Efesios 6:20 - Li Santil hu

²⁰ Taklanbilin xban li Dios chixyebal li resilal aꞌan. Ut xban xyebal resil li colba-ib nak cuanquin chi pre̱xil anakcuan. Chextijok chicuix re nak tinchꞌolob xya̱lal li colba-ib chi cau inchꞌo̱l joꞌ qꞌuebil cue xba̱nunquil xban li Dios.

Q'eqchi Bible

²⁰ Taqlanb'ilin xb'aan li Yos chi xyeeb'al li Chaab'il Esilal, us ta b'ak'b'ookin chi kareen. Chextijoq re naq tinpuktesi chi maak'a' inxiw, jo' teneb'anb'il sa' inb'een.

Efesios 6:20 ပူးပေါင်းရင်းမြစ်များ

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Colosenses 4:4

Ut chextijok ajcuiꞌ chak chicuix re nak tinru̱k chixchꞌolobanquil chi tzꞌakal lix ya̱lal joꞌ naraj li Dios.

2 Timoteo 2:9

Saꞌ xcꞌabaꞌ li evangelio yo̱quin chixcꞌulbal li raylal aꞌin, ut bacꞌbo̱quin chi cadena. Chanchan na-ux re junak kꞌaxal nim xma̱c. Usta bacꞌbo̱quin, abanan li resil li evangelio ta̱yema̱nk yalak bar xban nak li ra̱tin li Dios incꞌaꞌ naru xmukbal.

Filipenses 1:7

Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.

Hechos 26:29

Ut laj Pablo quixye: —Xqꞌue taxak a̱cue li Dios nak tatpa̱ba̱nk la̱at joꞌ eb ajcuiꞌ chixjunileb li yo̱queb chi abi̱nc cue anakcuan. Usta chꞌaꞌaj che̱ru, usta incꞌaꞌ, texpa̱ba̱nk taxak joꞌ nak xinpa̱ban la̱in, abanan incꞌaꞌ raj texbaqꞌuekꞌ riqꞌuin cadena, joꞌ nak bacꞌbo̱quin la̱in, chan.

1 Juan 3:16

Li Jesucristo quixcꞌut chiku chanru li rahoc nak quixkꞌaxtesi rib chi ca̱mc saꞌ kacꞌabaꞌ la̱o. Joꞌcan ajcuiꞌ nak tento takaraheb li kaherma̱n usta tocamsi̱k saꞌ xcꞌabaꞌeb.

2 Timoteo 1:16

Caꞌaj chic laj Onesíforo qꞌuila sut colinril saꞌ tzꞌalam ut quixcꞌojob inchꞌo̱l ut incꞌaꞌ quixuta̱nac xban nak bacꞌbo̱quin chi cadena. Aꞌ taxak li Ka̱cuaꞌ Dios chi-osobtesi̱nk re li jun cabal aꞌan.

1 Ts 2:2

Usta ac xkacꞌul li rahobtesi̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke.

Filipenses 1:20

Incꞌaꞌ nacuaj xxuta̱nobresinquil cuib riqꞌuin xba̱nunquil li cꞌaꞌak re ru incꞌaꞌ us. Nacuaj ban nak junelic cua̱nk xcacuilal inchꞌo̱l re xyebal resil li Jesucristo. Nacuaj xqꞌuebal xlokꞌal li Cristo anakcuan ut chi junelic riqꞌuin li ninba̱nu ut riqꞌuin ajcuiꞌ lin camic.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Efesios 3:1

La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

Hechos 28:31

Yo̱ chixchꞌolobanquil lix ya̱lal lix nimajcual cuanquilal li Dios ut yo̱ chixyebal resil li Ka̱cuaꞌ Jesucristo chi ma̱cꞌaꞌ xxiu. Ut ma̱ ani quiramoc chiru xyebal.

Hechos 28:20

Aꞌan aj e nak xintakla e̱bokbal. Xcuaj rilbal e̱ru ut xcuaj a̱tinac e̱riqꞌuin. Saꞌ xcꞌabaꞌ li jun li nakayoꞌoni la̱o aj Israel nak bacꞌbo̱quin anakcuan riqꞌuin li cadena aꞌin, chan reheb.

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Proverbios 13:17

Junak aj yehol esil incꞌaꞌ us xnaꞌleb naxqꞌue chꞌaꞌajquilal. Abanan junak aj yehol esil cha̱bil xnaꞌleb naxqꞌue usilal.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

Filemón 1:10

Li usilal nintzꞌa̱ma cha̱cuu, aꞌan chirix laj Onésimo. Chanchan li cualal chicuu nak cuan xban nak chicuu quixpa̱b li Jesucristo nak cuanquin chi pre̱xil.

Hechos 21:33

Ut li coronel quixchap laj Pablo. Quixtakla xbacꞌbal riqꞌuin cuib chi cadena. Ut quixpatzꞌ ani aꞌan ut cꞌaꞌru xma̱c.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Jeremías 1:17

Joꞌcan ut nak cauresi a̱cuib, at Jeremías, ut ayu chixyebal reheb li cꞌaꞌru xinye a̱cue. Matxucuac chiruheb. Cui tatxucuak anakcuan, naru ninqꞌue a̱xiu nak cua̱nkat chiruheb.

Isaías 33:7

Eb li cui̱nk li cauheb rib japjo̱queb re saꞌ eb li be. Eb li takl li queꞌraj nak li tenamit teꞌcua̱nk saꞌ tuktu̱quil usilal yo̱queb chi ya̱bac chi kꞌaxal ra saꞌ xchꞌo̱leb.

Jeremías 40:1

Li Ka̱cuaꞌ quia̱tinac cuiꞌchic riqꞌuin laj Jeremías nak ac x-achꞌaba̱c aran Ramá xban laj Nabuzaradán li nataklan saꞌ xbe̱neb li soldado. Bacꞌbo riqꞌuin cadena nak queꞌxtau saꞌ xya̱nkeb chixjunileb laj Jerusalén ut eb laj Judá li yo̱queb chi cꞌamecꞌ chi pre̱xil aran Babilonia.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.

Colosenses 4:3

Ut nak yo̱kex chi tijoc, chextijok ajcuiꞌ chak chikix la̱o re nak tixqꞌue ke li Dios xyebal resil li colba-ib saꞌ xcꞌabaꞌ li Cristo. Li xya̱lal li colba-ib, aꞌin mukmu nak quicuan chak. La̱ex nequenau nak cuanquin chi pre̱xil xban xyebal resil li colba-ib.

Filemón 1:9

Abanan incꞌaꞌ tinmin a̱cuu chixba̱nunquil. Tintzꞌa̱ma ban li usilal cha̱cuu xban nak nakara kib. La̱in ac xinti̱x ut cuanquin chi pre̱xil saꞌ xcꞌabaꞌ li Cristo.