimaꞌ Éufrates.

Q'eqchi Bible

¹⁰ ut a'atqeb' chik li tenamit li ke'k'ame'k chi preexil xb'aan laj Asurbanipal li nim xwankil ut ke'na'ajunk sa'eb' li tenamit re Samaria jo' ajwi' junpak'al li nima' Éwfrates. Naxye chi jo'ka'in:

Esdras 4:10 ပူးပေါင်းရင်းမြစ်များ

Esdras 4:17

Ut li rey quixsume lix huheb ut quixye reheb: —Yo̱quin chixtzꞌi̱banquil li hu aꞌin re laj Rehum li capitán ut re ajcuiꞌ laj Simsai laj tzꞌi̱b, ut reheb ajcuiꞌ li rochbeneb li cuanqueb Samaria. Reheb ajcuiꞌ chixjunileb li cuanqueb aran jun pacꞌal li nimaꞌ. Nintakla xsahil e̱chꞌo̱l. Chicua̱nk taxak e̱riqꞌuin li tuktu̱quil usilal.

Esdras 7:12

—La̱in li rey Artajerjes, li kꞌaxal nim incuanquil chiruheb li jun chꞌol chic rey. Li hu aꞌin re laj Esdras laj tij, laj cꞌutul re li chakꞌrab li quiqꞌueheꞌ xban li Ka̱cuaꞌ Dios li cuan saꞌ choxa. Chicua̱nk taxak li tuktu̱quil usilal a̱cuiqꞌuin.

Esdras 4:11

Joꞌcaꞌin naxye li hu li queꞌxtakla riqꞌuin li rey: —At rey Artajerjes, la̱o laj cꞌanjel cha̱cuu li cuanco jun pacꞌal li nimaꞌ Éufrates, nakatakla xsahil a̱chꞌo̱l.

Romanos 13:7

Chetojak li cꞌaꞌak re ru tento xtojbal. Cheqꞌuehak xcuanquileb li cuanqueb saꞌ xcuanquil ut che-oxlokꞌiheb li cuanqueb saꞌ xcꞌanjel.

Esdras 4:1

Eb li xicꞌ nequeꞌiloc reheb li ralal xcꞌajol laj Judá ut eb li ralal xcꞌajol laj Benjamín, queꞌrabi resil nak eb aꞌan, li queꞌchapeꞌ ut queꞌcꞌameꞌ chi najt, queꞌsukꞌi cuiꞌchic Jerusalén ut yo̱queb chixyi̱banquil lix templo li Ka̱cuaꞌ lix Dioseb laj Israel.

Nehemías 4:2

Ut quixye reheb li rochben ut reheb li soldado aj Samaria: —¿Cꞌaꞌru yo̱queb chixba̱nunquil eb laj judío? ¿Ma cuan ta biꞌ xmetzꞌe̱u eb aꞌan? ¿Cꞌaꞌru yo̱queb chixcꞌoxlanquil? ¿Ma nequeꞌxcꞌoxla ta biꞌ nak ta̱ru̱k teꞌxqꞌue cuiꞌchic lix mayejeb? ¿Ma teꞌxchoy ta biꞌ xyi̱banquil li tzꞌac chiru jun cutan? ¿Ma ta̱ru̱k ta biꞌ teꞌrisi saꞌ li poks li pec ut teꞌxyi̱b cuiꞌchic li tzꞌac riqꞌuin li pec li ac xcꞌat? chan.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.