Esdras 3:9 - Li Santil hu

⁹ Eb li queꞌcꞌamoc be chixyi̱banquil li rochoch li Dios, aꞌaneb aꞌin: laj Jesúa rochbeneb li ralal xcꞌajol ut li rechꞌalal; ut laj Cadmiel, li ralal laj Hodavías, rochbeneb li ralal xcꞌajol; joꞌ ajcuiꞌ laj Henadad rochbeneb li ralal xcꞌajol ut li rechꞌalal. Chixjunileb aꞌan aj levita.

Q'eqchi Bible

⁹ Laj Josué, eb' li ralal ut eb' li rech'alal ke'xjunaji rib' rik'in laj Kadmiel, eb' li ralal ut eb' li ralal xk'ajol laj Hodabías, re xjolominkileb' laj k'anjel sa' rochoch li Yos.

Esdras 3:9 ပူးပေါင်းရင်းမြစ်များ

Esdras 2:40

Eb laj levita, aꞌaneb li ralal xcꞌajol laj Jesúa ut laj Cadmiel, xcomoneb laj Hodavías. Aꞌan ca̱laju xca̱cꞌa̱leb (74).

Nehemías 7:43

Eb laj levitas: aꞌaneb li ralal xcꞌajol laj Jesúa. Laj Jesúa, aꞌan li ralal laj Cadmiel ut laj Cadmiel, aꞌan li ralal laj Hodavías. Aꞌan ca̱laju xca̱cꞌa̱leb (74).

Esdras 3:8

Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

1 Crónicas 23:4

Li rey David quixye nak li ca̱hib xcaꞌcꞌa̱l mil teꞌcꞌanjelak re xyi̱banquil li templo ut li cuakib mil teꞌcꞌanjelak chi takla̱nc ut chi rakoc a̱tin.

2 Crónicas 34:12

Eb laj cꞌanjel queꞌtrabajic saꞌ xya̱lal. Eb laj levita li queꞌjolomin re li cꞌanjel, aꞌaneb laj Jahat ut laj Abdías li ralaleb laj Merari, joꞌ eb ajcuiꞌ laj Zacarías ut laj Mesulam li ralaleb laj Coat. Eb laj levita nequeꞌxnau cuajbac chi us.

Nehemías 3:24

Li tzꞌac li cuan chixcꞌatk li quixyi̱b laj Azarías, aꞌan quixyi̱b laj Binúi li ralal laj Henadad. Li tzꞌac li quixyi̱b laj Binúi quiticla cuan cuiꞌ li rochoch laj Azarías ut quicuulac toj saꞌ xuc.