Esdras 10:3 - Li Santil hu

³ Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

Q'eqchi Bible

³ Qab'aanuuq jun li sumwank rik'in li qaYos: qaye li qaatin naq te'qachaq'rab'i chixjunileb' li ixq aj ab'l tenamit rochb'eeneb' li xkok'al, jo' chanru xaye laa'at, wa'chin, jo'keb' ajwi' chixjunileb' li neke'roxloq'i li xchaq'rab' li qaYos. Chi'uxmanq jo' naxye li Chaq'rab'.

Esdras 10:3 ပူးပေါင်းရင်းမြစ်များ

Esdras 9:4

Ut queꞌxchꞌutub ribeb cuiqꞌuin chixjunileb li queꞌoc xxiu nak lix Dioseb laj Israel tixqꞌue raylal saꞌ xbe̱neb xban lix ma̱queb li rech tenamitil. Ut la̱in cꞌajoꞌ xrahil inchꞌo̱l ut quincana aran toj quicuulac x-o̱ril li mayejac re li ecuu.

Salmos 119:120

Cꞌajoꞌ nak ninxucuac nak nincꞌoxla chanru nak tatrakok a̱tin saꞌ xbe̱neb li incꞌaꞌ useb xnaꞌleb.

Salmos 119:59

Xinqꞌue retal nak incꞌaꞌ us xinba̱nu. Joꞌcan nak xin-oc xba̱nunquil li cꞌaꞌru naxye saꞌ la̱ chakꞌrab.

Nehemías 9:38

Ut riqꞌuin chixjunil aꞌin at Ka̱cuaꞌ, at kaDios, anakcuan takaba̱nu jun li contrato a̱cuiqꞌuin ut takaxakab xcuanquil li ka̱tin cha̱cuu. Takatzꞌi̱ba retalil ut teꞌxtzꞌi̱ba xcꞌabaꞌeb chiru li hu li tzꞌi̱banbil cuiꞌ li contrato eb li nequeꞌcꞌamoc be saꞌ kaya̱nk, ut eb laj levita joꞌqueb ajcuiꞌ laj tij, chan saꞌ lix tij.

2 Crónicas 34:21

Quixye reheb: —Ayukex. Patzꞌomak chak re li Dios cꞌaꞌru tinba̱nu la̱in ut cꞌaꞌru teꞌxba̱nu li joꞌ qꞌuial chic queꞌcana Israel ut Judá riqꞌuin li cꞌaꞌru tzꞌi̱banbil saꞌ li hu aꞌin, li xeꞌxtau saꞌ li templo. Cꞌajoꞌ xjoskꞌil li Dios saꞌ kabe̱n xban nak eb li kaxeꞌto̱nil yucuaꞌ queꞌxkꞌet li ra̱tin li Dios ut incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey reheb.

Deuteronomio 29:12

Cuanquex arin anakcuan re nak te̱ba̱nu li contrato riqꞌuin li Ka̱cuaꞌ le̱ Dios. Riqꞌuin juramento tixba̱nu li contrato li Ka̱cuaꞌ,

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Nehemías 8:14

Ut queꞌxtau retalil tzꞌi̱banbil saꞌ li chakꞌrab li quiqꞌueheꞌ re laj Moisés xban li Ka̱cuaꞌ nak eb laj Israel teꞌxyi̱b lix cocꞌ muheba̱leb re teꞌcua̱nk cuiꞌ nak teꞌninkꞌei̱k saꞌ xcuuk li po.

Esdras 10:44

Chixjunileb aꞌan queꞌxcꞌam rixakileb jalaneb xtenamit. Abanan queꞌxcanab li rixakileb rochbeneb lix cocꞌal.

2 Crónicas 34:27

xyotꞌeꞌ a̱chꞌo̱l ut xacubsi a̱cuib chiru li Ka̱cuaꞌ. Xapej la̱ cuakꞌ ut xatya̱bac nak xacuabi li raylal li tixcꞌul li tenamit aꞌin ut eb li cristian li cuanqueb arin. Xban nak xaba̱nu chi joꞌcan, la̱in li Ka̱cuaꞌ xcuabi li cꞌaꞌru xaye.

2 Crónicas 30:12

Ut li Ka̱cuaꞌ quitenkꞌan reheb li cuanqueb Judá re nak junaj lix chꞌo̱leb chixba̱nunquil li cꞌaꞌru queꞌxye li rey ut eb li nequeꞌtenkꞌan re joꞌ quixye li ra̱tin li Ka̱cuaꞌ.

2 Crónicas 29:10

Joꞌcan nak anakcuan xinye nak tinba̱nu junak li contrato riqꞌuin li Ka̱cuaꞌ lix Dioseb laj Israel re nak ta̱e̱lk xjoskꞌil saꞌ kabe̱n.

2 Reyes 11:17

Laj Joiada quixba̱nu li contrato riqꞌuin li Ka̱cuaꞌ ut riqꞌuin li rey, joꞌ eb ajcuiꞌ li tenamit. Joꞌcan ajcuiꞌ li rey quixba̱nu li contrato riqꞌuineb li tenamit ut queꞌxye nak aꞌanakeb chic lix tenamit li Dios.

Josué 9:6

Queꞌcuulac Gilgal saꞌ li naꞌajej li yo̱queb cuiꞌ chi hila̱nc laj Israel. Ut queꞌxye re laj Josué: —La̱o xochal saꞌ najtil tenamit ut takaj nak ta̱ba̱nu junak contrato kiqꞌuin, chanqueb.

Esdras 10:9

Joꞌcan nak chiru li oxib cutan chixjunileb li cui̱nk xcomoneb laj Judá ut laj Benjamín queꞌxchꞌutub ribeb aran Jerusalén saꞌ li junmay xbe li xbele po re li chihab aꞌan. Ut chixjunileb queꞌcꞌojla saꞌ li neba̱l re lix templo li Dios. Nequeꞌsicsot xbaneb xxiu riqꞌuin li ta̱cꞌulma̱nk ut xban ajcuiꞌ li cacuil hab li quichal saꞌ xbe̱neb.

Esdras 10:11

Anakcuan ut qꞌuehomak xlokꞌal li Ka̱cuaꞌ lix Dioseb le̱ naꞌ e̱yucuaꞌ. Cheba̱nu joꞌ naraj li Ka̱cuaꞌ. Isihomak e̱rib saꞌ xya̱nkeb li jalaneb xtenamit ut jachomak e̱rib riqꞌuineb li ixk aꞌan, chan.

Nehemías 10:1

Aꞌaneb aꞌin li queꞌxqꞌue xcꞌabaꞌ saꞌ li contrato li kayi̱b: La̱in laj Nehemías li gobernador. La̱in li ralal laj Hacalías. Ut eb laj tij li queꞌxqꞌue xcꞌabaꞌ, aꞌaneb aꞌin: laj Sedequías,