Esdras 2:2 - Li Santil hu

² Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

Q'eqchi Bible

² Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

Esdras 2:2 ပူးပေါင်းရင်းမြစ်များ

Hageo 2:4

Anakcuan, cacuubresi a̱chꞌo̱l, at Zorobabel. Cacuubresi ajcuiꞌ a̱chꞌo̱l la̱at at Josué li xbe̱nil aj tij. Cacuubresihomak e̱chꞌo̱l che̱junilex li cuanquex arin ut chexcꞌanjelak ut la̱in cua̱nkin e̱riqꞌuin, chan li nimajcual Dios.

Hageo 1:14

Ut li Ka̱cuaꞌ quixqꞌue xcacuil xchꞌo̱l laj Zorobabel, li ralal laj Salatiel, li gobernador re Judá, joꞌ ajcuiꞌ laj Josué lix be̱nil aj tij, li ralal laj Josadac. Ut quixqꞌue ajcuiꞌ xcacuileb xchꞌo̱l li tenamit, ut queꞌoc chi cꞌanjelac re xyi̱banquil lix templo li nimajcual Dios.

Hageo 1:12

Li profeta Hageo quixye reheb chixjunil li quiyeheꞌ re xban li Dios. Nak queꞌrabi li cꞌaꞌru quixye, laj Zorobabel li ralal laj Salatiel ut laj Josué li xbe̱nil aj tij, li ralal laj Josadac, joꞌqueb ajcuiꞌ chixjunileb li tenamit, queꞌxxucua ru li Ka̱cuaꞌ lix Dioseb. Ut queꞌxba̱nu li quixye.

Nehemías 7:7

Aꞌaneb aꞌin lix cꞌabaꞌeb li queꞌcꞌamoc be chiruheb laj Israel li queꞌchal xbe̱n cua: laj Zorobabel, laj Jesúa, laj Nehemías, laj Azarías, laj Raamías, laj Nahamani, laj Mardoqueo, laj Bilsán, laj Misperet, laj Bigvai, laj Nehum, ut laj Baana. Ut aꞌan aꞌin lix qꞌuialeb li cui̱nk aj Israel li queꞌsukꞌi rochbeneb laj cꞌamol be:

Zacarías 3:3

Laj Josué tzꞌaj ru li rakꞌ li cuan chirix nak xakxo chiru lix ángel li Ka̱cuaꞌ.

Zacarías 3:1

Ut quixcꞌutbesi ajcuiꞌ chicuu jun chic li visión ut quicuil nak laj Josué li xbe̱nil laj tij xakxo chiru lix ángel li Ka̱cuaꞌ. Ut xakxo ajcuiꞌ laj tza saꞌ xnim ukꞌ li ángel re xjitbal laj Josué.

Hageo 2:21

—Tat-a̱tinak cuiꞌchic riqꞌuin laj Zorobabel li gobernador re Judá, ut ta̱ye re nak la̱in tincuecꞌasi saꞌ xnaꞌaj li choxa ut li ruchichꞌochꞌ.

Hageo 2:2

—Tat-a̱tinak riqꞌuineb laj Zorobabel li ralal laj Salatiel, ut laj Josué li ralal laj Josadac, joꞌqueb ajcuiꞌ li tenamit ut ta̱ye reheb chi joꞌcaꞌin,

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.

Esdras 5:2

Ut laj Zorobabel li ralal laj Salatiel rochben laj Jesúa li ralal laj Josadac, queꞌoc cuiꞌchic chixyi̱banquil lix templo li Ka̱cuaꞌ aran Jerusalén. Ut eb lix profeta li Ka̱cuaꞌ Dios cuanqueb rochbeneb ut yo̱queb chixtenkꞌanquileb.

Esdras 4:8

Laj Rehum li capitán ut laj Simsai laj tzꞌi̱b queꞌtzꞌi̱bac riqꞌuin li rey Artajerjes chixjitbaleb laj judío li cuanqueb Jerusalén.

Esdras 4:3

Queꞌchakꞌoc laj Zorobabel ut laj Jesúa joꞌqueb ajcuiꞌ li nequeꞌjolomin reheb li junju̱nk cabal ut queꞌxye: —Incꞌaꞌ ta̱ru̱k toe̱tenkꞌa chixyi̱banquil lix templo li kaDios. La̱o aj Israel takayi̱b kajunes lix templo li kaDios joꞌ quixye ke laj Ciro, lix reyeb laj Persia, chanqueb.

Esdras 1:11

Chixjunil li secꞌ li quikꞌaxtesi̱c re laj Sesbasar, aꞌan o̱b mil riqꞌuin ca̱hib ciento (5,400) li secꞌ oro ut li secꞌ plata. Ut queꞌxcꞌam li secꞌ nak queꞌel Babilonia li chapcho̱queb cuiꞌ ut queꞌsukꞌi cuiꞌchic Jerusalén.

Esdras 2:1

Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

Esdras 2:3

Li ralal xcꞌajol laj Paros, aꞌan cuib mil riqꞌuin jun ciento riqꞌuin cablaju xca̱cꞌa̱leb (2,172).

Esdras 3:2

Ut laj Jesúa, li ralal laj Josadac, ut eb laj tij, lix comoneb, ut laj Zorobabel ralal laj Salatiel rochbeneb lix comoneb queꞌoc chixyi̱banquil lix artal li Ka̱cuaꞌ lix Dioseb laj Israel re teꞌxmayeja cuiꞌ li xul joꞌ tzꞌi̱banbil saꞌ li chakꞌrab li quiqꞌueheꞌ re laj Moisés laj cꞌanjel chiru li Dios.

Esdras 1:8

Li rey Ciro quixye re laj Mitrídates laj xocol tumin nak ta̱rajlaheb li secꞌ. Nak ac xrajlaheb, quixkꞌaxtesiheb re laj Sesbasar li gobernador re Judá.

Esdras 8:1

Laj Esdras quixye: —Aꞌan aꞌin lix cꞌabaꞌeb li queꞌjolomin reheb li junju̱nk cabal ut li tzꞌi̱banbileb xcꞌabaꞌ. Aꞌaneb li queꞌel Babilonia cuochben la̱in saꞌ eb li cutan nak laj Artajerjes cuan chokꞌ rey.

Nehemías 10:15

laj Buni, laj Azgad, laj Bebai,

Nehemías 12:47

Saꞌ eb li cutan nak queꞌcuan laj Zorobabel ut laj Nehemías, chixjunileb laj Israel queꞌxqꞌue li cꞌaꞌru reheb laj bichanel joꞌqueb ajcuiꞌ li nequeꞌcꞌacꞌalen re li oqueba̱l re nak teꞌxnumsi li cutan junju̱nk. Ut queꞌxqꞌue ajcuiꞌ reheb laj levita li joꞌ qꞌuial xcꞌulubeb xcꞌulbal. Ut eb laj levita queꞌxqꞌue ajcuiꞌ reheb laj tij, li ralal xcꞌajol laj Aarón.