Esdras 3:2 - Li Santil hu

² Ut laj Jesúa, li ralal laj Josadac, ut eb laj tij, lix comoneb, ut laj Zorobabel ralal laj Salatiel rochbeneb lix comoneb queꞌoc chixyi̱banquil lix artal li Ka̱cuaꞌ lix Dioseb laj Israel re teꞌxmayeja cuiꞌ li xul joꞌ tzꞌi̱banbil saꞌ li chakꞌrab li quiqꞌueheꞌ re laj Moisés laj cꞌanjel chiru li Dios.

Q'eqchi Bible

² Toja' naq laj Josué, ralal laj Josadak, rochb'eeneb' laj tij jo'wi' laj Sorobabel, ralal laj Sehaltiel, ut eb' li rech'alal, ke'ok chi xyiib'ankil li x'artal li xYos laj Israel, re te'xmayeja li k'atb'il yeechi'om, jo' tz'iib'anb'il sa' li xChaq'rab' laj Moisés, li xtaql li Yos.

Esdras 3:2 ပူးပေါင်းရင်းမြစ်များ

San Lucas 3:27

Laj Judá, aꞌan li ralal laj Joana. Ut laj Joana, aꞌan li ralal laj Resa. Ut laj Resa, aꞌan li ralal laj Zorobabel. Ut laj Zorobabel, aꞌan li ralal laj Salatiel. Ut laj Salatiel, aꞌan li ralal laj Neri.

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.

Esdras 2:2

Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

1 Crónicas 3:17

Eb li ralal xcꞌajol laj Jeconías, aꞌaneb laj Asir ut laj Salatiel,

Zacarías 6:11

Ta̱cꞌam li oro ut li plata li ac xaxoc. Ta̱yi̱b li corona ut ta̱qꞌue saꞌ xjolom laj Josué li xyucuaꞌil aj tij, li ralal laj Josadac.

Zacarías 3:8

At Josué, la̱at li xbe̱nil laj tij. Chacuabihak la̱at ut cheꞌrabihak ajcuiꞌ eb laj tij li nequeꞌtenkꞌan a̱cue. La̱ex retalil laj cꞌanjel chicuu li tintakla chak, li nequeꞌxye xtux cheꞌ re.

Zacarías 3:1

Ut quixcꞌutbesi ajcuiꞌ chicuu jun chic li visión ut quicuil nak laj Josué li xbe̱nil laj tij xakxo chiru lix ángel li Ka̱cuaꞌ. Ut xakxo ajcuiꞌ laj tza saꞌ xnim ukꞌ li ángel re xjitbal laj Josué.

Hageo 2:23

Li Ka̱cuaꞌ li kꞌaxal nim xcuanquil quixye re laj Zorobabel: —Saꞌ li cutan aꞌan la̱in tin-ilok a̱cue, at Zorobabel, ralalat laj Salatiel. Sicꞌbil a̱cuu inban, la̱at laj cꞌanjel chicuu. Raro̱cat inban joꞌ lin matkꞌab re xba̱nunquil sellar, chan li nimajcual Dios.

Hageo 2:21

—Tat-a̱tinak cuiꞌchic riqꞌuin laj Zorobabel li gobernador re Judá, ut ta̱ye re nak la̱in tincuecꞌasi saꞌ xnaꞌaj li choxa ut li ruchichꞌochꞌ.

Hageo 1:14

Ut li Ka̱cuaꞌ quixqꞌue xcacuil xchꞌo̱l laj Zorobabel, li ralal laj Salatiel, li gobernador re Judá, joꞌ ajcuiꞌ laj Josué lix be̱nil aj tij, li ralal laj Josadac. Ut quixqꞌue ajcuiꞌ xcacuileb xchꞌo̱l li tenamit, ut queꞌoc chi cꞌanjelac re xyi̱banquil lix templo li nimajcual Dios.

Hageo 1:12

Li profeta Hageo quixye reheb chixjunil li quiyeheꞌ re xban li Dios. Nak queꞌrabi li cꞌaꞌru quixye, laj Zorobabel li ralal laj Salatiel ut laj Josué li xbe̱nil aj tij, li ralal laj Josadac, joꞌqueb ajcuiꞌ chixjunileb li tenamit, queꞌxxucua ru li Ka̱cuaꞌ lix Dioseb. Ut queꞌxba̱nu li quixye.

