Esdras 3:10 - Li Santil hu

¹⁰ Ut nak eb laj tzꞌac yo̱queb chixqꞌuebal li cimiento re lix templo li Ka̱cuaꞌ, eb laj tij queꞌxqꞌue chirixeb li rakꞌ li nequeꞌrocsi nak nequeꞌcꞌanjelac saꞌ li templo ut cuanqueb xtrompeta saꞌ rukꞌeb. Ut eb li ralal xcꞌajol laj Asaf laj levita cuanqueb saꞌ rukꞌ lix chꞌi̱chꞌeb címbalos xcꞌabaꞌ. Yo̱queb chixlokꞌoninquil li Ka̱cuaꞌ joꞌ quixye laj David li quicuan chokꞌ xreyeb laj Israel junxil.

Q'eqchi Bible

¹⁰ Naq eb' laj tz'ak ke'xk'e li rub'elankil li rochoch li Qaawa', kule'elq eb' laj tij chi tiqtookeb' chaq rik'in chaab'il liin, wankeb' chaq xtronpeet; xaqxookeb' ajwi' aran eb' laj Leví, ralaleb' laj Asaf, wankeb' chaq xtzojtzoj, re xnimankil ru li Qaawa' jo' kixtz'iib'a laj David, awab'ej re Israel.

Esdras 3:10 ပူးပေါင်းရင်းမြစ်များ

Zacarías 4:10

Li queꞌtzꞌekta̱nan re li cꞌanjel saꞌ xticlajic ta̱sahokꞌ saꞌ xchꞌo̱leb chirilbal nak yo̱k chi ya̱locꞌ li cꞌanjel xban laj Zorobabel.— Nak xrakeꞌ xyebal aꞌan, li ángel quixye ajcuiꞌ: —Li cuukub chi candil li xacuil, aꞌan retalil nak li Ka̱cuaꞌ naril chixjunil li ruchichꞌochꞌ, chan li ángel.

2 Crónicas 35:15

Eb laj levita li nequeꞌbichan, xcomoneb li ralal laj Asaf, cuanqueb saꞌ xnaꞌajeb joꞌ queꞌxye li rey David, laj Asaf, ut laj Hemán, joꞌ ajcuiꞌ li profeta Jedutún li quicꞌanjelac chiru li rey. Eb li queꞌcꞌacꞌalen saꞌ eb li oqueba̱l incꞌaꞌ tento nak queꞌel saꞌ lix cꞌanjeleb xban nak eb laj levita jun chꞌol chic queꞌxyi̱b lix tzacae̱mkeb.

1 Crónicas 23:5

Ut ca̱hib mil teꞌcꞌacꞌale̱nk saꞌ eb li oqueba̱l. Ut eb li ca̱hib mil chic teꞌxlokꞌoni li Ka̱cuaꞌ riqꞌuin xchꞌeꞌbal li cuajb li quixqꞌue chi yi̱ba̱c laj David.

1 Crónicas 16:42

Eb li cui̱nk aꞌan queꞌxya̱basi li trompeta, ut queꞌxtochꞌ li sursu̱quil chꞌi̱chꞌ ut queꞌcuajbac ut queꞌbichan re xlokꞌoninquil li Ka̱cuaꞌ. Ut eb li ralal laj Jedutún, aꞌaneb li queꞌcꞌacꞌalen reheb li oqueba̱l.

1 Crónicas 16:37

Joꞌcan nak laj David quixcanab laj Asaf rochbeneb li rechꞌalal saꞌ li naꞌajej li cuan cuiꞌ lix Lokꞌlaj Ca̱x li Ka̱cuaꞌ re nak teꞌcꞌanjelak rajlal cutan joꞌ tento xba̱nunquil.

1 Crónicas 15:27

Li rakꞌ laj David cuan chirix yi̱banbil riqꞌuin li cha̱bil tꞌicr lino. Joꞌcaneb ajcuiꞌ laj levita li yo̱queb chi pako̱nc re li Lokꞌlaj Ca̱x, joꞌqueb ajcuiꞌ laj bichanel ut laj Quenanías. Aꞌan li nacꞌamoc be chiruheb laj bichanel. Laj David quirocsi ajcuiꞌ li efod yi̱banbil riqꞌuin lino.

