Esdras 3:8 - Li Santil hu

⁸ Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

Q'eqchi Bible

⁸ Naq ak wiib' chihab' chik xwulajikeb' sa' rochoch li Yos aran Jerusalén, sa' xkab' li po, ke'xtikib' k'anjelak laj Sorobabel, ralal laj Sehaltiel, ut laj Josué, ralal laj Josadak, rochb'eeneb' li ras riitz'ineb', eb' laj tij, eb' laj Leví ut jo'k'ihaleb' li ke'sutq'iik Jerusalén. Wankeb' aj Leví aj junmay chihab' ut li ak numenaq ke'xaqab'aak chi xjolominkil li xk'anjelankil li rochoch li Qaawa'.

Esdras 3:8 ပူးပေါင်းရင်းမြစ်များ

Esdras 4:3

Queꞌchakꞌoc laj Zorobabel ut laj Jesúa joꞌqueb ajcuiꞌ li nequeꞌjolomin reheb li junju̱nk cabal ut queꞌxye: —Incꞌaꞌ ta̱ru̱k toe̱tenkꞌa chixyi̱banquil lix templo li kaDios. La̱o aj Israel takayi̱b kajunes lix templo li kaDios joꞌ quixye ke laj Ciro, lix reyeb laj Persia, chanqueb.

1 Crónicas 23:4

Li rey David quixye nak li ca̱hib xcaꞌcꞌa̱l mil teꞌcꞌanjelak re xyi̱banquil li templo ut li cuakib mil teꞌcꞌanjelak chi takla̱nc ut chi rakoc a̱tin.

Números 4:3

Ta̱cuajlaheb chixjunileb li cui̱nk li cuan laje̱b xcaꞌcꞌa̱l (30) chihab reheb joꞌ eb ajcuiꞌ li ac numenak laje̱b roxcꞌa̱l chihab toj ta̱cuulak laje̱b roxcꞌa̱l (50) chihab. Aꞌaneb li teꞌoc chi cꞌanjelac saꞌ li tabernáculo.

Esdras 3:2

Ut laj Jesúa, li ralal laj Josadac, ut eb laj tij, lix comoneb, ut laj Zorobabel ralal laj Salatiel rochbeneb lix comoneb queꞌoc chixyi̱banquil lix artal li Ka̱cuaꞌ lix Dioseb laj Israel re teꞌxmayeja cuiꞌ li xul joꞌ tzꞌi̱banbil saꞌ li chakꞌrab li quiqꞌueheꞌ re laj Moisés laj cꞌanjel chiru li Dios.

Esdras 5:16

Joꞌcan nak quicꞌulun laj Sesbasar ut quixqꞌue li cimiento re lix templo li Dios li cuan Jerusalén ut queꞌxtiquib xyi̱banquil li templo. Ut chalen anakcuan toj ma̱jiꞌ ajcuiꞌ nayaloꞌ.

Zacarías 4:9

Laj Zorobabel quitiquiban re xyi̱banquil li templo ut aꞌan ajcuiꞌ ta̱choyok re xyi̱banquil. Ut riqꞌuin aꞌan, la̱at ta̱nau nak li Ka̱cuaꞌ, li nimajcual Dios xtaklan chak cue e̱riqꞌuin.

Zacarías 6:12

Ut ta̱ye re: Joꞌcaꞌin xye li Ka̱cuaꞌ li nimajcual Dios: Li sa̱j cui̱nk li nequeꞌxye “Xtux Cheꞌ” re, aꞌan chanchan jun xtux li cheꞌ li na-el chak saꞌ xya̱nk li xeꞌ. Li cui̱nk aꞌan ta̱yi̱ba̱nk re lix templo li Ka̱cuaꞌ.

1 Crónicas 3:17

Eb li ralal xcꞌajol laj Jeconías, aꞌaneb laj Asir ut laj Salatiel,

Esdras 2:2

Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

Esdras 4:24

Joꞌcan nak queꞌxcanab xyi̱banquil lix templo li Dios aran Jerusalén. Quicanaba̱c toj saꞌ li xcab chihab roquic chokꞌ rey laj Darío, lix reyeb laj Persia.

Esdras 5:2

Ut laj Zorobabel li ralal laj Salatiel rochben laj Jesúa li ralal laj Josadac, queꞌoc cuiꞌchic chixyi̱banquil lix templo li Ka̱cuaꞌ aran Jerusalén. Ut eb lix profeta li Ka̱cuaꞌ Dios cuanqueb rochbeneb ut yo̱queb chixtenkꞌanquileb.

Esdras 10:18

Aꞌaneb aꞌin li ralal xcꞌajoleb laj tij li queꞌxsicꞌ rixakileb saꞌ xya̱nkeb li jalaneb xtenamit: xcomoneb li ralal laj Jesúa, ralal laj Josadac, ut xcomoneb li ri̱tzꞌin, aꞌaneb laj Maasías, laj Eliezer, laj Jarib ut laj Gedalías.

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.