Efesios 6:19 - Li Santil hu

¹⁹ Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

Q'eqchi Bible

¹⁹ jo' ajwi' chiwix laa'in, re naq li Yos tixk'e we li loq'laj Aatin li tento xpuktesinkil ut kawaq inch'ool chi xk'eeb'al chi nawe'k li xmuqmuukil yaalal li Chaab'il Esilal.

Efesios 6:19 ပူးပေါင်းရင်းမြစ်များ

Colosenses 4:3

Ut nak yo̱kex chi tijoc, chextijok ajcuiꞌ chak chikix la̱o re nak tixqꞌue ke li Dios xyebal resil li colba-ib saꞌ xcꞌabaꞌ li Cristo. Li xya̱lal li colba-ib, aꞌin mukmu nak quicuan chak. La̱ex nequenau nak cuanquin chi pre̱xil xban xyebal resil li colba-ib.

Hechos 4:29

Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

2 Ts 3:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru. Nintzꞌa̱ma che̱ru nak textijok chikix re nak ta̱yema̱nk li ra̱tin li Ka̱cuaꞌ Jesucristo yalak bar ut cheꞌxqꞌue xlokꞌal ut cheꞌpa̱ba̱nk taxak joꞌ nak quexpa̱ban la̱ex.

1 Ts 5:25

Ex herma̱n, chextijok chikix la̱o.

Hebreos 13:18

Ex herma̱n, tintzꞌa̱ma che̱ru nak chextijok chikix la̱o. Nakecꞌa nak ti̱c kachꞌo̱l ut nakaj nak junelic cua̱nko saꞌ ti̱quilal.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

1 Ts 2:2

Usta ac xkacꞌul li rahobtesi̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke.

2 Corintios 8:7

La̱ex cau e̱chꞌo̱l saꞌ le̱ pa̱ba̱l. Nequenau lix ya̱lal ut nequenau xchꞌolobanquil li ya̱l. Nequeqꞌue e̱chꞌo̱l chi cꞌanjelac joꞌ naraj li Dios, ut nocoe̱ra. Joꞌcan nak nakatzꞌa̱ma che̱ru nak cheqꞌue le̱ mayej chi anchal e̱chꞌo̱l.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

1 Corintios 4:1

Joꞌcan nak chenauhak nak la̱o yal aj cꞌanjelo chiru li Cristo ut qꞌuebil saꞌ kabe̱n xchꞌolobanquil lix ya̱lal li colba-ib li quiqꞌueheꞌ ke xban li Dios. Li xya̱lal aꞌin mukmu nak quicuan chak junxil.

Hechos 28:31

Yo̱ chixchꞌolobanquil lix ya̱lal lix nimajcual cuanquilal li Dios ut yo̱ chixyebal resil li Ka̱cuaꞌ Jesucristo chi ma̱cꞌaꞌ xxiu. Ut ma̱ ani quiramoc chiru xyebal.

Hechos 19:8

Chiru oxib po laj Pablo quixchꞌolob lix ya̱lal chiruheb laj Éfeso chi ma̱cꞌaꞌ xxiu saꞌ li cab li nequeꞌxchꞌutub cuiꞌ ribeb laj judío. Quixyal xkꞌe xcꞌutbal chi tzꞌakal lix ya̱lal lix nimajcual cuanquilal li Dios.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Filemón 1:22

Ut nintzꞌa̱ma ajcuiꞌ cha̱cuu nak ta̱cauresi li cuochochnal. Yo̱quin chixyoꞌoninquil nak tinxic cuiꞌchic e̱riqꞌuin joꞌ yo̱quex chixtzꞌa̱manquil chiru li Dios.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.

1 Corintios 1:5

Xban nak junajex chic riqꞌuin li Cristo, xema̱tani li rusilal li Dios. Cha̱bil chic nequex-a̱tinac ut cha̱bil chic le̱ naꞌleb xban nak nequenau chic lix ya̱lal.

Hechos 14:3

Abanan laj Pablo ut laj Bernabé najt queꞌcana aran. Ut xban nak cauheb xchꞌo̱l riqꞌuin li Ka̱cuaꞌ queꞌxchꞌolob xya̱lal li rusilal li Dios. Ut li Ka̱cuaꞌ yo̱ chixqꞌuebal xcuanquil li ra̱tineb xban nak yo̱ chixtenkꞌanquileb chixba̱nunquil li milagros ut li sachba chꞌo̱lej.

Hechos 9:27

Ut laj Bernabé quixcꞌam laj Saulo riqꞌuineb li apóstol ut quixserakꞌi reheb chanru nak quiril ru li Ka̱cuaꞌ saꞌ li be ut quixye ajcuiꞌ reheb chanru nak quixchꞌolob xya̱lal li Jesucristo chi cau xchꞌo̱l aran Damasco.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

2 Corintios 7:4

Cau inchꞌo̱l e̱riqꞌuin ut nasahoꞌ inchꞌo̱l xyebal e̱resilal. Cꞌojcꞌo inchꞌo̱l e̱ban. Usta yo̱quin chixcꞌulbal li raylal, abanan kꞌaxal sa saꞌ inchꞌo̱l.

2 Corintios 1:11

Abanan nakatzꞌa̱ma ajcuiꞌ che̱ru nak junelic textijok chikix. Cui nabaleb li nequeꞌtijoc chikix, nabaleb ajcuiꞌ li teꞌbantioxi̱nk chiru li Dios nak torosobtesi.

1 Corintios 2:7

Abanan la̱in ninchꞌolob xya̱lal li naꞌleb li quixqꞌue li Dios. Li naꞌleb aꞌan mukmu nak quicuan chak junxil. Incꞌaꞌ natauman ru nak quicuan. Abanan chalen chak najter kꞌe cutan nak toj ma̱jiꞌ quixyi̱b li ruchichꞌochꞌ ac cuan chak saꞌ xchꞌo̱l li Dios nak tixqꞌue li kalokꞌal ut li kalokꞌal, aꞌan li kacolbal.

Romanos 15:30

Ex herma̱n, nintzꞌa̱ma che̱ru nak tine̱tenkꞌa saꞌ le̱ tij saꞌ xcꞌabaꞌ li Jesucristo ut saꞌ xcꞌabaꞌ ajcuiꞌ li rahoc ib li qꞌuebil ke xban li Santil Musikꞌej.

Hechos 18:26

Qui-oc chi a̱tinac chi cau xchꞌo̱l saꞌ li cab li nequeꞌxchꞌutub cuiꞌ ribeb laj judío. Nak queꞌrabi lix Priscila ut laj Aquila li yo̱ chixyebal, queꞌrisi xjunes laj Apolos ut queꞌxchꞌolob lix ya̱lal chi tzꞌakal chiru.

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

Hechos 9:29

Ut quixchꞌolob lix ya̱lal chiruheb laj judío li nequeꞌa̱tinac saꞌ griego. Eb aꞌan incꞌaꞌ queꞌraj rabinquil. Queꞌraj ban xcamsinquil.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

2 Corintios 6:11

Ex herma̱n, la̱ex li cuanquex Corinto, nequexinra. Joꞌcan nak xinye e̱re chixjunil li cuan saꞌ inchꞌo̱l.

Efesios 3:9

Joꞌcan nak tento tinchꞌolob yalak bar lix ya̱lal li naꞌleb li mukmu nak quicuan chak junxil. Chalen chak saꞌ xticlajic chixjunil li naꞌleb aꞌin mukmu chak xban li Dios li quiyi̱ban re chixjunil.