Esdras 3:11 - Li Santil hu

¹¹ Yo̱queb chi bicha̱nc ut yo̱queb chi lokꞌoni̱nc. Yo̱queb chi bantioxi̱nc chiru li Ka̱cuaꞌ ut yo̱queb chixyebal: —Kꞌaxal cha̱bil li Ka̱cuaꞌ. Junelic naruxta̱na ruheb laj Israel, chanqueb. Ut chixjunileb li tenamit yo̱queb chixjapbal reheb xban xsahil xchꞌo̱leb ut yo̱queb chixlokꞌoninquil li Ka̱cuaꞌ xban nak queꞌxqꞌue li cimiento li ta̱cu̱tu̱nk re li rochoch li Dios.

Q'eqchi Bible

¹¹ Ke'xterq'usi xk'ab'a' li Qaawa' ut ke'yoxink chiru; wankeb' ke'b'ichank ut wankeb' ke'xsume chi kama'in: “Xb'aan naq A'an jwal chaab'il, li xrahom wank chi junelik rik'ineb' laj Israel”. Ut chixjunil li tenamit chajchookeb' re chi xnimankil ru li Qaawa', xb'aan naq li Loq'laj Ochoch ak wank chik li rub'elankil.

Esdras 3:11 ပူးပေါင်းရင်းမြစ်များ

1 Crónicas 16:34

Chexbantioxi̱nk chiru li Ka̱cuaꞌ xban nak aꞌan cha̱bil ut junelic na-uxta̱nan u.

Salmos 106:1

Lokꞌoninbil taxak ru li Ka̱cuaꞌ li nimajcual Dios. Chexbantioxi̱nk chiru xban nak aꞌan cha̱bil ut junelic naruxta̱na ku.

Salmos 107:1

Chexbantioxi̱nk chiru li Ka̱cuaꞌ xban nak aꞌan cha̱bil ut junelic naruxta̱na ku.

Salmos 103:17

Abanan lix rahom ut lix ti̱quilal li Ka̱cuaꞌ junelic cuan saꞌ xbe̱neb li nequeꞌxucuan ru li Ka̱cuaꞌ joꞌ ajcuiꞌ saꞌ xbe̱neb li ralal xcꞌajol li teꞌcua̱nk mokon.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Salmos 135:3

Chelokꞌoni taxak li nimajcual Dios xban nak aꞌan cha̱bil. Chexbicha̱nk re xqꞌuebal xlokꞌal xban nak kꞌaxal nim li ruxta̱n li Ka̱cuaꞌ.

Salmos 118:1

Junelic chexbantioxi̱nk chiru li nimajcual Dios xban nak aꞌan cha̱bil. Li ruxta̱n li Ka̱cuaꞌ junelic cuan saꞌ kabe̱n.

2 Crónicas 7:3

Nak eb laj Israel queꞌril nak quicube chak saꞌ choxa li xam ut lix lokꞌal li Dios quinujac saꞌ li templo chixjunileb queꞌxcuikꞌib ribeb ut queꞌxxulub lix jolom saꞌ chꞌochꞌ ut queꞌxnima ru li Ka̱cuaꞌ ut queꞌxqꞌue xlokꞌal. Queꞌxye: —Kꞌaxal cha̱bil li Ka̱cuaꞌ ut kꞌaxal nim li ruxta̱n saꞌ kabe̱n junelic, chanqueb.

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Nehemías 12:24

Eb li cuanqueb saꞌ xcuanquil saꞌ xya̱nkeb laj levita, aꞌaneb aꞌin: laj Hasabías, laj Serebías, ut laj Jesúa li ralal laj Cadmiel. Eb li rech aj cꞌanjelil cuanqueb chi ubej ut yo̱queb chi lokꞌoni̱nc ut chi bantioxi̱nc. Nequeꞌxsume rib nak nequeꞌbichan laj bichanel joꞌ queꞌchakꞌrabi̱c cuiꞌ junxil xban li rey David laj cꞌanjel chiru li Dios.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Éxodo 15:21

Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

San Lucas 1:50

Li Ka̱cuaꞌ junelic na-uxta̱nan u. Naruxta̱na ruheb li nequeꞌxucuan ru.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Salmos 47:1

Che̱junilex la̱ex tenamit, pokꞌpokꞌihomak le̱ rukꞌ xban xsahil e̱chꞌo̱l. Japomak e̱re chixqꞌuebal xlokꞌal li Ka̱cuaꞌ.

