Efesios 6:8 - Li Santil hu

⁸ La̱ex nequenau nak cui cha̱bil te̱ba̱nu che̱junju̱nkal aꞌan ajcuiꞌ li re̱kaj te̱cꞌul riqꞌuin li Ka̱cuaꞌ usta cuan e̱patrón usta ma̱cꞌaꞌ.

Q'eqchi Bible

⁸ nekenaw chi us naq li junjunq, us ta wank laj eechal re us ta maak'a', toxk'ul xq'ajkamunkil xb'aan li Qaawa' wi chaab'il k'anjel xb'aanu.

Efesios 6:8 ပူးပေါင်းရင်းမြစ်များ

Colosenses 3:24

Joꞌcan cheba̱nu xban nak la̱ex ac nequenau nak li Ka̱cuaꞌ Dios ta̱qꞌuehok le̱ kꞌajca̱munquil li yechiꞌinbil e̱re xban nak li Ka̱cuaꞌ Jesucristo, aꞌan li tzꞌakal patrón saꞌ e̱be̱n ut yo̱quex chi cꞌanjelac chiru.

San Lucas 14:14

xban nak eb aꞌan incꞌaꞌ ta̱ru̱k teꞌxqꞌue re̱kaj a̱cue. Abanan li Dios tatrosobtesi ut tixqꞌue re̱kaj a̱cue nak teꞌcuacli̱k cuiꞌchic chi yoꞌyo li ti̱queb xchꞌo̱l, chan li Jesús re.

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 6:4

Chaba̱nu ban chi mukmu ut la̱ yucuaꞌ li naxnau chixjunil li cꞌaꞌak re ru nacaba̱nu, aꞌan li ta̱kꞌajca̱mu̱nk a̱cue.

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

Hebreos 10:35

Joꞌcan nak cauhak taxak e̱chꞌo̱l saꞌ le̱ pa̱ba̱l ut riqꞌuin aꞌan cuan e̱kꞌajca̱munquil.

Proverbios 23:18

Cui te̱ba̱nu aꞌan, us tex-e̱lk riqꞌuin li cꞌaꞌru te̱ba̱nu ut te̱cꞌul li cꞌaꞌru yo̱quex chiroybeninquil.

Hebreos 11:26

Naxnau nak kꞌaxal lokꞌ nak tixcꞌul li raylal saꞌ xcꞌabaꞌ li Cristo chiru xcꞌulbal lix biomal li tenamit Egipto. Ut yo̱ chiroybeninquil lix kꞌajca̱munquil li ta̱qꞌuehekꞌ re xban li Dios.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

San Mateo 6:1

Cheqꞌuehak retal cꞌaꞌru nequeba̱nu. Cui la̱ex te̱ba̱nu li usilal yal re nak tex-ilekꞌ joꞌ nequeꞌxba̱nu eb laj fariseo, ma̱cꞌaꞌak le̱ kꞌajca̱munquil riqꞌuin le̱ Yucuaꞌ cuan saꞌ choxa.

San Mateo 5:12

Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

Colosenses 3:25

Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.

San Mateo 20:7

Queꞌchakꞌoc li cui̱nk ut queꞌxye re: —Xban nak ma̱ ani naqꞌuehoc kacꞌanjel.— Ut li patrón quixye reheb: —¿Ma incꞌaꞌ xeraj cꞌanjelac la̱ex saꞌ li cuacui̱mk? chan reheb.