Efesios 6:18 - Li Santil hu

¹⁸ Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

Q'eqchi Bible

¹⁸ Junelik chextijoq, chextz'aamanq. Chi kok'aq xsa' chex'elajinq sa' li Musiq'ej. Yalomaq eeq'e chi yo'lek sa' komonil, yooqex chi tijok chirixeb' chixjunil laj santil paab'anel

Efesios 6:18 ပူးပေါင်းရင်းမြစ်များ

1 Ts 5:17

Junelic chextijok.

Colosenses 4:2

Me̱canab tijoc. Chextijok chi anchal e̱chꞌo̱l ut junelic chexbantioxi̱nk chiru li Dios.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

1 Timoteo 2:1

Anakcuan aꞌan aꞌin li tinye e̱re: cheqꞌuehak e̱chꞌo̱l chi tijoc chirixeb chixjunileb le̱ ras e̱ri̱tzꞌin. Chextzꞌa̱ma̱nk ut chexbantioxi̱nk chiru li Ka̱cuaꞌ nak textijok.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

San Marcos 14:38

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k.—

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

San Mateo 26:41

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k, chan.

Daniel 9:20

Toj yo̱quin ajcuiꞌ chi tijoc chiru li Dios ut yo̱quin chixxo̱tonquil lin ma̱c chiru joꞌ ajcuiꞌ lix ma̱queb lin tenamit Israel. Chi anchal inchꞌo̱l yo̱quin chixtzꞌa̱manquil chiru li Ka̱cuaꞌ nak tixxakab cuiꞌchic lix santil templo.

Efesios 1:16

Joꞌcan nak junelic ninbantioxin chiru li Dios ut yo̱quin chi tijoc che̱rix.

Salmos 6:9

Li Ka̱cuaꞌ xrabi lin tij. Ut xrabi ajcuiꞌ li cꞌaꞌru xintzꞌa̱ma chiru.

Romanos 12:12

Chisahokꞌ saꞌ e̱chꞌo̱l xban nak cuan cꞌaꞌru nequeroybeni. Checuyak li raylal li nachal saꞌ e̱be̱n. Ut junelic chextijok.

San Marcos 13:33

Joꞌcan nak yoꞌon cua̱nkex. Chexyoꞌlek ut chextijok xban nak incꞌaꞌ nequenau jokꞌe ta̱cuulak xkꞌehil incꞌulunic.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

Hechos 1:14

Chixjunileb aꞌan yo̱queb chi tijoc chi junajeb xchꞌo̱l rochbeneb li ri̱tzꞌin li Jesús ut lix María lix naꞌ. Ut cuanqueb ajcuiꞌ ixk yo̱queb chi tijoc rochbeneb.

San Lucas 22:46

Ut li Jesús quixye reheb: —¿Cꞌaꞌut nak yo̱quex chi cua̱rc? Cuaclinkex ut tijonkex re nak incꞌaꞌ te̱qꞌue e̱rib chi a̱le̱c, chan reheb.

Salmos 4:1

Chaqꞌue taxak li cꞌaꞌru nintzꞌa̱ma cha̱cuu, at inDios. Caꞌaj cuiꞌ a̱cuiqꞌuin nintau xti̱quilal inchꞌo̱l. Nak cuanquin saꞌ raylal, la̱at nacattenkꞌan cue ut nacaqꞌue xsahil inchꞌo̱l. Chacuil taxak xtokꞌoba̱l cuu ut chacuabi taxak lin tij.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

2 Timoteo 1:3

Junelic ninbantioxi chiru li Dios nak nacatinjultica saꞌ lin tij chi kꞌek chi cutan. Ut ma̱cꞌaꞌ nachꞌiꞌchꞌiꞌin cue saꞌ li cua̱m nak nincꞌanjelac chiru li Dios joꞌ queꞌxba̱nu lin xeꞌto̱nil yucuaꞌ.

Filipenses 1:4

Ut junelic nintijoc che̱rix chi sa saꞌ inchꞌo̱l.

1 Reyes 8:52

Joꞌcan ut, at Ka̱cuaꞌ, chacuabi taxak lin tij la̱in laj cꞌanjel cha̱cuu. Ut chacuabi ta ajcuiꞌ lix tijeb la̱ tenamit Israel. Chasume taxak chixjunil li cꞌaꞌru teꞌxtzꞌa̱ma cha̱cuu.

1 Reyes 9:3

Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

1 Reyes 8:54

Nak quitijoc laj Salomón, quicuikꞌla chiru li artal ut quixtaksi li rukꞌ.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

Hechos 12:5

Joꞌcan nak laj Pedro ilbil chi us xbaneb li soldado re nak incꞌaꞌ ta̱e̱lelik. Abanan eb laj pa̱banel cau yo̱queb chi tijoc chirix.