1 Crónicas 16:41

Ut queꞌcanaba̱c ajcuiꞌ laj Hemán ut laj Jedutún chixtenkꞌanquileb li queꞌsiqꞌueꞌ ru chixlokꞌoninquil li Ka̱cuaꞌ xban nak junelic na-uxta̱nan u.

Nehemías 12:40

Ut eb li cuib chꞌu̱taleb laj bichanel queꞌcuulac saꞌ lix templo li Dios. Ut quincuulac ajcuiꞌ la̱in cuochbeneb li yijach chic li nequeꞌtaklan saꞌ xbe̱neb li tenamit.

Salmos 47:5

Queꞌxya̱basi li trompeta ut japjo̱queb re xban xsahileb saꞌ xchꞌo̱l re xqꞌuebal xlokꞌal li Ka̱cuaꞌ nak quitakeꞌ saꞌ lix nimajcual naꞌaj.

Josué 6:5

Te̱rabi nak incꞌaꞌ teꞌxcanab xya̱basinquil li xucub carner. Che̱junilex la̱ex te̱jap e̱re chi cau. Ut li tzꞌac li sutsu cuiꞌ li tenamit ta̱tꞌanekꞌ. Nak ac xtꞌaneꞌ li tzꞌac li sutsu cuiꞌ, la̱ex saꞌ junpa̱t tex-oc saꞌ li tenamit chi pletic, chan li Dios.

Josué 6:16

Ut nak eb laj tij queꞌxya̱basi li xucub saꞌ li xcuuk sut, laj Josué quixye reheb lix soldado: —Japomak e̱re xban nak li Ka̱cuaꞌ xkꞌaxtesi saꞌ kukꞌ li tenamit Jericó.

Josué 6:10

Laj Josué quixye reheb lix soldado: —Incꞌaꞌ tex-ecꞌa̱nk chi moco te̱jap e̱re. Ma̱ jun a̱tin te̱ye toj tinye e̱re “Japomak e̱re”. Tojoꞌnak te̱jap e̱re, chan.

2 Crónicas 5:13

Yo̱queb chixchꞌeꞌbal lix cuajbeb ut yo̱queb chi bicha̱nc chi junaj xya̱b lix cuxeb re xqꞌuebal xlokꞌal li Ka̱cuaꞌ. Queꞌxbicha xlokꞌal ut queꞌxye: Kꞌaxal cha̱bil li Ka̱cuaꞌ ut nim li ruxta̱n saꞌ kabe̱n junelic, chanqueb. Ut quinujac li templo riqꞌuin xlokꞌal li Dios. Chanchan li chok.

Salmos 100:5

Li Ka̱cuaꞌ kꞌaxal cha̱bil. Junelic nocoxra ut lix ti̱quilal xchꞌo̱l ma̱cꞌaꞌ rosoꞌjic. Cua̱nk ban chi junelic.

Salmos 131:1

At nimajcual Dios, la̱in incꞌaꞌ ninnimobresi cuib, chi moco ninkꞌetkꞌeti cuib, chi moco naxic inchꞌo̱l riqꞌuin xtzolbal li xni̱nkal ru naꞌleb li chꞌaꞌaj xtaubal ru.

Zacarías 4:7

Usta joꞌ xnimal jun li tzu̱l li chꞌaꞌajquilal li ta̱cha̱lk, abanan laj Zorobabel tixcuy xnumsinquil chixjunil li ta̱cha̱lk saꞌ xbe̱n toj tixchoy xyi̱banquil li templo. Ut nak ta̱qꞌuema̱nk li pec re xchoybal li cꞌanjel chixjunileb teꞌxjap re chixyebal: ¡Cꞌajoꞌ xlokꞌal! ¡Bantiox re li Ka̱cuaꞌ!—

Hageo 2:3

“¿Ma toj cuan saꞌ e̱ya̱nk qui-iloc re lin templo junxil? ¿Ma jultic e̱re nak cꞌajoꞌ xchꞌinaꞌusal nak quicuan? ¿Ma nacuulac ta biꞌ che̱ru lin templo chanru nak cuan anakcuan? ¿Ma incꞌaꞌ ta biꞌ nequeril nak ma̱cꞌaꞌ chic xchꞌinaꞌusal joꞌ junxil?”