Efesios 6:9 - Li Santil hu

⁹ Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

Q'eqchi Bible

⁹ Ex aj eechal k'anjel, jo'kan ajwi' cheb'aanu reheb' leemoos, ut kanab'omaq xxib'enkileb'. Wanq sa' eech'ool naq laa'ex jo' ajwi' eb' a'an wankex rub'el xwankil li Qaawa' li wank sa' choxa, ut A'an juntaq'eet narileb' chixjunil.

Efesios 6:9 ပူးပေါင်းရင်းမြစ်များ

Colosenses 3:25

Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.

Hechos 10:34

Quixtiquib a̱tinac laj Pedro ut quixye: —Anakcuan xinqꞌue retal chi tzꞌakal nak li Dios incꞌaꞌ naxsicꞌ ru li ani naxra.

Romanos 2:11

Li Dios incꞌaꞌ naxsicꞌ ru li junju̱nk. Junajo ban chiru.

San Lucas 6:31

Cui la̱ex te̱raj nak cha̱bilakeb le̱ ras e̱ri̱tzꞌin e̱riqꞌuin, cha̱bilakex ajcuiꞌ la̱ex riqꞌuineb aꞌan.

San Mateo 7:12

Joꞌcan nak li cꞌaꞌru nequeraj la̱ex nak teꞌxba̱nu raj le̱ ras e̱ri̱tzꞌin, cheba̱nuhak la̱ex reheb aꞌan, xban nak aꞌan aꞌin xya̱lal li chakꞌrab li quiqꞌueheꞌ re laj Moisés, ut aꞌan ajcuiꞌ lix ya̱lal lix yehomeb li profeta.

Deuteronomio 10:17

Xban nak li Ka̱cuaꞌ le̱ Dios, aꞌan li nimajcual Dios. Ma̱cꞌaꞌ chic junak Dios chiru aꞌan. Kꞌaxal nim xcuanquil saꞌ xbe̱neb chixjunileb li cuanqueb xcuanquil ut xucuajel ru. Aꞌan incꞌaꞌ naxsicꞌ ru li ani tixra ut ma̱ ani naru ta̱tumina̱nk ru.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Santiago 2:8

Tzꞌi̱banbil saꞌ li Santil Hu li chakꞌrab li kꞌaxal nim xcuanquil. Aꞌan naxye: Chara la̱ cuas a̱cui̱tzꞌin joꞌ nak nacara a̱cuib la̱at. Cui joꞌcan nequeba̱nu tzꞌakal re ru yo̱quex chixba̱nunquil.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

San Juan 13:13

—La̱ex nequeye aj tzolonel cue ut nequeye ajcuiꞌ Ka̱cuaꞌ cue. Us nak nequeye chi joꞌcan xban nak ya̱l ajcuiꞌ nak la̱in li Ka̱cuaꞌ ut la̱in aj tzolol e̱re.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

1 Corintios 7:22

Li ani cuan rubel xcuanquil lix patrón nak quisiqꞌueꞌ ru xban li Ka̱cuaꞌ, li jun aꞌan libre chic cuan chiru li Dios. Ut li jun li incꞌaꞌ cuan rubel xcuanquil lix patrón nak quisiqꞌueꞌ ru, lokꞌbil chic xban li Cristo chi cꞌanjelac chiru.

San Mateo 24:51

Ut ta̱cꞌajtesi̱k ru ut ta̱qꞌuehekꞌ saꞌ xya̱nkeb laj caꞌ pacꞌal u. Ut aran ta̱cua̱nk li ya̱bac ut li cꞌuxuxi̱nc ruch e.

San Mateo 24:48

Aban cui laj cꞌanjel aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chak chi cꞌulu̱nc.”

San Mateo 22:10

Ut co̱eb lix mo̱s saꞌ eb li be ut queꞌxcꞌameb saꞌ li ninkꞌe li joꞌ qꞌuial queꞌxtau, jun chaliqueb li cha̱bil xnaꞌleb joꞌ ajcuiꞌ li incꞌaꞌ useb xnaꞌleb. Ut quinujac li cab xbaneb li ulaꞌ.

San Mateo 22:8

Tojoꞌnak quixye reheb lix mo̱s: “Ya̱l nak li sumla̱c ac cauresinbil. Abanan li bokbileb ma̱cuaꞌ ajcuiꞌ xcꞌulubeb cha̱lc saꞌ li sumla̱c.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Daniel 3:6

Ut li ani incꞌaꞌ tixcuikꞌib rib chixlokꞌoninquil li jalam u̱ch, li jun aꞌan ta̱chapekꞌ ut saꞌ ajcuiꞌ li ho̱nal aꞌan ta̱cutekꞌ saꞌ li horno li kꞌaxal tik xxamlel, chan.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Salmos 140:12

La̱in ninnau nak li nimajcual Dios incꞌaꞌ naxcanab yal chi joꞌcan li raylal li nequeꞌxcꞌul li rahobtesinbileb. Naxcoleb ban li teꞌraj tenkꞌa̱c.

Nehemías 5:5

—La̱o kacomon kib riqꞌuineb li biom. Ut li kalal kacꞌajol juntakꞌe̱teb ajcuiꞌ riqꞌuineb li ralal xcꞌajol eb aꞌan. Moco jalaneb ta chic aꞌan chiku la̱o. Abanan la̱o tento nak takacꞌayiheb li kalal kacꞌajol chokꞌ xmo̱seb aꞌan. Cuanqueb karabin ac xkacꞌayiheb chokꞌ xmo̱seb aꞌan ut incꞌaꞌ chic naru nakisiheb riqꞌuineb xban nak ma̱cꞌaꞌ chic cuan ke. Li kachꞌochꞌ ut li kacui̱mk jalan chic aj e, chanqueb.

1 Samuel 15:17

Quixye laj Samuel: —Usta la̱at xaye nak ma̱cꞌaꞌ a̱cuanquil, abanan la̱at xatqꞌueheꞌ chi takla̱nc saꞌ xbe̱neb laj Israel. Li Ka̱cuaꞌ quisicꞌoc a̱cuu re nak tat-oc chokꞌ xreyeb laj Israel.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

Colosenses 4:1

Ex patrón, chexcua̱nk saꞌ usilal riqꞌuineb laj cꞌanjel che̱ru ut saꞌ xya̱lal chetaklaheb xban nak la̱ex nequenau nak cuan e̱patrón saꞌ choxa.