Oseas 12:4

Saꞌ li naꞌajej Bet-el quipletic riqꞌuin li ángel ut quinumta saꞌ xbe̱n. Laj Jacob quiya̱bac ut quixtzꞌa̱ma li rosobtesinquil toj retal nak li Dios quia̱tinac riqꞌuin ut quirosobtesi ut co-osobtesi̱c ajcuiꞌ la̱o.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

1 Reyes 8:59

Chixjunil li cꞌaꞌak re ru aꞌin li xintzꞌa̱ma saꞌ lin tij chiru li Ka̱cuaꞌ, junelic taxak chijulticokꞌ re chi kꞌek chi cutan. Tinixtenkꞌa taxak la̱in laj cꞌanjel chiru ut tixtenkꞌa taxak lix tenamit Israel, aꞌ yal cꞌaꞌru teꞌraj cuiꞌ tenkꞌa̱c.

Filemón 1:5

Ninbantioxi chiru li Dios nak nacuabi resil nak nacapa̱b chi tzꞌakal li Jesucristo ut ninbantioxi chiru nak nacaraheb chixjunileb laj pa̱banel.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Li xHu LAJ JOB 27:10

¿Ma ta̱cꞌojla̱k ta biꞌ xchꞌo̱leb riqꞌuin li nimajcual Dios nak teꞌtijok? Ut, ¿ma rajlal ta biꞌ nequeꞌtijoc chiru li Dios?

Ester 4:8

Quixqꞌue jun li hu re, li tzꞌi̱banbil cuiꞌ li chakꞌrab li quixqꞌue li rey, li naxye nak teꞌcamsi̱k chixjunileb laj judío. Quixye re nak tixkꞌaxtesi li hu re lix Ester re tixnau cꞌaꞌru yo̱queb chixcꞌulbal. Ut quixtakla ajcuiꞌ xyebal re lix Ester nak ta̱xic chi a̱tinac riqꞌuin li rey, ut tixtzꞌa̱ma chiru li rey nak ta̱ril taxak xtokꞌoba̱l ruheb laj judío, li rech tenamitil lix Ester.

Hechos 10:2

Li cui̱nk aꞌan quixxucua ru li Dios joꞌqueb ajcuiꞌ chixjunileb li cuanqueb saꞌ li rochoch. Cha̱bil xnaꞌleb ut junelic natijoc chiru li Dios ut junelic naxtenkꞌaheb li nebaꞌ.

Hechos 6:4

Ut la̱o takayal kakꞌe chi tijoc ut chixjulticanquil li ra̱tin li Dios, chanqueb.

Efesios 3:18

Nintzꞌa̱ma chiru li Dios nak chetauhak taxak ru, joꞌ ajcuiꞌ chixjunileb laj pa̱banel, nak kꞌaxal nim li kara̱bal xban li Cristo. Numtajenak lix rahom li Cristo. Ma̱cꞌaꞌ xbisbal ut ma̱ ani ta̱taꞌok ru lix lokꞌal lix rahom li Cristo.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Romanos 8:15

La̱ex xecꞌul li Santil Musikꞌej ut ma̱cꞌaꞌ chic e̱xiu. Moco joꞌquex ta junak li mo̱s naxxucua ru lix patrón. Xban nak li Santil Musikꞌej cuan kiqꞌuin, la̱o ban tzꞌakal ralal xcꞌajol li Dios. Joꞌcan nak nakaye “at inYucuaꞌ” re nak nocotijoc.

Efesios 2:22

Joꞌcan ajcuiꞌ la̱ex. Xban nak rehex chic li Cristo, junajex chic riqꞌuineb laj pa̱banel. Ut la̱ex ajcuiꞌ li rochoch li Dios xban nak li Santil Musikꞌej cuan e̱riqꞌuin.

San Lucas 3:37

Ut laj Lamec, aꞌan li ralal laj Matusalén. Ut laj Matusalén, aꞌan li ralal laj Enoc. Ut laj Enoc, aꞌan li ralal laj Jared. Ut laj Jared, aꞌan li ralal laj Mahalaleel. Ut laj Mahalaleel, aꞌan li ralal laj Cainán.

Colosenses 1:4

Nakabantioxi chiru li Dios xban nak xkabi resil nak cau e̱chꞌo̱l chixpa̱banquil li Jesucristo ut xkabi ajcuiꞌ resil nak nequera chixjunileb le̱ rech aj pa̱banelil.

Gálatas 4:6

Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

San Lucas 3:26

Ut laj Nagai, aꞌan li ralal laj Maat. Ut laj Maat, aꞌan li ralal laj Matatías. Ut laj Matatías, aꞌan li ralal laj Simei. Ut laj Simei, aꞌan li ralal laj José. Ut laj José, aꞌan li ralal laj Judá.

Colosenses 1:3

Nak nocotijoc che̱rix junelic nakabantioxi chiru li Dios lix Yucuaꞌ li Ka̱cuaꞌ Jesucristo.

1 Samuel 1:12

Najt quitijoc chiru li nimajcual Dios ut laj Elí yo̱ chixqꞌuebal retal lix tzꞌu̱mal re lix Ana nak yo̱ chi tijoc.

San Mateo 17:21

Caꞌaj cuiꞌ riqꞌuin ayu̱n ut riqꞌuin tijoc naru risinquil li ma̱us aj musikꞌej xcomoneb aꞌan, chan.