Esdras 10:14 - Li Santil hu

¹⁴ Naru teꞌcana̱k li nequeꞌtaklan saꞌ kabe̱n chi a̱tinac chikix la̱o li joꞌ qꞌuialo cuanco arin. Ut li ani queꞌxcꞌam chokꞌ rixakileb li ixk li jalan xtenamiteb naru nequeꞌchal jokꞌe teꞌyehekꞌ reheb nak teꞌcha̱lk. Teꞌcha̱lk li cuanqueb saꞌ li junju̱nk chi tenamit rochbeneb laj rakol a̱tin ut eb li nequeꞌtaklan saꞌ xbe̱neb. Takaba̱nu chi joꞌcaꞌin re nak ta̱e̱lk xjoskꞌil li Dios saꞌ kabe̱n, chanqueb.

Q'eqchi Bible

¹⁴ Us raj naq te'kanaaq arin eb' laj k'amol qab'e sa' xk'ab'a' chixjunileb' li ch'utch'uukeb'; ut jo'k'ihaleb' li wankeb' sa'atqeb' li qatenamit ut sumsuukeb' rik'in jun li ixq aj ab'l tenamit, chalqeb' moqon, sa' li kutan xaqxo re li junjunq, rochb'eenaqeb' laj raqol aatin ut li xjolomileb' li junjunq chi tenamit, toj reetal taa'elq li xnimal xjosq'il li qaYos xb'aan li na'leb' a'in”.

Esdras 10:14 ပူးပေါင်းရင်းမြစ်များ

2 Crónicas 30:8

Me̱cacuubresi le̱ chꞌo̱l chiru li Ka̱cuaꞌ joꞌ queꞌxba̱nu le̱ xeꞌto̱nil yucuaꞌ. Cubsihomak ban e̱rib chiru li Ka̱cuaꞌ. Quimkex saꞌ lix templo li quixsantobresi chi junelic. Chelokꞌoni li Ka̱cuaꞌ re nak ta̱e̱lk lix joskꞌil saꞌ e̱be̱n.

2 Crónicas 29:10

Joꞌcan nak anakcuan xinye nak tinba̱nu junak li contrato riqꞌuin li Ka̱cuaꞌ lix Dioseb laj Israel re nak ta̱e̱lk xjoskꞌil saꞌ kabe̱n.

Números 25:4

Ut li Ka̱cuaꞌ quixye re laj Moisés: —Ta̱chꞌutubeb chixjunileb li cui̱nk li nequeꞌcꞌamoc be saꞌ xya̱nkeb laj Israel. Ut ta̱yatzꞌeb chiruheb chixjunileb li tenamit re nak ta̱e̱lk lin joskꞌil saꞌ xbe̱neb laj Israel, chan li Dios.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Salmos 78:38

Abanan junelic quixtokꞌoba ruheb. Quixcuy xma̱queb. Nabal sut quijoskꞌoꞌ saꞌ xbe̱neb; abanan quixcuy rib. Joꞌcan nak incꞌaꞌ quixsach ruheb xban xjoskꞌil.

Josué 7:26

Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Deuteronomio 17:9

Texxic riqꞌuineb laj tij xcomoneb li ralal xcꞌajol laj Leví ut texxic riqꞌuin laj rakol a̱tin. Eb aꞌan teꞌxtzꞌil rix le̱ chꞌaꞌajquilal ut teꞌxye e̱re cꞌaꞌru te̱ba̱nu.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

2 Reyes 23:26

Abanan li Ka̱cuaꞌ toj yo̱ ajcuiꞌ xjoskꞌil saꞌ xbe̱neb laj Judá xban li ma̱usilal li quixba̱nu laj Manasés nak quixchikꞌ xjoskꞌil li Dios.

2 Crónicas 28:11

Joꞌcan nak anakcuan abihomak li cꞌaꞌru tinye e̱re. Canabomakeb chi sukꞌi̱c eb laj Judá le̱ rech tenamitil li xecꞌameb chak chi pre̱xil xban nak yo̱ xjoskꞌil li Ka̱cuaꞌ saꞌ e̱be̱n, chan.

Esdras 10:13

Abanan kꞌaxal nabal li tenamit ut cau li hab. Incꞌaꞌ naru cua̱nko chirix cab chiru li hab chi moco ta̱ru̱k takacꞌu̱b ru chiru jun malaj cuib cutan xban nak nabalo li xoma̱cob riqꞌuin xba̱nunquil li ma̱c aꞌan.

Esdras 10:15

Laj Jonatán li ralal laj Asael ut laj Jahazías li ralal laj Ticva, ut cuib reheb laj levita, laj Mesulam ut laj Sabetai, incꞌaꞌ queꞌxcꞌul xchꞌo̱leb li cꞌaꞌru queꞌxye li jun chꞌol chic. Caꞌaj cuiꞌ eb aꞌan li incꞌaꞌ queꞌxcꞌul xchꞌo̱leb.