Esdras 3:5 - Li Santil hu

⁵ Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.

Q'eqchi Bible

⁵ Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.

Esdras 3:5 ပူးပေါင်းရင်းမြစ်များ

Números 29:39

Aꞌaneb aꞌin li mayej li teꞌxqꞌue re xlokꞌoninquil li Ka̱cuaꞌ nak teꞌninkꞌei̱k. Teꞌxqꞌue li mayej li na-ala saꞌ xchꞌo̱leb xqꞌuebal joꞌ ajcuiꞌ li mayej li nequeꞌxqꞌue nak nequeꞌxyechiꞌi li cꞌaꞌak re ru re li Ka̱cuaꞌ, ut li cꞌatbil mayej ut li mayej cꞌaj ut li mayej vino joꞌ eb ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

Deuteronomio 12:17

Abanan li mayej li nequeqꞌue chiru li Ka̱cuaꞌ incꞌaꞌ naru te̱tzaca saꞌ le̱ tenamit, joꞌ li junju̱nk saꞌ xlaje̱tkil li ru le̱ racui̱mk, ut le̱ vino, ut le̱ aceite, joꞌ ajcuiꞌ li xbe̱n ral le̱ cuacax, ut li xbe̱n ral le̱ carner. Ut incꞌaꞌ naru te̱tzaca saꞌ le̱ tenamit li mayej li nequeqꞌue nak nequeyechiꞌi re li Dios xba̱nunquil li cꞌaꞌak re ru, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li nequetaksi chiru li Ka̱cuaꞌ saꞌ le̱ rukꞌ.

Deuteronomio 12:6

Ut aran te̱cꞌam le̱ mayej xul ut te̱camsi ut te̱cꞌat re xqꞌuebal xlokꞌal li Ka̱cuaꞌ. Ut te̱cꞌam ajcuiꞌ le̱ mayej li junju̱nk saꞌ xlaje̱tkil joꞌ ajcuiꞌ li mayej li na-ala saꞌ e̱chꞌo̱l xqꞌuebal. Te̱cꞌam ajcuiꞌ le̱ mayej li ac xeyechiꞌi re li Ka̱cuaꞌ. Ut aran ajcuiꞌ te̱mayeja li xbe̱n ral le̱ cuacax ut li xbe̱n ral le̱ carner.

Números 29:13

Teꞌxqꞌue chokꞌ xcꞌatbil mayej oxlaju li toro toj sa̱jeb, cuib li te̱lom carner, ut ca̱laju li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Números 29:8

Chokꞌ re lix cꞌatbil mayejeb teꞌxqꞌue jun li toro toj sa̱j, jun li te̱lom carner, ut cuukub li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Números 29:2

Chokꞌ re lix cꞌatbil mayejeb teꞌxqꞌue jun li toro toj sa̱j, jun li te̱lom carner, ut cuukub li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Números 28:27

Teꞌxqꞌue chokꞌ xcꞌatbil mayejeb cuib li toro toj sa̱jeb, jun li te̱lom carner ut cuukub li te̱lom carner jun chihab cua̱nk reheb. Ut nak teꞌxcꞌat, aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Números 28:19

Teꞌxqꞌue chokꞌ xmayejeb chicuu la̱in li Ka̱cuaꞌ cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb. Ut ma̱cꞌaꞌak re̱qꞌueb.

Números 28:14

Rochben li junju̱nk chi toro teꞌxqꞌue cuib litro li vino re li mayej vino. Teꞌxqꞌue jun litro riqꞌuin mero litro li vino rochben li junju̱nk chi carner ut teꞌxqꞌue jun litro rochben li junju̱nk chi carner toj sa̱j. Aꞌaneb aꞌin li cꞌatbil mayej li teꞌxqꞌue rajlal po chiru li jun chihab.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Esdras 3:6

Saꞌ li xbe̱n cutan re li xcuuk li po queꞌxtiquib xmayejanquil li cꞌatbil xul re xlokꞌoninquil li Ka̱cuaꞌ, usta toj ma̱jiꞌ nequeꞌxyi̱b li cimiento re lix templo li Ka̱cuaꞌ.

Jeremías 33:18

Ut teꞌcua̱nk ajcuiꞌ eb li ralal xcꞌajol laj Leví li teꞌcꞌanjelak chicuu chokꞌ aj tij. Rajlal teꞌmayejak chicuu ut teꞌxqꞌue lix cꞌatbil mayej joꞌ ajcuiꞌ li mayej cꞌaj.

Levítico 1:2

Quixye re nak tixye reheb laj Israel chanru teꞌxba̱nu nak teꞌmayejak chiru li Dios. Joꞌcaꞌin quixye re: Nak li tenamit teꞌxmayeja li xul tento nak teꞌxqꞌue jun reheb lix queto̱mk cuacax, malaj ut carner.

Levítico 23:2

—Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ.

2 Crónicas 31:14

Laj Coré li ralal laj Imna laj levita, aꞌan li nacꞌacꞌalen saꞌ li oqueba̱l li cuan saꞌ li este, ut aꞌan ajcuiꞌ li quixakaba̱c chixcꞌulbal li mayej li qui-ala saꞌ xchꞌo̱leb xqꞌuebal re li Dios. Ut aꞌan ajcuiꞌ li najeqꞌuin re li mayej li kꞌaxtesinbil re li Dios.

Nehemías 10:34

Ut kacꞌu̱b ajcuiꞌ ru nak rajlal chihab eb laj tij, eb laj levitas ut chixjunileb li tenamit teꞌbu̱lik re rilbal chanru nak te̱tzꞌak qꞌuehoc siꞌ li junju̱nk cabal. Li siꞌ aꞌan li nacꞌatman saꞌ li artal saꞌ xtemplo li Ka̱cuaꞌ li kaDios joꞌ tzꞌi̱banbil retalil saꞌ li chakꞌrab.