Esdras 2:68 - Li Santil hu

⁶⁸ Ut li junju̱nk chi cui̱nk li nequeꞌjolomin re li junju̱nk cabal, nak queꞌcuulac Jerusalén queꞌxkꞌaxtesi lix mayejeb re xyi̱banquil cuiꞌchic li templo saꞌ ajcuiꞌ lix naꞌaj li quicuan cuiꞌ junxil.

Q'eqchi Bible

⁶⁸ Sa' xyanqeb' li xjolomileb' junkab'al, wankeb' li ke'wulak sa' rochoch li Qaawa' aran Jerusalén ut ke'xyeechi'i xmayejeb' re li rochoch li Yos, re naq taakab'lamanq wi' chik tz'aqal sa' li xna'aj.

Esdras 2:68 ပူးပေါင်းရင်းမြစ်များ

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

2 Corintios 8:3

La̱in ninnau nak queꞌxqꞌue li joꞌ qꞌuial queꞌru xqꞌuebal ut toj queꞌxqꞌue cuiꞌchic xtzꞌakob chi anchaleb xchꞌo̱l.

Éxodo 36:3

Ut laj Moisés quixkꞌaxtesi reheb li mayej li queꞌxqꞌue laj Israel re teꞌxtiquib xyi̱banquil li cꞌaꞌak re ru ta̱cꞌanjelak re li tabernáculo. Ut rajlal cutan eb laj Israel queꞌxcꞌam lix mayejeb joꞌ qui-ala saꞌ xchꞌo̱leb xqꞌuebal.

Éxodo 35:29

Chixjunileb laj Israel joꞌ cui̱nk joꞌ ixk, joꞌ qui-ala saꞌ xchꞌo̱leb tenkꞌa̱nc, queꞌxqꞌue lix mayejeb chi anchal xchꞌo̱leb re nak ta̱uxma̱nk li quixye li Ka̱cuaꞌ re laj Moisés. Joꞌcan nak queꞌxqꞌue lix mayejeb re lix cꞌanjel li Ka̱cuaꞌ.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Esdras 3:3

Usta yo̱ xxiuheb xbaneb li jalaneb xtenamit li cuanqueb Jerusalén, queꞌxyi̱b li artal chi cha̱bil saꞌ lix naꞌaj ut queꞌxmayeja li cꞌatbil xul saꞌ xbe̱n li artal rajlal ekꞌela ut rajlal ecuu re xlokꞌoninquil li Ka̱cuaꞌ.

2 Crónicas 3:1

Laj Salomón quixtiquib xyi̱banquil lix templo li Ka̱cuaꞌ aran Jerusalén saꞌ li tzu̱l Moriah saꞌ li naꞌajej li quixcꞌutbesi cuiꞌ rib li Ka̱cuaꞌ chiru laj David lix yucuaꞌ. Li naꞌajej aꞌan, aꞌan li naꞌajej li quirisi cuiꞌ rix lix trigo laj Ornán aj jebuseo, li ac cauresinbil xban laj David re xyi̱banquil li templo.

1 Crónicas 22:1

Joꞌcan nak laj David quixye: —Arin ta̱yi̱ba̱k lix templo li Dios. Ut arin ajcuiꞌ ta̱cua̱nk li artal bar ta̱cꞌatma̱nk cuiꞌ lix mayejeb laj Israel, chan.

1 Crónicas 21:18

Ut lix ángel li Dios quixtakla laj Gad chixyebal re laj David nak tixyi̱b jun li artal re xlokꞌoninquil li Dios saꞌ li naꞌajej li narisi cuiꞌ rix lix trigo laj Ornán laj jebuseo.

Éxodo 25:2

—Ye reheb laj Israel nak teꞌxxoc junak li cha̱bil mayej chokꞌ cue. Teꞌxqꞌue li joꞌ qꞌuial li na-ala saꞌ xchꞌo̱leb xqꞌuebal ut teꞌxqꞌue chi anchaleb xchꞌo̱l.

Esdras 2:67

Ut eb lix camello ca̱hib ciento riqꞌuin oꞌlaju xcaꞌcꞌa̱l (435). Ut cuanqueb ajcuiꞌ cuakib mil riqꞌuin cuukub ciento riqꞌuin junmay (6,720) lix bu̱reb.

Esdras 2:69

Queꞌxqꞌue aꞌ yal joꞌ qꞌuial li queꞌru xqꞌuebal. Queꞌxqꞌue jun mil riqꞌuin laje̱b xcaꞌcꞌa̱l libras (1,030) li oro ut o̱b mil (5,000) libra li plata. Ut jun ciento li rakꞌeb laj tij queꞌxqꞌue.

Éxodo 35:21

Ut chixjunileb li qui-ala saꞌ xchꞌo̱leb, queꞌxqꞌue lix mayejeb re li Ka̱cuaꞌ chi anchaleb xchꞌo̱l re nak ta̱ru̱k teꞌxyi̱b li tabernáculo joꞌ ajcuiꞌ chixjunil li ta̱cꞌanjelak aran joꞌ ajcuiꞌ re xyi̱banquil li rakꞌeb laj tij.

Esdras 9:9

La̱o cuanco rubel xtakl lix reyeb laj Persia, abanan incꞌaꞌ xoa̱canab kajunes. Chiruheb li rey xacꞌut chiku lix nimal la̱ cuusilal ut xaqꞌue li kayuꞌam re nak ta̱ru̱k takayi̱b cuiꞌchic la̱ templo li quijuqꞌueꞌ. Ut la̱at xat-iloc ke arin Judá ut Jerusalén.