Esdras 10:9 - Li Santil hu

⁹ Joꞌcan nak chiru li oxib cutan chixjunileb li cui̱nk xcomoneb laj Judá ut laj Benjamín queꞌxchꞌutub ribeb aran Jerusalén saꞌ li junmay xbe li xbele po re li chihab aꞌan. Ut chixjunileb queꞌcꞌojla saꞌ li neba̱l re lix templo li Dios. Nequeꞌsicsot xbaneb xxiu riqꞌuin li ta̱cꞌulma̱nk ut xban ajcuiꞌ li cacuil hab li quichal saꞌ xbe̱neb.

Q'eqchi Bible

⁹ Jo'kan naq chixjunileb' laj Judá ut eb' laj Benjamín ke'ch'utlaak Jerusalén sa' xkutankil, sa' li junmay xb'e li xb'ele po. Chixjunileb' li tenamit ke'xch'utub' rib' chi xneb'aalil li rochoch li Yos: k'ajo' neke'siksotk xb'aan li na'leb' a'an jo'wi' xb'aan li kawil hab' kichalk sa' xb'eeneb'.

Esdras 10:9 ပူးပေါင်းရင်းမြစ်များ

Jeremías 10:13

Riqꞌuin li ra̱tin naxqꞌue chi cha̱lc chi cau li hab. Ut naxchꞌutub li haꞌ saꞌ xmaril li ruchichꞌochꞌ ut naxqꞌue chi takecꞌ li chok saꞌ choxa. Naxtakla li hab ut li rakꞌ ca̱k ut narisi li ikꞌ saꞌ li naꞌajej li xocxo cuiꞌ ut naxtakla saꞌ ruchichꞌochꞌ.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Ester 2:16

Saꞌ li xlaje po Tebet xcꞌabaꞌ re li xcuuk chihab roquic chokꞌ rey laj Asuero, nak quicꞌameꞌ lix Ester riqꞌuin li rey.

Esdras 9:4

Ut queꞌxchꞌutub ribeb cuiqꞌuin chixjunileb li queꞌoc xxiu nak lix Dioseb laj Israel tixqꞌue raylal saꞌ xbe̱neb xban lix ma̱queb li rech tenamitil. Ut la̱in cꞌajoꞌ xrahil inchꞌo̱l ut quincana aran toj quicuulac x-o̱ril li mayejac re li ecuu.

Esdras 10:3

Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

Esdras 10:8

Eb li cuanqueb saꞌ xcuanquil ut eb li nequeꞌcꞌamoc be saꞌ xya̱nkeb laj judío queꞌxcꞌu̱b ru nak li ani incꞌaꞌ ta̱cuulak chiru oxib cutan, ta̱isi̱k chiru chixjunil li cꞌaꞌru cuan re ut ta̱isi̱k ajcuiꞌ aꞌan saꞌ xya̱nkeb laj Israel li queꞌsukꞌi Jerusalén.

Esdras 10:10

Qui-oc chi a̱tinac laj Esdras laj tij ut quixye reheb: —La̱ex xexma̱cob xban nak xecꞌam chokꞌ e̱rixakil li ixk jalan xtenamiteb. Joꞌcan nak xnumta le̱ ma̱c la̱ex aj Israel.

Jeremías 36:22

Aꞌin quicꞌulman saꞌ xbele li po nak li rey chunchu chire xam saꞌ li rochoch li naxnumsi cuiꞌ li habalkꞌe.