Esdras 10:2 - Li Santil hu

² Ut laj Secanías li ralal laj Jehiel xcomoneb laj Elam quia̱tinac ut quixye re laj Esdras: —La̱o xoma̱cob chiru li kaDios xban nak xosumla riqꞌuineb li ixk li jalan xtenamiteb. Abanan toj naru teꞌcolekꞌ laj Israel.

Q'eqchi Bible

² Ut laj Sekanías, ralal laj Jehiel, xkomoneb' laj Elam, kixye re laj Esdras: “Xqaq'etq'eti qib' chiru li qaYos naq xoosumlaje'k rik'ineb' li ixq jalan xtenamiteb', xe'qak'am sa' xyanqeb' li wankeb' arin sa' li qana'aj. Ab'anan toj wank royb'enihom laj Israel.

Esdras 10:2 ပူးပေါင်းရင်းမြစ်များ

Nehemías 13:27

Joꞌcan nak ¿ma yal takacuy ta biꞌ nak yo̱kex chi ma̱cobc chiru li Dios riqꞌuin xsicꞌbal le̱ rixakil saꞌ xya̱nkeb li jalaneb xtenamit? chanquin reheb.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Éxodo 34:12

Cheba̱nu cue̱nt ut me̱ba̱nu junak contrato riqꞌuineb li tenamit li cuanqueb saꞌ li naꞌajej li xic cuiꞌ e̱re. Naru nequeqꞌue e̱rib chi a̱le̱c xbaneb.

Santiago 2:9

Cui la̱ex nequesicꞌ ru li ani nequera, ma̱c yo̱quex chixba̱nunquil. Ut yo̱quex chixkꞌetbal li chakꞌrab.

Nehemías 3:29

Li tzꞌac li cuan chixcꞌatk li queꞌxyi̱b laj tij, aꞌan quixyi̱b laj Sadoc, li ralal laj Imer. Li tzꞌac li quixyi̱b cuan saꞌ xcaꞌyaba̱l li rochoch. Li tzꞌac li cuan chixcꞌatk li quixyi̱b laj Sadoc, aꞌan quixyi̱b laj Semaías li ralal laj Secanías. Laj Semaías, aꞌan li quicꞌacꞌalen re li oqueba̱l li cuan saꞌ li este li na-el cuiꞌ li sakꞌe.

Esdras 10:26

Xcomoneb li ralal xcꞌajol laj Elam, aꞌaneb aꞌin: laj Matanías, laj Zacarías, laj Jehiel, laj Abdi, laj Jeremot ut laj Elías.

Nehemías 7:34

Eb li ralal xcꞌajol laj Elam jun chic, aꞌan jun mil riqꞌuin cuib ciento riqꞌuin ca̱laju roxcꞌa̱l (1,254).

Nehemías 7:12

Eb li ralal xcꞌajol laj Elam, aꞌan jun mil riqꞌuin cuib ciento riqꞌuin ca̱laju roxcꞌa̱l (1,254).

Esdras 2:31

Li ralal xcꞌajol laj Elam jun chic, aꞌan jun mil riqꞌuin cuib ciento riqꞌuin ca̱laju roxcꞌa̱l (1,254).

Esdras 2:7

Li ralal xcꞌajol laj Elam, aꞌan jun mil riqꞌuin cuib ciento riqꞌuin ca̱laju roxcꞌa̱l. (1,254)

Esdras 8:7

Laj Jesaías li ralal laj Atalías xcomoneb li ralal xcꞌajol laj Elam, aꞌan cuanqueb laje̱b xca̱cꞌa̱l (70).

Esdras 9:1

Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.