Efesios 6:3 - Li Santil hu

³ Ut li yechiꞌinbil ke, aꞌan aꞌin: Cui neque-oxlokꞌi le̱ naꞌ e̱yucuaꞌ, kꞌaxal us tex-e̱lk ut ta̱najtokꞌ ru le̱ yuꞌam li tixqꞌue li Dios arin saꞌ ruchichꞌochꞌ.

Q'eqchi Bible

³ re naq sa tatwanq ut taanajto'q roq laayu'am sa' ruuchich'och'”.

Efesios 6:3 ပူးပေါင်းရင်းမြစ်များ

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 12:28

Cheba̱nu chi anchal e̱chꞌo̱l chixjunil li yo̱quin chixyebal e̱re re nak us tex-e̱lk joꞌ eb ajcuiꞌ le̱ ralal e̱cꞌajol li teꞌcua̱nk mokon. Us tex-e̱lk xban nak yo̱kex chixba̱nunquil li us ut li ti̱c chiru li Ka̱cuaꞌ le̱ Dios.

Deuteronomio 12:25

Me̱tzaca li quicꞌ re nak us tex-e̱lk riqꞌuin li cꞌaꞌru te̱ba̱nu. Ut re ajcuiꞌ nak us teꞌe̱lk le̱ ralal e̱cꞌajol li teꞌcua̱nk mokon xban nak yo̱kex chixba̱nunquil li ti̱quilal chiru li Ka̱cuaꞌ.

Deuteronomio 6:3

La̱ex aj Israel, abihomak li yo̱quin chixyebal. Qꞌuehomak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak us tex-e̱lk ut re nak texnabalokꞌ nak cua̱nkex saꞌ li cha̱bil naꞌajej li na-el cuiꞌ chi nabal li sahil echej joꞌ quixye e̱re li Ka̱cuaꞌ lix Dioseb le̱ xeꞌto̱nil yucuaꞌ.

Deuteronomio 22:7

Naru te̱cꞌam li ral, abanan te̱rachꞌab li naꞌbej re nak us tex-e̱lk riqꞌuin li cꞌaꞌru nequeba̱nu ut re ajcuiꞌ nak ta̱najtokꞌ rok le̱ yuꞌam.

Jeremías 42:6

La̱o takaba̱nu li cꞌaꞌru tixye a̱cue li Ka̱cuaꞌ, usta us chiku, usta incꞌaꞌ. La̱o yo̱co chixtzꞌa̱manquil cha̱cuu nak tattijok chiru li Ka̱cuaꞌ li kaDios. To-abi̱nk chiru re nak us toe̱lk, chanqueb.

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Li xHu LIX RUT 3:1

Saꞌ jun li cutan lix Noemí quixye re lix Rut: —At incoꞌ, la̱in tincuaj xsicꞌbal junak a̱be̱lom re tatcua̱nk saꞌ a̱jun cablal chi sa saꞌ a̱chꞌo̱l.

Deuteronomio 6:18

Cheba̱nuhak li ti̱quilal ut li cha̱bilal joꞌ nacuulac chiru li Ka̱cuaꞌ re nak us tex-e̱lk ut tex-oc chi cua̱nc saꞌ li cha̱bil naꞌajej li quixyechiꞌi riqꞌuin juramento li Ka̱cuaꞌ reheb le̱ xeꞌto̱nil yucuaꞌ.

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

Jeremías 35:7

Ut quixye ajcuiꞌ ke: —Incꞌaꞌ texcablak, chi moco tex-a̱uk, chi moco te̱rau le̱ uvas, chi moco te̱xoc li cꞌaꞌ re ru aꞌin. Junelic texcua̱nk saꞌ eb li muheba̱l yi̱banbil riqꞌuin tꞌicr. Cui te̱ba̱nu chi joꞌcan, najt texcua̱nk saꞌ ruchichꞌochꞌ saꞌ li naꞌajej li cuanquex cuiꞌ, chan ke.

Efesios 6:2

Che-oxlokꞌi le̱ naꞌ e̱yucuaꞌ. Aꞌan aꞌin lix be̱n kataklanquil cuan cꞌaꞌru yechiꞌinbil ke cui takaba̱nu aꞌan.

Efesios 6:4

Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.