Esdras 10:11 - Li Santil hu

¹¹ Anakcuan ut qꞌuehomak xlokꞌal li Ka̱cuaꞌ lix Dioseb le̱ naꞌ e̱yucuaꞌ. Cheba̱nu joꞌ naraj li Ka̱cuaꞌ. Isihomak e̱rib saꞌ xya̱nkeb li jalaneb xtenamit ut jachomak e̱rib riqꞌuineb li ixk aꞌan, chan.

Q'eqchi Bible

¹¹ Chexooto leemaak anaqwan chiru li Qaawa', xYos leena' leeyuwa', paab'omaq li rajom ut jek'ihomaq eerib' rik'ineb' li maak'a'eb' xpaab'aal jo'wi' rik'ineb' li ixq aj ab'l tenamit”, chan.

Esdras 10:11 ပူးပေါင်းရင်းမြစ်များ

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Esdras 10:3

Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Jeremías 3:13

Caꞌaj cuiꞌ te̱qꞌue retal nak xexma̱cob chicuu la̱in li Ka̱cuaꞌ le̱ Dios ut te̱patzꞌ e̱cuybal. Xekꞌet li cua̱tin. Xelokꞌoniheb li jalanil dios rubeleb li ni̱nki cheꞌ. Ut incꞌaꞌ xeba̱nu li cꞌaꞌru xinye e̱re, chan li Dios.

Isaías 56:4

Aꞌan aꞌin li naxye li Ka̱cuaꞌ: —Cui eb li eunuco teꞌx-oxlokꞌi li hiloba̱l cutan, ut cui teꞌxba̱nu li cꞌaꞌru nacuaj ut incꞌaꞌ teꞌxkꞌet lin contrato,

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Nehemías 13:3

Caꞌaj cuiꞌ queꞌrabi li cꞌaꞌru quixye saꞌ li chakꞌrab, queꞌoc risinquil saꞌ xya̱nkeb li jalaneb xtenamit.

Esdras 9:1

Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

Hebreos 13:21

Chicua̱nk taxak li rusilal li Dios e̱riqꞌuin re nak te̱ba̱nu li cꞌaꞌru naraj. Chixba̱nuhak taxak li Dios li cꞌaꞌru naraj e̱riqꞌuin saꞌ xcꞌabaꞌ li Jesucristo. Lokꞌoninbil taxak li Jesucristo chi junelic kꞌe cutan. Joꞌcan taxak.

San Juan 9:24

Eb laj fariseo queꞌxbok cuiꞌchic xcaꞌ sut li cui̱nk, li mutzꞌ nak quicuan, ut queꞌxye re: —Saꞌ xcꞌabaꞌ li Dios ta̱ye ke lix ya̱lal. La̱o nakanau nak li cui̱nk aꞌan aj ma̱c, chanqueb re.

2 Crónicas 30:22

Li rey Ezequías quixqꞌue xcacuilal xchꞌo̱leb laj levita li queꞌxba̱nu chi us lix cꞌanjel chiru li Ka̱cuaꞌ. Cuukub cutan queꞌtzacan saꞌ li ninkꞌe ut queꞌxqꞌue xmayejeb re xcꞌambaleb rib saꞌ usilal chiru li Ka̱cuaꞌ. Ut queꞌxlokꞌoni li Ka̱cuaꞌ lix Dioseb lix xeꞌto̱nil yucuaꞌ.

Esdras 10:10

Qui-oc chi a̱tinac laj Esdras laj tij ut quixye reheb: —La̱ex xexma̱cob xban nak xecꞌam chokꞌ e̱rixakil li ixk jalan xtenamiteb. Joꞌcan nak xnumta le̱ ma̱c la̱ex aj Israel.

Esdras 10:12

Queꞌchakꞌoc chixjunileb li chꞌutchꞌu̱queb aran ut queꞌxye chi cau xya̱b xcuxeb: —Takaba̱nu joꞌ xaye la̱at.

Nehemías 9:2

Queꞌrisi ribeb saꞌ xya̱nkeb li ma̱cuaꞌeb aj Israel. Queꞌxxakab ribeb ut queꞌxye: —Xoma̱cob la̱o ut queꞌma̱cob ajcuiꞌ chak li kaxeꞌto̱nil yucuaꞌ, chanqueb.

Jeremías 7:3

Joꞌcaꞌin xye e̱re li nimajcual Dios, lix Dioseb laj Israel: “Jalomak le̱ cꞌaꞌux ut jalomak le̱ naꞌleb re nak naru texincanab chi cua̱nc saꞌ li naꞌajej aꞌin.

Ezequiel 18:30

Ex aj Israel, la̱in tinrakok a̱tin saꞌ e̱be̱n che̱junju̱nkalex, aꞌ yal chanru le̱ yehom e̱ba̱nuhom. Jalomak e̱cꞌaꞌux ut canabomak xba̱nunquil li ma̱usilal li yo̱quex chixba̱nunquil. Me̱qꞌue e̱rib chi sachc xban le̱ ma̱c.