Esdras 2:58 - Li Santil hu

⁵⁸ Chixjunileb li nequeꞌcꞌanjelac saꞌ li templo ut eb li ralal xcꞌajol li nequeꞌcꞌanjelac chiru laj Salomón, aꞌan oxib ciento riqꞌuin cablaju roꞌcꞌa̱l (392).

Q'eqchi Bible

⁵⁸ Chixjunileb' laj k'anjel sa' rochoch li Yos ut eb' li ralal xk'ajoleb' laj k'anjel chiru laj Salomón, a'aneb' kab'laju ro'q'ob' (392) chi winq.

Esdras 2:58 ပူးပေါင်းရင်းမြစ်များ

1 Crónicas 9:2

Eb li xbe̱n li queꞌsukꞌi saꞌ lix naꞌajeb, aꞌaneb laj Israel, eb laj tij, eb laj levita, ut eb li queꞌcꞌanjelac saꞌ lix templo li Ka̱cuaꞌ.

1 Reyes 9:21

Eb li ralal xcꞌajoleb li queꞌcana chi cua̱nc saꞌ li tenamit Israel queꞌqꞌueheꞌ chi cꞌanjelac chi cau xban laj Salomón re xtojbal rix lix naꞌajeb. Eb aꞌan queꞌcana chi cua̱nc aran xban nak eb laj Israel incꞌaꞌ queꞌru chirisinquileb saꞌ lix naꞌajeb.

Josué 9:27

Abanan quixqꞌueheb chi cꞌanjelac joꞌ mo̱s. Queꞌyocꞌoc siꞌ ut queꞌbelan haꞌ re ta̱cꞌanjelak chiruheb laj Israel ut re ajcuiꞌ ta̱cꞌanjelak saꞌ lix artal li Ka̱cuaꞌ Dios saꞌ li naꞌajej li quisiqꞌueꞌ ru xban li Ka̱cuaꞌ. Ut toj chalen anakcuan aꞌan ajcuiꞌ li cꞌanjel li nequeꞌxba̱nu.

Josué 9:23

Xban nak xoe̱balakꞌi, anakcuan tenebanbil li raylal saꞌ e̱be̱n. La̱ex texcana̱k joꞌ mo̱s junelic. Junes yocꞌoc siꞌ te̱ba̱nu ut bela̱nc haꞌ nak ta̱ajma̱nk ru li haꞌ ut li siꞌ nak takalokꞌoni li Dios, chan laj Josué.

Josué 9:21

Incꞌaꞌ takacamsiheb. Abanan teꞌcana̱k chokꞌ aj sicꞌol siꞌ ut aj cꞌamol haꞌ chokꞌ ke la̱o aj Israel, chanqueb laj cꞌamol be saꞌ xya̱nkeb laj Israel. Joꞌcan queꞌxba̱nu re nak teꞌxba̱nu li cꞌaꞌru queꞌxyechiꞌi reheb.

Nehemías 7:60

Chixjunileb li queꞌcꞌanjelac saꞌ li templo rochbeneb li ralal xcꞌajol li queꞌcꞌanjelac chiru laj Salomón, aꞌan oxib ciento riqꞌuin cablaju roꞌcꞌa̱l (392).

Nehemías 3:26

Li tzꞌac li cuan chixcꞌatk li quixyi̱b laj Faros, aꞌan queꞌxyi̱b li nequeꞌcꞌanjelac saꞌ li templo li cuanqueb saꞌ li tzu̱l Ofel xcꞌabaꞌ. Li tzꞌac li queꞌxyi̱b quicuulac toj saꞌ xcaꞌyaba̱l li oqueba̱l bar nequeꞌnumeꞌ cuiꞌ li nequeꞌbelan haꞌ. Nacana saꞌ li este li na-el cuiꞌ li sakꞌe. Nachꞌ cuan riqꞌuin li torre li quicuan saꞌ xbe̱n li rochoch li rey.

Esdras 7:7

Ut nabaleb laj Israel queꞌco̱eb Jerusalén rochben nak ac yo̱ chic xcuuk chihab roquic chokꞌ rey laj Artajerjes. Saꞌ xya̱nkeb li queꞌsukꞌi cuanqueb laj tij, cuanqueb laj levita, cuanqueb laj bichanel, cuanqueb li nequeꞌcꞌacꞌalen saꞌ li oqueba̱l re li templo, ut cuanqueb ajcuiꞌ li nequeꞌcꞌanjelac saꞌ li templo.

Esdras 2:57

ut li ralal xcꞌajol laj Sefatías ut laj Hatil, ut laj Poqueret-hazebaim ut laj Amón.

Esdras 2:59

Aꞌaneb aꞌin li queꞌcuulac Tel-mela, Tel-harsa, Querub, Addán ut Imer. Abanan incꞌaꞌ chꞌolchꞌo ma xcomoneb li ralal xcꞌajol laj Israel malaj ut incꞌaꞌ.

1 Reyes 9:20

Cuanqueb li ma̱cuaꞌeb aj Israel li toj queꞌcana saꞌ eb li tenamit aꞌan. Aꞌaneb aꞌin li queꞌcana: eb laj amorreo, eb laj heteo, eb laj ferezeo, eb laj heveo, ut eb laj jebuseo.

Eclesiastés 2:7

Nabaleb inlokꞌbil mo̱s joꞌ cui̱nk joꞌ ixk, ut cuanqueb ajcuiꞌ inmo̱s queꞌyoꞌla saꞌ li cuochoch. Queꞌcuan nabal incuacax ut nabaleb lin carner. La̱in li nabal cꞌaꞌru cue chiruheb li rey li queꞌcuan Jerusalén xbe̱n cua chicuu la̱in.