Salmos 78:68

Quixsicꞌ ban ruheb li ralal xcꞌajol laj Judá. Ut saꞌ lix tenamiteb quixyi̱b lix templo saꞌ li tzu̱l Sión li raro xban.

Nehemías 12:8

Aꞌaneb aꞌin laj levita: laj Jesúa, laj Binúi, laj Cadmiel, laj Serebías, laj Judá ut laj Matanías. Eb aꞌan li queꞌcꞌamoc be chi bicha̱nc re lokꞌoni̱nc.

Nehemías 12:1

Aꞌaneb aꞌin laj tij ut eb laj levita li queꞌsukꞌi Jerusalén rochben laj Zorobabel li ralal laj Salatiel ut laj Jesúa li xbe̱nil aj tij. Aꞌaneb aꞌin laj tij: laj Seraías, laj Jeremías, laj Esdras,

2 Crónicas 6:6

Abanan anakcuan xinsicꞌ ru li tenamit Jerusalén re nak aran teꞌxyi̱b jun li templo re tineꞌxlokꞌoni cuiꞌ. Ut xinsicꞌ ru laj David re nak aꞌan ta̱takla̱nk saꞌ xbe̱neb lin tenamit Israel,” chan li Dios re lin yucuaꞌ.

1 Crónicas 3:19

Eb li ralal laj Pedaías, aꞌaneb laj Zorobabel ut laj Simei. Ut eb li ralal laj Zorobabel, aꞌaneb laj Mesulam ut laj Hananías. Ut lix Selomit, aꞌan lix rabin.

Éxodo 27:1

Ut te̱yi̱b ajcuiꞌ jun li artal riqꞌuin li cheꞌ acacia. Te̱yi̱b chi ca̱ xucu̱t. Cuib metro riqꞌuin o̱b xcaꞌcꞌa̱l centímetro xnimal li ru ut cuib metro riqꞌuin o̱b xcaꞌcꞌa̱l centímetro xnimal li rok. Ut o̱b xcaꞌcꞌa̱l centímetro li xteram.

Esdras 3:8

Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

Esdras 5:2

Ut laj Zorobabel li ralal laj Salatiel rochben laj Jesúa li ralal laj Josadac, queꞌoc cuiꞌchic chixyi̱banquil lix templo li Ka̱cuaꞌ aran Jerusalén. Ut eb lix profeta li Ka̱cuaꞌ Dios cuanqueb rochbeneb ut yo̱queb chixtenkꞌanquileb.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Números 28:2

—Ta̱ye reheb laj Israel nak junelic teꞌxqꞌue li cꞌatbil mayej ut li mayej caxlan cua saꞌ xkꞌehil. Aꞌan li sununquil cꞌatbil mayej li nacuulac chicuu la̱in li Ka̱cuaꞌ.

Jueces 6:24

Laj Gedeón quixyi̱b jun li artal saꞌ li naꞌajej aꞌan re xlokꞌoninquil li Ka̱cuaꞌ ut Jehová-salom quixqꞌue chokꞌ xcꞌabaꞌ. Chalen anakcuan toj cuan ajcuiꞌ li artal aꞌan saꞌ li naꞌajej Ofra li cuan saꞌ lix naꞌajeb li ralal xcꞌajol laj Abiezer.

1 Crónicas 23:14

Eb li ralal xcꞌajol laj Moisés, laj cꞌanjel chiru li Dios, ajlanbileb saꞌ xya̱nkeb li ralal xcꞌajol laj Leví.

Esdras 10:18

Aꞌaneb aꞌin li ralal xcꞌajoleb laj tij li queꞌxsicꞌ rixakileb saꞌ xya̱nkeb li jalaneb xtenamit: xcomoneb li ralal laj Jesúa, ralal laj Josadac, ut xcomoneb li ri̱tzꞌin, aꞌaneb laj Maasías, laj Eliezer, laj Jarib ut laj Gedalías.

Esdras 10:20

Xcomoneb li ralal xcꞌajol laj Imer, aꞌaneb laj Hanani ut laj Zebadías.

Esdras 10:21

Xcomoneb li ralal xcꞌajol laj Harim, aꞌaneb laj Maasías, laj Elías, laj Semaías, laj Jehiel, ut laj Uzías.

Esdras 10:22

Xcomoneb li ralal xcꞌajol laj Pasur, aꞌaneb laj Elioenai, laj Maasías, laj Ismael, laj Natanael, laj Jozabad ut laj Elasa.