Esdras 3:12 - Li Santil hu

¹² Nabaleb laj levita xcomoneb laj tij, ut eb li ac ti̱xeb li nequeꞌjolomin reheb li junju̱nk cabaleb, yo̱queb chi ya̱bac chi cau xya̱b xcuxeb nak queꞌril nak yo̱ chi oc li cimiento re lix templo li Dios xban nak quinak saꞌ xchꞌo̱leb li templo li quicuan junxil. Ut nabaleb chic yo̱queb chixjapbal reheb xban xsahil xchꞌo̱leb.

Q'eqchi Bible

¹² Naab'aleb' laj tij, laj Leví ut xjolomileb' junkab'al li ak tiixeb' xb'aan naq ak rilomeb' chaq li xb'een rochoch li Yos junxil, anaqwan japjookeb' re chi yaab'ak naq yookeb' chi rilb'al chanru yo chi ok li rub'elankil li x'ak' ochoch li Qaawa'. Ab'anan wankeb' ajwi' li japjookeb' re xb'aan xsahil xch'ooleb'.

Esdras 3:12 ပူးပေါင်းရင်းမြစ်များ

Hageo 2:3

“¿Ma toj cuan saꞌ e̱ya̱nk qui-iloc re lin templo junxil? ¿Ma jultic e̱re nak cꞌajoꞌ xchꞌinaꞌusal nak quicuan? ¿Ma nacuulac ta biꞌ che̱ru lin templo chanru nak cuan anakcuan? ¿Ma incꞌaꞌ ta biꞌ nequeril nak ma̱cꞌaꞌ chic xchꞌinaꞌusal joꞌ junxil?”

Zacarías 4:10

Li queꞌtzꞌekta̱nan re li cꞌanjel saꞌ xticlajic ta̱sahokꞌ saꞌ xchꞌo̱leb chirilbal nak yo̱k chi ya̱locꞌ li cꞌanjel xban laj Zorobabel.— Nak xrakeꞌ xyebal aꞌan, li ángel quixye ajcuiꞌ: —Li cuukub chi candil li xacuil, aꞌan retalil nak li Ka̱cuaꞌ naril chixjunil li ruchichꞌochꞌ, chan li ángel.

Isaías 60:22

Usta incꞌaꞌ qꞌuihex, abanan texnabalokꞌ toj retal texcuulak jun nimla tenamit ut ta̱cua̱nk e̱cuanquil. La̱in li Ka̱cuaꞌ. La̱in tinba̱nu chixjunil aꞌin saꞌ junpa̱t nak ta̱cuulak xkꞌehil, chan li Dios.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Salmos 126:6

Usta teꞌya̱bak nak yo̱keb chixcꞌambal li iyaj, abanan sahakeb chic saꞌ xchꞌo̱leb nak teꞌsukꞌi̱k chak xban nak ac cua̱nk chic li ru li acui̱mk riqꞌuineb.

Li xHu LAJ JOB 8:7

Cui la̱at ti̱c a̱chꞌo̱l, kꞌaxal cuiꞌchic nabal a̱biomal tixqꞌue li Dios chiru li quicuan junxil.

Esdras 3:13

Chi najt qui-abi̱c chak lix ya̱beb, ut incꞌaꞌ quicꞌutun chiruheb li tenamit aniheb li yo̱queb chixjapbal reheb xban xsahil xchꞌo̱leb ut aniheb li yo̱queb chi ya̱bac.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.

Salmos 147:1

¡Lokꞌoninbil taxak li nimajcual Dios xban nak kꞌaxal us xbichanquil xlokꞌal li kaDios ut xcꞌulub nak ta̱qꞌuehekꞌ xlokꞌal!