Efesios 6:16 - Li Santil hu

¹⁶ Chirix chixjunil aꞌin chicua̱nk ajcuiꞌ le̱ pa̱ba̱l. Ut aꞌan ta̱cꞌanjelak e̱re joꞌ le̱ ramleb chꞌi̱chꞌ. Le̱ pa̱ba̱l ta̱cꞌanjelak re xcolbal e̱rib chiru laj tza nak tixyal e̱ra̱lenquil. Riqꞌuin aꞌin ta̱ru̱k te̱chup xxamlel lix tzimaj laj tza.

Q'eqchi Bible

¹⁶ wanq junelik leepaab'aal cho'q ramleb'ch'iich' re naq texruhanq xchupb'al chixjunil xxamlel li xsimaj li maa'us.

Efesios 6:16 ပူးပေါင်းရင်းမြစ်များ

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

1 Ts 5:19

Me̱risi xcuanquil li Santil Musikꞌej e̱riqꞌuin. Cheqꞌuehak ban chi cꞌanjelac e̱riqꞌuin, joꞌ naraj aꞌan.

Salmos 120:4

Li cꞌaꞌru te̱cꞌul, aꞌan li tojba ma̱c. Chanchan nak texcutekꞌ riqꞌuin tzimaj ut chanchan nak ta̱qꞌuehekꞌ ru xam saꞌ e̱be̱n nak texqꞌuehekꞌ chixtojbal rix le̱ ma̱c.

2 Samuel 22:36

At Ka̱cuaꞌ, la̱at nacatcoloc cue, ut xban xnimal la̱ cuusilal xniman incuanquil.

Salmos 7:13

Li Dios ac xcauresi rib chi rakoc a̱tin saꞌ xbe̱neb. Chanchan nak ac yo̱ chixti̱canquileb riqꞌuin lix tzimaj.

San Mateo 5:37

Joꞌcaꞌin ban te̱ba̱nu. Cui te̱ye nak ya̱l, junes ya̱l te̱ye. Ut cui te̱ye nak incꞌaꞌ, junes incꞌaꞌ te̱ye. Cui te̱qꞌue xtzꞌakob li a̱tin aꞌan, li naꞌleb aꞌan riqꞌuin laj tza nachal.

1 Ts 5:8

Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.