Efesios 6:2 - Li Santil hu

² Che-oxlokꞌi le̱ naꞌ e̱yucuaꞌ. Aꞌan aꞌin lix be̱n kataklanquil cuan cꞌaꞌru yechiꞌinbil ke cui takaba̱nu aꞌan.

Q'eqchi Bible

² Li xb'een chaq'rab', xchapom rib' rik'in li xyeechi'om li Yos, a'an a'in: “Chawoxloq'i laana' laayuwa'

Efesios 6:2 ပူးပေါင်းရင်းမြစ်များ

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Deuteronomio 27:16

Tzꞌekta̱nanbil li ani tixtzꞌekta̱na xnaꞌ xyucuaꞌ. Ut chixjunileb li tenamit teꞌxye: Joꞌcan taxak.

Proverbios 20:20

Li ani naxtzꞌekta̱na lix naꞌ xyucuaꞌ kꞌaxal ra tixcꞌul nak ta̱ca̱mk. Chanchan nak nachup li xam saꞌ kꞌojyi̱n.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

Jeremías 35:18

Ut li profeta Jeremías quixye reheb li ralal xcꞌajol laj Recab: —Li Ka̱cuaꞌ lix Dioseb laj Israel naxye e̱re chi joꞌcaꞌin: La̱ex xeba̱nu li cꞌaꞌru quixye e̱re laj Jonadab le̱ xeꞌto̱nil yucuaꞌ. Xeba̱nu le̱ chakꞌrabinquil li quixqꞌue ut xeba̱nu chixjunil li quixye e̱re.

Romanos 13:7

Chetojak li cꞌaꞌak re ru tento xtojbal. Cheqꞌuehak xcuanquileb li cuanqueb saꞌ xcuanquil ut che-oxlokꞌiheb li cuanqueb saꞌ xcꞌanjel.

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Jeremías 35:7

Ut quixye ajcuiꞌ ke: —Incꞌaꞌ texcablak, chi moco tex-a̱uk, chi moco te̱rau le̱ uvas, chi moco te̱xoc li cꞌaꞌ re ru aꞌin. Junelic texcua̱nk saꞌ eb li muheba̱l yi̱banbil riqꞌuin tꞌicr. Cui te̱ba̱nu chi joꞌcan, najt texcua̱nk saꞌ ruchichꞌochꞌ saꞌ li naꞌajej li cuanquex cuiꞌ, chan ke.

Efesios 6:3

Ut li yechiꞌinbil ke, aꞌan aꞌin: Cui neque-oxlokꞌi le̱ naꞌ e̱yucuaꞌ, kꞌaxal us tex-e̱lk ut ta̱najtokꞌ ru le̱ yuꞌam li tixqꞌue li Dios arin saꞌ ruchichꞌochꞌ.

1 Timoteo 5:4

Abanan cui cuan ralal xcꞌajol, aꞌan eb chic teꞌtenkꞌa̱nk reheb. Tento nak teꞌxtzol rib chixba̱nunquil chi joꞌcaꞌin re nak teꞌxnau rilbal lix jun cablaleb. Teꞌxnau xkꞌajca̱munquil lix naꞌ xyucuaꞌ joꞌ nacuulac chiru li Dios.