1 Crónicas 15:24

Ut eb li yo̱queb chixya̱basinquil lix trompeta chiru li Lokꞌlaj Ca̱x nak yo̱queb chi xic, aꞌan eb laj tij. Aꞌan eb laj Sebanías, laj Josafat, laj Natanael, laj Amasai, laj Zacarías, laj Benaía ut laj Eliezer. Ut laj Obed-edom ut laj Jehías, aꞌaneb ajcuiꞌ li nequeꞌcꞌacꞌalen re li Lokꞌlaj Ca̱x.

1 Samuel 22:18

Laj Saúl quixye re laj Doeg laj Edom: —Camsiheb la̱at, chan. Ut laj Doeg quixcamsiheb chixjunileb laj tij. O̱b roꞌcꞌa̱leb (85) laj tij, li nequeꞌrocsi li efod queꞌcamsi̱c saꞌ li cutan aꞌan.

Esdras 5:16

Joꞌcan nak quicꞌulun laj Sesbasar ut quixqꞌue li cimiento re lix templo li Dios li cuan Jerusalén ut queꞌxtiquib xyi̱banquil li templo. Ut chalen anakcuan toj ma̱jiꞌ ajcuiꞌ nayaloꞌ.

Salmos 150:5

Chelokꞌoni taxak li Ka̱cuaꞌ ut te̱tochꞌ le̱ sursu̱quil chꞌi̱chꞌ chi sa saꞌ e̱chꞌo̱l re xqꞌuebal xlokꞌal li Ka̱cuaꞌ.

Hageo 2:15

Chalen anakcuan cꞌoxlahomak chi us li cꞌaꞌru xecꞌul nak toj ma̱jiꞌ nequetiquib xyi̱banquil lin templo.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Zacarías 4:7

Usta joꞌ xnimal jun li tzu̱l li chꞌaꞌajquilal li ta̱cha̱lk, abanan laj Zorobabel tixcuy xnumsinquil chixjunil li ta̱cha̱lk saꞌ xbe̱n toj tixchoy xyi̱banquil li templo. Ut nak ta̱qꞌuema̱nk li pec re xchoybal li cꞌanjel chixjunileb teꞌxjap re chixyebal: ¡Cꞌajoꞌ xlokꞌal! ¡Bantiox re li Ka̱cuaꞌ!—

Zacarías 6:12

Ut ta̱ye re: Joꞌcaꞌin xye li Ka̱cuaꞌ li nimajcual Dios: Li sa̱j cui̱nk li nequeꞌxye “Xtux Cheꞌ” re, aꞌan chanchan jun xtux li cheꞌ li na-el chak saꞌ xya̱nk li xeꞌ. Li cui̱nk aꞌan ta̱yi̱ba̱nk re lix templo li Ka̱cuaꞌ.

Zacarías 7:3

Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.

1 Crónicas 25:25

Li xcuakxaklaju, aꞌan laj Hanani. Li alalbej rochbeneb li rechꞌalal cablajuheb chixjunileb.

2 Crónicas 5:12

Ut chixjunileb laj levitas li nequeꞌbichan queꞌxakli chixcꞌatk li artal saꞌ li este. Aꞌaneb laj Asaf, laj Hemán, ut laj Jedutún rochbeneb li ralal ut eb li rechꞌalal. Li rakꞌeb yi̱banbil riqꞌuin li cha̱bil tꞌicr lino. Cuanqueb saꞌ rukꞌeb lix cuajbeb, li sursu̱quil chꞌi̱chꞌ, li arpa, ut li salterio. Ut cuanqueb ajcuiꞌ jun ciento riqꞌuin junmay (120) laj tij li nequeꞌxya̱basi li trompeta.

2 Crónicas 35:14

Chirix chic aꞌan eb laj levita queꞌxyi̱b li tib reheb aꞌan ut reheb ajcuiꞌ laj tij, li ralal xcꞌajol laj Aarón, xban nak eb laj tij latzꞌeb ru chixcꞌatbal li mayej xul ut lix xe̱bul li xul toj retal qui-oc li kꞌojyi̱n. Joꞌcan nak eb laj levita queꞌyi̱ban re lix tzacae̱mkeb.

Esdras 2:41

Eb laj bichanel, li ralal xcꞌajol laj Asaf, aꞌan jun ciento riqꞌuin cuakxakib xcaꞌcꞌa̱l (128).