Esdras 10:6 - Li Santil hu

⁶ Laj Esdras qui-el chiru lix templo li Dios ut co̱ saꞌ lix cuariba̱l laj Johanán li ralal laj Eliasib. Nak cuan aran incꞌaꞌ quicuaꞌac chi moco qui-ucꞌac xban nak cꞌajoꞌ xrahil xchꞌo̱l xban li ma̱usilal li queꞌxba̱nu laj Israel li queꞌsukꞌi cuiꞌchic Jerusalén.

Q'eqchi Bible

⁶ Chirix chik a'an laj Esdras ki'elk sa' rochoch li Yos ut koho sa' xmuheb'aal laj Johanán, ralal laj Eliasib, b'arwi' kixnumsi li q'oqyink chi ink'a' kiwa'ak ki'uk'ak, xb'aan naq q'axal ra sa' xch'ool chirix li maak ke'xb'aanu li ke'sutq'iik chaq.

Esdras 10:6 ပူးပေါင်းရင်းမြစ်များ

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

Nehemías 12:22

Saꞌ eb li cutan nak queꞌcuan laj Eliasib, laj Joiada, laj Johanán ut laj Jadúa toj chalen nak qui-oc laj Darío chokꞌ xreyeb laj Persia, queꞌtzꞌi̱ba̱c xcꞌabaꞌeb laj levita ut eb laj tij li queꞌjolomin reheb li junju̱nk cabal.

Nehemías 3:1

Laj Eliasib li xyucuaꞌil aj tij rochbeneb li jun chꞌol chic laj tij queꞌoc chi cꞌanjelac. Queꞌxyi̱b cuiꞌchic li oqueba̱l bar queꞌnumeꞌ cuiꞌ li carner. Queꞌxqꞌue li puerta ut queꞌxyi̱b li tzꞌac toj cuan cuiꞌ li torre Hamea xcꞌabaꞌ ut toj cuan cuiꞌ li torre Hananeel xcꞌabaꞌ.

Daniel 9:3

Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Li xHu LAJ JOB 23:12

La̱in incꞌaꞌ xincanab xba̱nunquil li naxye saꞌ lix chakꞌrab. Junelic ban xinba̱nu li kataklanquil xban.

Nehemías 13:28

Laj Joiada, aꞌan li ralal laj Eliasib li xbe̱nil aj tij. Jun li ralal laj Joiada quixcꞌam chokꞌ rixakil lix rabin laj Sanbalat laj horonita. Joꞌcan nak quicuisi aꞌan saꞌ li tenamit Jerusalén.

Nehemías 13:5

Ut laj Eliasib quixqꞌue ajcuiꞌ chokꞌ xnaꞌaj laj Tobías li nimla cuarto li cuan saꞌ li templo li nequeꞌxxoc cuiꞌ li mayej, li incienso, li secꞌ, li trigo li junju̱nk saꞌ xlaje̱tkil, joꞌ ajcuiꞌ li vino ut li aceite, li tento xqꞌuebal reheb laj levita, reheb laj bichanel, ut reheb li nequeꞌcꞌacꞌalen re li oqueba̱l. Ut nequeꞌxxoc ajcuiꞌ saꞌ li cuarto aꞌan li mayej li tento xqꞌuebal reheb laj tij.

Nehemías 12:10

Laj Jesúa aꞌan lix yucuaꞌ laj Joacim. Ut laj Joacim, aꞌan lix yucuaꞌ laj Eliasib. Ut laj Eliasib, aꞌan lix yucuaꞌ laj Joiada.

Nehemías 3:20

Li tzꞌac li cuan chixcꞌatk li quixyi̱b laj Ezer, aꞌan quixyi̱b laj Baruc li ralal laj Zabai. Laj Baruc cau quicꞌanjelac. Li tzꞌac li quixyi̱b quiticla saꞌ xuc ut quicuulac toj saꞌ li oqueba̱l re li rochoch laj Eliasib li xyucuaꞌil aj tij.

Esdras 10:1

Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

Esdras 9:4

Ut queꞌxchꞌutub ribeb cuiqꞌuin chixjunileb li queꞌoc xxiu nak lix Dioseb laj Israel tixqꞌue raylal saꞌ xbe̱neb xban lix ma̱queb li rech tenamitil. Ut la̱in cꞌajoꞌ xrahil inchꞌo̱l ut quincana aran toj quicuulac x-o̱ril li mayejac re li ecuu.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

Esdras 10:7

Quixtakla xchꞌutubanquileb aran Jerusalén chixjunileb li cuanqueb Judá joꞌqueb ajcuiꞌ li cuanqueb Jerusalén.

Salmos 102:4

Ra li cua̱m ut yo̱ chi yotꞌecꞌ inchꞌo̱l. Chanchanin li pim li ac xchakic. Incꞌaꞌ chic nacuaj cuaꞌac.