Efesios 6:23 - Li Santil hu

²³ Aꞌ taxak li tuktu̱quil usilal li naxqꞌue li Acuabej Dios ut li naxqꞌue li Ka̱cuaꞌ Jesucristo chicua̱nk e̱riqꞌuin la̱ex che̱junilex aj pa̱banel. Ut chicua̱nk taxak e̱riqꞌuin li rahoc ib ut lix cacuilal e̱chꞌo̱l saꞌ le̱ pa̱ba̱l.

Q'eqchi Bible

²³ Li Yos Yuwa'b'ej ut li Qaawa' Jesukriist che'xk'e taxaq li tuqtuukilal reheb' laj paab'anel, jo'wi' li rahok ut li paab'aal.

Efesios 6:23 ပူးပေါင်းရင်းမြစ်များ

Gálatas 6:16

Aꞌ taxak li tuktu̱quilal ut li uxta̱na̱nc u chicua̱nk e̱riqꞌuin la̱ex li nequexpa̱ban re lix ya̱lal li yo̱quin chixyebal. La̱ex li tzꞌakal ralal xcꞌajol li Dios.

1 Pedro 5:14

Cheqꞌuehak xsahil e̱chꞌo̱l che̱ribil e̱rib riqꞌuin santil utzꞌuc u xban nak nequera e̱rib. Chicua̱nk taxak li tuktu̱quil usilal e̱riqꞌuin xban nak la̱ex chic ralal xcꞌajol li Cristo. Joꞌcan taxak.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

1 Timoteo 1:14

Ut li Ka̱cuaꞌ Jesucristo numtajenak cuiꞌchic li cuosobtesinquil quixqꞌue. Quixqꞌue inpa̱ba̱l ut quixqꞌue cue li rahoc li nakatau nak junajo chic riqꞌuin li Cristo.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

1 Timoteo 1:3

Nacuaj nak tatcana̱k aran Éfeso joꞌ quintzꞌa̱ma cha̱cuu nak co̱in Macedonia. Tatcana̱k aran re nak ta̱kꞌuseb li yo̱queb chi balakꞌi̱nc saꞌ xya̱nkeb laj pa̱banel. Ta̱ye reheb nak teꞌxcanab xcꞌutbal li incꞌaꞌ ya̱l.

2 Ts 3:16

Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

1 Ts 5:8

Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.

1 Corintios 1:3

Chicua̱nk taxak e̱riqꞌuin li usilal ut li tuktu̱quilal li nachal riqꞌuin li Dios li kaYucuaꞌ ut riqꞌuin li Ka̱cuaꞌ Jesucristo.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

1 Samuel 25:6

Ut te̱ye re, “Aꞌ taxak li tuktu̱quil usilal chicua̱nk a̱cuiqꞌuin ut riqꞌuineb ajcuiꞌ chixjunileb la̱ cuechꞌalal, joꞌ eb ajcuiꞌ li cꞌaꞌru cuan a̱cue, chan laj David.

Génesis 43:23

Li mo̱s quixye reheb: —Ocankex ut mexcꞌoxlac chic chirix aꞌan. La̱in quincꞌuluc re xtzꞌak li trigo che̱ru. Le̱ Dios li naxlokꞌoni le̱ yucuaꞌ, aꞌan xqꞌuehoc re jun le̱ ra̱bal li xetau saꞌ le̱ coxtal, chan li mo̱s. Tojoꞌnak quixcꞌam chak laj Simeón riqꞌuineb.

1 Timoteo 5:8

Tento nak junak laj pa̱banel tixtenkꞌaheb li rechꞌalal. Ut kꞌaxal cuiꞌchic tento nak tixchꞌolaniheb li cuanqueb saꞌ li rochoch. Cui incꞌaꞌ naxba̱nu aꞌan, li jun aꞌan incꞌaꞌ naxqꞌue xcuanquil lix pa̱ba̱l ut kꞌaxal cuiꞌchic nim lix ma̱c chiruheb li toj ma̱jiꞌ nequeꞌxpa̱b li Dios.

Romanos 15:33

Aꞌ taxak li Dios, li naqꞌuehoc tuktu̱quil usilal, chicua̱nk e̱riqꞌuin che̱junilex. Joꞌcan taxak.

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

3 Juan 1:14

Yo̱quin chixcꞌoxlanquil nak chi se̱b takil kib re nak ta̱ru̱k taka̱tina kib.