Esdras 3:13 - Li Santil hu

¹³ Chi najt qui-abi̱c chak lix ya̱beb, ut incꞌaꞌ quicꞌutun chiruheb li tenamit aniheb li yo̱queb chixjapbal reheb xban xsahil xchꞌo̱leb ut aniheb li yo̱queb chi ya̱bac.

Q'eqchi Bible

¹³ Ink'a' nak'utunk aniheb' li neke'b'ichank xb'aan xsahil xch'ooleb' ut aniheb' neke'yaab'ak, xb'aan naq chajchookeb' re chixjunileb' ut li xyaab' xkuxeb' na'ab'imank toj chi nait.

Esdras 3:13 ပူးပေါင်းရင်းမြစ်များ

1 Samuel 4:5

Cꞌajoꞌ nak queꞌsahoꞌ saꞌ xchꞌo̱leb laj Israel nak quicuulac li Lokꞌlaj Ca̱x riqꞌuineb. Qui-ecꞌan li chꞌochꞌ nak queꞌxjap reheb xban xsahil xchꞌo̱leb.

Zacarías 4:7

Usta joꞌ xnimal jun li tzu̱l li chꞌaꞌajquilal li ta̱cha̱lk, abanan laj Zorobabel tixcuy xnumsinquil chixjunil li ta̱cha̱lk saꞌ xbe̱n toj tixchoy xyi̱banquil li templo. Ut nak ta̱qꞌuema̱nk li pec re xchoybal li cꞌanjel chixjunileb teꞌxjap re chixyebal: ¡Cꞌajoꞌ xlokꞌal! ¡Bantiox re li Ka̱cuaꞌ!—

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Salmos 5:11

Ut eb li cauheb xchꞌo̱l a̱cuiqꞌuin cheꞌsahokꞌ saꞌ xchꞌo̱leb, at inDios. Ut cheꞌbicha̱nk chi junelic xban xsahileb saꞌ xchꞌo̱l xban nak la̱at tatcolok reheb. Cheꞌsahokꞌ saꞌ xchꞌo̱leb a̱cuiqꞌuin li nequeꞌrahoc a̱cue.

Nehemías 12:43

Nabaleb li xul xkamayeja saꞌ li cutan aꞌan. Cꞌajoꞌ nak quisahoꞌ saꞌ kachꞌo̱l xban nak li Dios quixqꞌue jun sahil chꞌo̱lejil ke. Eb li ixk ut eb li cocꞌal queꞌsahoꞌ ajcuiꞌ saꞌ xchꞌo̱leb. Ut toj chi najt qui-abi̱c chak nak cꞌajoꞌ xsahil saꞌ kachꞌo̱l Jerusalén.

1 Reyes 1:45

Laj Sadoc laj tij ut li profeta Natán queꞌxqꞌue li aceite saꞌ xjolom laj Salomón ut queꞌxxakab chokꞌ rey aran cuan cuiꞌ li yuꞌam haꞌ Gihón. Ut queꞌsukꞌi chi sa saꞌ xchꞌo̱leb. Aꞌan aꞌin li choki̱nc li yo̱quex chirabinquil.

1 Reyes 1:40

Ut chixjunileb li tenamit queꞌco̱eb chirix. Yo̱queb chixya̱basinquil lix xo̱lb. Ut li chꞌochꞌ qui-ecꞌan saꞌ xnaꞌaj xban nak japjo̱queb re xban xsahil xchꞌo̱leb.

Jueces 2:5

Joꞌcan nak queꞌxqꞌue Boquim chokꞌ xcꞌabaꞌ li naꞌajej aꞌan. Ut aran queꞌmayejac chiru li Ka̱cuaꞌ.

Esdras 3:12

Nabaleb laj levita xcomoneb laj tij, ut eb li ac ti̱xeb li nequeꞌjolomin reheb li junju̱nk cabaleb, yo̱queb chi ya̱bac chi cau xya̱b xcuxeb nak queꞌril nak yo̱ chi oc li cimiento re lix templo li Dios xban nak quinak saꞌ xchꞌo̱leb li templo li quicuan junxil. Ut nabaleb chic yo̱queb chixjapbal reheb xban xsahil xchꞌo̱leb.

Esdras 4:1

Eb li xicꞌ nequeꞌiloc reheb li ralal xcꞌajol laj Judá ut eb li ralal xcꞌajol laj Benjamín, queꞌrabi resil nak eb aꞌan, li queꞌchapeꞌ ut queꞌcꞌameꞌ chi najt, queꞌsukꞌi cuiꞌchic Jerusalén ut yo̱queb chixyi̱banquil lix templo li Ka̱cuaꞌ lix Dioseb laj Israel.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.